¹ ۱۔ اِے بالو! خداوند اِچ اپنے پاں پئیو دے فرمانبردار راہو کیونکہ اِے واجب ہِے۔ ² ۲۔ اپنے پئیو دی تے اپنی ماں دی عزت کر ( ایہہ پہلا حکم ہِے جیندے نال وعدہ وی ہِے)۔ ³ ۳۔ تاں جو تیڈا بھلا تھیوے اَتے تیڈی عمر زمین تے لمبی ہووے۔ ⁴ ۴۔اِے اولاد والیو! تُساں اپنے بالاں کُو غصہ نہ ڈیواؤ بلکہ خداوند دی طرفوں تربیت تے نصیحت ڈے ڈے کے اُنہاں دی پرورش کرو۔ ⁵ ۵۔ اِے نوکرو! جیہڑے جسم دی روُح نال تُہاڈے مالک ہِن اپنی صاف دِلی نال ڈردے تے کمنبدے راہو اُنہاں دے ایویں فرمانبردار راہو جیویں مسیح دے۔ ⁶ ۶۔ اَتے بندیاں کوُ خوش کرن آلیاں دی کار ڈِکھاوے کیتے خدمت نہ کرو بلکہ مسیح دے بندیاں دی کار دِل توں خدا دی مرضی پوری کرو۔ ⁷ ۷۔ اَتے اوُں خدمت کوُ بندیاں دی نئیں بلکہ خداوند دی جان کے جی نال کرو۔ ⁸ ۸۔ کیونکہ تُساں جان دے ہیوے کہ جیہڑا کوُئی جیہوں جئیا ہی چنگا کم کریسی خواہ غلام ہووے خواہ آزاد خداوند اِچ اوُں وے ہی ڈیکھ سن۔ ⁹ ۹۔اَتے اِے مالکو! تُساں وی دھمکیاں چھوڑ کے اُنہاں دے نال ایویں ای سلوک کرو کیونکہ تُساں جان دے ہیوے کہ اُنہاں دا تے تُہاڈا ڈوحاں دا مالِک آسمان تے ہِے اَتے اوہ کئیں دا طرفدار نئیں۔ ¹⁰ ۱۰۔ ایوین ہ،ے کہ تُساں خداوند اِچ تے اوُندی قدرت دے زور اِچ مظبوط تھیوو۔ ¹¹ ۱۱۔خدا دے سارے ہتھیار بَدھ گھِنو تاں جو تُساں اِبلیس دے منصوبیاں دے مُقابلے وِچ قائم رِہ سگو۔ ¹² ۱۲۔ کیونکہ ساکوُ خون تے گوشت نال کُشتی نئیں کرنی ہِے بلکہ حکومت آلیاں تے اختیار آلیاں تے اِیں دُنیا دے اندھارے دے حاکماں تے شرارت دی اُنہاں روحانی فوجاں دے نال جیہڑیاں آسمانی مقاماں اِچ ہِن۔ ¹³ ۱۳۔ اِیں کیتے خدا دے سارے ہتھیار بَدھ گھِنو تاں جو بُرے ڈِیں اِچ مقابلہ کر سگو اَتے سارے کماں کوُ پورا کر کے قائم رِہ سگو۔ ¹⁴ ۱۴۔ پس سچائی دے نال اپنی کمر کس کے تے راستبازی دا بکتر لا کے۔ ¹⁵ ۱۵۔ تے پیراں اِچ صُلح دی خوشخبری دی تیاری دے جُتے پا کے۔ ¹⁶ ۱۶۔ اَتے اُنہاں ساریاں دے نال ایمان دی سِپر لا کے قائم راہو۔ جئیں دے نال تُساں اوُں شرارت کرن آلے دے سارے جلدے ہوئے تیراں کوُ بُجھا سگو۔ ¹⁷ ۱۷۔ اَتے نجات دا خود تے روح دی تلوار جیہڑا خدا دا کلام ہِے گھِن گھِنو۔ ¹⁸ ۱۸۔ اَتے ہر ویلے تے ہر طرح نال روُح وِچ دُعا تے مِنّت کریندے راہو اَتے اِیں پاروں جاگدے راہو کہ سارے پاک بندیاں کیتے روزانہ دُعا کیتا کرو۔ ¹⁹ ۱۹۔ تے میڈے کیتے وی تاکہ بولن دے ویلے میکوُ کلام کرن دی توفیق ہووے جئیں دے نال میں خوشخبری دے بھید کوُ دلیری نال ظاہر کراں۔ ²⁰ ۲۰۔جیندے کیتے زنجیر دے نال بَدھیا ہویا ایلچی ہاں تے اوُں کو ایہو جئی دلیری نال بیان کراں جیویں بیان کرنا میڈے تے فرض ہِے۔ ²¹ ۲۱۔ اَتے تخکس جیہڑا پیارا بھِرا تے خداوند اِچ دیانتدار خادم ہِے تُہاکوُ ساریاں گالہیں ڈسیسی تاکہ تُساں وی میڈے حال توں واقف تھی ونجو کہ میں کیوین راہندا ہاں۔ ²² ۲۲۔ اوُں کوُ میں تُہاڈے کول ایں کیتے گھلیا ہِے کہ تُساں ساڈی حالت توں واقف تھی ونجو اَتے اوہ تُہاڈے دِلاں کوُ تسلّی ڈیوے۔ ²³ ۲۳۔خدا باپ تے خداوند یسوع مسیح دی طرفوں بھراواں کوُ اطمینان مِلے تے اُنہاں وِچ ایمان دے نال محبت ہووے۔ ²⁴ ۲۴۔ جیہڑے ساڈے خداوند یسوع مسیح نال لازوال محبت رکھیندے ہِن اُنہاں ساریاں تے فضل تھیندا راہوے۔