2

¹ Левий выжыысь пиосмурт кышно ваиз аслаз выжыысьтыз ик нылмуртэз.

² Куспалыз секытэн луиз, пи ваиз но, адӟыса, со туж чебер шуыса, ватыса нунызэ возиз куинь толызь,

³ нош отияз ватыса возьыны ӧз ни быгаты. Тросниклэсь пунэм корзина басьтӥз но сирен но асфальтэн сое зыраз. Корзинкае нуныез понӥз но шурлэн яр дур тросникез пӧлы. ву вылэ пуктӥз.

⁴ Нош солэн сестраез кыдёкысен учкылӥз, мар соин луоз.

⁵ Фараонлэн нылыз шур дуре пыласькыны потӥз, нош ляльчиосыз яр дуртӥ ветло вал. Фараонлэн нылыз тросник пӧлысь адӟиз корзинкаез но ляльчизе сое басьтыны келяз.

⁶ Куке со усьтӥз корзинкаез, адӟиз отысь бӧрдӥсь пиналэз. Сое адӟыса солэн сюлэмаз жалян пыӵаз но шуиз: " Та еврей пинал".

⁷ Солэн сестраез фараонлэн нылызлы шуиз: " Мон шат ветло но ӧтё еврей кышномуртэз, кудӥз та нуныез нонтыса сюдыны быгатысал?"

⁸ Фараонлэн нылыз шуиз солы: " Ветлы". Нунылэн сестраез мынӥз но ӧтиз анайзэс.

⁹ Фараонлэн нылыз шуиз нунылэн анаезлы:" Басьты та нуныез но нонты сое мон понна. Мон коньдон сёто тыныд со понна". Кышномур басьтӥз нуныез но нонтылӥз.

¹⁰ Куке пинал будӥз, со ваиз сое фараонлэн нылыз доры, но со пинал солы пи интые вал. Со сётӥз солы Моисей ним, уго вералляз: " Мон басьтӥ сое вуысь ".

¹¹ Трос дыр ортчем бере, куке Моисей быдэ вуиз, таӵе учыр луиз. Моисей потӥз аслаз братъёсыз доры но адӟиз соослэсь секыт ужамзэс. Со адӟиз, египтянин пе жуге одӥгзэ еврей братэз.

¹² Котыр учкиз но нокинэ но ӧз адӟы но вииз египтянинез но луо пушкы сое ватӥз.

¹³ Мукет нуналэ со потӥз но, адӟиз, кызьы кык еврейъёс вожвылъяськыса жугисько, шуиз вӧськарисезлы: " Малы тон жугиськод аслысьтыд матысьтэ?"

¹⁴ Нош со Моисейлы пумитаз шуиз: " Кин тонэ кивалтӥсен но судьяен пуктӥз ми вылын? Шат монэ но виыны малпаськод, кызьы египтянинэз виид?" Моисей кышказ но шуиз: " Зэм но,тодӥллям со уж сярысь".

¹⁵ Фораон кылӥз солэсь египтянинэз виемез сярысь но Моисеез виыны малпаз. Нош Моисей пегӟиз фараонлэсь, но дугдӥз мадиам музъем вылэ но колодча доры пуксиз.

¹⁶ Мадиамысь священниклэн сизьым нылъёсыз вал. Соос лыктӥзы, но атайзылэсь ыжъёссэс люктан понна, колодчаысь ву жутъяса тусьёсты вуен тырмытӥзы.

¹⁷ Доразы ыж возьмасьёс лыктӥзы но соосты улляны кутскизы. Соку Моисей султӥз, соослы дур басьтӥз но нылъёслэсь ыжъёссэс люктаны юрттӥз.

¹⁸ Куке соос Рагуил атайзы доры лыктӥзы, со юаз соослэсь: "Кызьы тӥ туннэ сыӵе вазь лыктӥды?"

¹⁹ Соос шуизы: " Кыӵе-ке египтянин ми понна ыж возьмасьёслэсь дур басьтӥз. Со милем ву ӝутъян но ыжъёсты люктаны но юрттӥз".

²⁰ Со шуиз аслаз нылъёсызлы: " Кытын со? Малы тӥ сое кельтӥды? Ӧте сое, но со мед нянь сиёз".

²¹ Моисей со адями дорын улыны кутскиз, но Рагуил Моисейлы Сепфора нылзэ кышнолы сётӥз.

²² Солэн пиез вордӥськиз, Моисей солы Гирсам ним сётӥз, уго со вералляз: " Мон мурт музъем вылэ кошкем адями луи".

²³ Трос дыр ортчем бере Египетысь фараон кулӥз. Израиль пиос жуштыса но бӧрдыса ужаллязы, соослэн сьӧкыт ужлэсь бӧрдэм куаразы Инмар доры ӝутӥськем.

²⁴ Инмар кылӥз соослэсь бӧрдэмзэс но Авраамен, Исаакен но Иаковен кыл кутэмзэ тодаз ваиз.

²⁵ Инмар адӥиз Израильлэсь пиоссэ но соослы юрттэмез потӥз.