¹ ۱۔ جڈاں ساکوُ سارے سفر تھوں حفاظت نال پہنچا ڈِتا گیا، ساکو پتا چلے کہ ایہہ جزیرہ مالٹا اکھواندا ہِا۔ ² ۔ لگاتار بارش تے سردی دی وجہ تھوں اُتھاں دے راہون آلے لوگ نہ صرف ساڈے نال ہمدردی نال پیش آئے بلکہ اُنہاں نے ساڈے کیتے بھا بالی اَتے ساکوُ ساریاں کوُ خوش آمدید آکھیا۔ ³ ۳۔پر جیہڑے ویلے پولُس نے لکڑیاں دا گٹھا کٹھا کر کے بھا دے اُتے رکھے چا، بھا دے سینک دی وجہ تھوں ہِک سَپ نکلے تے اوُں دے ہتھ تے لِپٹ گئے۔ ⁴ ۴۔جیہڑے ویلے اُتھاں دے لوگاں نے اوُں دے ہتھ نال لٹکیا ہویا سَپ ڈیکھیا، اُنہاں نے تاں ہِک ڈوجھے کوُ آکھن لگے ضرور ہِے "جو اِے بندہ قاتل ہِے جیہڑا سمندر تھون تاں بچ گئے پر انصاف اینکوُ زندہ راہون دی اجازت نئیں ڈیندا۔" ⁵ ۵۔ لیکن وَل اُنہاں نے اوُں جانور کوُ بھا اِچ سَٹ ڈِتا اَتےاوُں کوُ کوُئی نقصان نہ پہنچیا۔ ⁶ ۶۔ اوہ انتظار کریندے پئے ہَن کہ اوُندا جسم بخار نال گرم تھی ویسی اَتے ایہہ ڈھیے کہ مَر ویسی۔پر اُنہاں دے بہوں دیر تک ڈیکھن دے بعد پتا چلا کہ اوُں دے نال کوئی عجیب کم تھیئے، اُنہاں نے اپنے خیالات بدل ڈِتے اَتے آکھیا کہ اوہ تاں کوئی دیوتا ہِا۔ ⁷ ۷۔ اُتھاں نیڑے ہی کجھ زمیناں ہَن جو جزیرے دے سردار دی ملکیت ہَن جیندا ناں پُبلیُس ہا، اوُں نے تریئے ڈیہاں تاک ساکوُ مہمان رکھ کے ساڈی خدمت کیتی۔ ⁸ ۸۔ایویں تھیا کہ پُبلیُس دا پیئو پیچس تے بخار وجہ تھوں بینار ہا۔ پُولُس اوُندے کول گیا، اوُں کیتے دعا کیتی، اوُں دے ہتھ رکھیا اَتے اوں کوُ چنگا کیتا۔ ⁹ ۹۔ اِیں واقعہ دے بعد اوُں جزیرے دے ڈوجھے لوگ جو بیمار ہَن اوہ وی آئے اَتے اُنہاں کوُ وی چنگا کیتا گیا۔ ¹⁰ ۱۰۔ اُنہاں نے ساڈی بہوں عزت کیتی جڈاں اساں سفر دی تیاری کریندے پئے ہاسے اَتے اوہ ساراکجھ ڈِتے جیندی ساکوُ ضرورت ہائی۔ ¹¹ ۱۱۔ ترئیے مہینیاں دے بعد اساں سکندریہ دے جہاز اِچ سفر تے روانہ تھئےاَتے جزیرے تے سردی دا موسم ہا، تے جیندا نشان دِیُسکُوری ہا۔ ¹² ۱۲۔ سَرکُوسہ پہنچ کے اساں ترئیے ڈِیں تک اُتھائیں راہے۔ ¹³ ۱۳۔ جتھوں اساں سفر کر کے ریگیم دے شاہر پہنچے۔ ہِک ڈِیں دے بعد جنوب دی طرفوں ہوا چلی اَتے ڈُو ڈیہاں اِچ اساں پُتیلی وچ آئے۔ ¹⁴ ۱۴۔ اُتھاں ساکوُں کجھ بھرا ملے اَتے ساکوُ سَت ڈِیں تک اُنہاں دے نال راہون کیتے سَڈیا، اِیں طرح اساں رومہ آگئے۔ ¹⁵ ۱۵۔ اُتھائوں اُنہاں بھراواں نے جڈاں ساڈے بارے وِچ سُنیا، ساکوُ ملن کیتے آئے اَتے اوہ اَپّیُس تے تین سرائے تک ساڈے نال آئے۔ جڈاں پولُس نے بھراواں کوُ ڈیکھیا تاں اوُں کوُ حوصلہ مِلے اَتے اوں نے خدا دا شکر ادا کیتا ¹⁶ ۱۶۔ جڈاں اساں رومہ وِچ داخل تھئے تاں پولُس کوُ اجازت ملی کہ کہلا اوں سپاہی دے نال رہےجیہڑا اوں دی حفاظت کریندا ہا۔ ¹⁷ ۱۷۔ ترئیے ڈیہاں دے بعد ایویں تھیا اُنہاں لوگاں کوُ کٹھا کیتا جو یہودیاں سے سردار ہَن، جڈاں اوہ کٹھے تھی گئے اوں نے اُنہاں کوُ آکھیا بھراؤ، بےشک میں اِنہاں لوگاں تے اپنے پیئو ڈاڈا دی روایات دے خلاف کجھ نئیں کیتا، میکوُ یروشلیم تھوں ہِک قیدی دی حیثیت دے نال کڈھ کے رومیاں دے ہتھاں وِچ گھن آئینِ ¹⁸ ۱۸۔ میکوں سوالات کرن دے بعد اوہ میکوُ رہا کرن دی خواہش رکھیندے ہَن۔ کیوں جو میڈے تے سزائے موت دا کوُئی جواز نہ بن دا ہا۔ ¹⁹ ۱۹۔ پر جڈاں یہودیاں نے اپنی خواہشات دے خلاف آکھے، تاں میں قیصر دے سامنے اپیل کرن تے مجبور تھیا پر اِیں کیتے نئیں جو میکوُ اپنی قوم تے کوُئی الزام لاونا ہا۔ ²⁰ ۲۰۔میڈی اپیل دی وجہ تھوں میکوُ آکھیا گیا کہ تُہاڈے نال مِلاں اَتے ایندے بارے وِچ گالھ کراں کیونکہ اسرائیل دی اُمید دے باعث میں اُنہاں زنجیراں اِچ جکڑیا ودا ہاں۔ ²¹ ۲۱۔ وَل اُنہاں نے اوں کوُ آکھیا " نہ تاں ساکوُ تیڈے بارے وِچ یہودیہ دے خط آئے ہِن نہ ہی بھراواں وِچوں کوُئی آیا نہ تُہاڈے متعلق کوُئی بُری گالھ آکھی اَتے نہ کوُئی رپورٹ ڈِتی۔ ²² ۲۲۔ لیکن اساں تُہاڈی طرفوں سننا چاہندے ہئیں کہ تُساں اِیں فرقے دے بارے وِچکیا سوچیندے ہیوے کیونکہ اساں جان دے ہئیں کہ ہر جاہ اِیں دت خلاف گالھ تھیندی ہِے۔ ²³ ۲۳۔ اَتے اوہ اوُں کوُ ہِک ڈِیں روک کے اوں دی جاہ تے اوندے کول آئے، اوں نے سارا معاملہ اُنہاں دے سامنے پیش کیتا اَتے خدا دی بادشاہی دے متعلق گواہی ڈِتی، اوہ سویر تھوں شام تک موسیٰ دی شریعت تے نبیاں دے صحائف تھوں اُنہاں کوُ یسوع دے بارے قائل کرن دی کوشش کریندا ریہا ²⁴ ۲۴۔ کجھ کوُ اِنہاں گالہیں دے متعلق قائل کر لیتا گیا جو آکھی گئیاں ہَن جبکہ ڈُجہیاں نے یقین نہ کیتا۔ ²⁵ ۲۵۔ جڈاں اوہ ہک ڈُوجھے تھوں متفق نہ تھئے تاں پولُس دی اِیں ہک گالھ آکھن تے اوہ روانہ تھئے۔ روح القدس نے یسعیاہ دے پاروں تُہاڈے پیئو ڈاڈا کوُ فرمائے، اوں نے اکھیا۔ ²⁶ ۲۶۔ اِنہاں لوگاں دے کول ونجو اَتے آکھو، " تُساں سُندے ہوئے سُن سو پر سمجھ نہ آسی۔"" ڈیدھے ہووئے ڈیکھ سو پر جان سو نہ۔" ²⁷ ۲۷۔ کیونکہ اِنہاں لوگاں دے دِل ناسمجھ بن چکے ہِن۔ " اوہ اپنے کناں دے نال مشکل نال سُن دے ہِن " اُنہاں نے اپنی اکھیاں بند کر رکھیاں ہِن کِتھائیں ایویں نہ تھیوے کہ اوہ اپنی اکھیاں تھوں پتا لگاون تے کناں تھوں سُنن اَتے دِل تھوں سمجھن تے مُڑ ونجن تے میں اُنہاں کوُں چنگا کراں۔ ²⁸ ۲۸۔پس تُہاکوُ پتا ہوونا چاہیدا ہِے کہ خدا دی اِیں نجات دا پیغام غیر قوماں دے کول گھلیا گیا ہا اَتے اوہ سُن وی گھن سن۔ ²⁹ ۲۹۔(جڈاں اوں نے ایہہ آکھیا تاں یہودی آپس اِچ بہوں بحث کرن لگ پئے ۔) ³⁰ ۳۰۔ اَتے اوہ پورے ڈُو سال اپنے کرایہ دے گھر وِچ ریہا۔ ³¹ ۳۱۔ اَتے جیہڑے اوندے کول آندے ہَن اُنہاں ساریا دے نال ملدا رہیا اَتے کمال دلیری نال روکن ٹوکن تھوں بغیر خدا دی بادشاہی دی مُنادی کریندا اَتے خداوند یسوع مسیح دی گالہیں سکھیندا ریہا