¹ ۱۔ جیہڑے ویلے اے فیصلہ تھی گیا کہ اَساں اطالیہ کیتے (سمندری) سفر تے ونجوں، تاں اُنہاں نے پولُس تے کجھ ڈوجھے قیدیاں کوُں آگسٹن رجمنٹ دے یولیس ناں دے صوبہ دار دے حوالے کیتا۔ ² ۲۔ اَساں تے متیم دے ہِک جہاز وِچ چڑھ گئے جیہڑا آسیہ دے ساحل دے نال سفر تے ونجن کیتے تیار کھڑا ہا۔ اِیں کیتے اَساں سمندر وِچ چلے گئے۔ تھسلنیکے تھوں ارِسترخُس مکدونی ساڈے نال ہا۔ ³ ۳۔ اگلے ڈِیں اَساں صیدا دے شاہر اِچ لنگر سَٹے جِتھاں یولیس نے پولُس دے نال ہمدردی کیتی اَتے اجازت ڈِتی کہ اوہ اپنے دوستاں دے نال ونجے تاں جو اوہ اوُندا خیال رکھن۔ ⁴ ۴۔ اُتھوں اَساں سمندت دے پاسے لگے گئےاَتے کُپرس دے آسےپاسے دے جزیرے دی آڑ گھن کے سفر کیتا جو کہ ہوا تھوں بچاندا ہا،کیوں کہ ہوا مخالف ہا۔ ⁵ ۵۔ جڈاں اَساں سفر کر کے اوُں پان کوُ پار کر گِدے جو کلکیہ تے پمفیلیہ دے نیڑے ھا، اساں مورہ آئے، جیہڑا لوکیہ دا شاہر ہا۔ ⁶ ۶۔ اُتھاں صوبہ دار کوُ اسکندریہ تھوں ہِک جہاز ملے جو اطالیہ کوُ ویندا پیا ہا۔ اوُں نت ساکوُ اوندے وِچ بِٹھاڈِتا۔ ⁷ ۷۔جڈاں اساں بہوں ڈیہاں تک آہستہ آہستہ سفر کیتا اَتے آخر اساں بہوں مشکل نال کندُس دے نیڑے پہنچے، ہوا نے ساکوُ اِیں رَستے تے زیادہ دیر تائیں چلن دی اجازت نہ ڈِتی، وَل اساں کریتے دی آڑ آلی سمت جیہڑی سلمونے دے مخالف ہِے اوندے تے سفر کیتا۔ ⁸ ۸۔ اساں وڈی مشکل نال ساحل دے نال نال سفر کریندے راہے جڈاں تائیں اساں اوُں جاہ تے نہ پہنچ گئے جیہڑی حسین بندرگاہ اکھواندی ہِے جو کہ لَسَیَہ شاہر دے نیڑے ہِے۔ ⁹ ۹۔ ہُن ساکوُ بہوں دیر تھی گئی ہائی، اَتے یہودیاں دے روزے دا ویلہ وی لنگھ گیا ہا اَتے ہُن ایہہ سفر کرنا خطرناک بن چکا ہا،۔ اِیں کیتے پولُس نے اُنہیں خبردار کیتا۔ ¹⁰ ۱۰۔ اَتے آکھے،" حضرات میں ڈیدھا ہاں کہ اوہ سفر جیہڑا اساں ہُن کرن ویندے پئے ہاں، وڈے نقصان تے تکلیفاں دے نال ہوسی، نہ صرف سامان تے جہاز کیتے بلکہ ساڈی زندگیاں کیتے وی۔ ¹¹ ۱۱۔ پر صوبہ دار نے آقا دے پاسے وی توجہ کیتی اِتے جہاز دے مالک دے پاسے وی، بجائے اُنہاں اُنہاں گالہیں دے پاسے جو پولُس نے آکھیاں ہَن۔ ¹² ۱۲۔ بندرگاہ وِچ سردیاں لنگھ ونجن ایہ کجھ آسان ناں ہا۔ زیادہ تر ملاح اُتھوں سفر کرن دی نصیحت کریندے ہِن۔ اگر اساں کئیں وی ڈوجھے طریقے نال فینکس دے شاہر سردیاں گزارن کیتے پہنچ ویندے۔ فینکس تے کریتی اِچ ہک بندرگاہ ہِے اَتے اوُندا رُخ شمال مشرق تے جنوب مشرق دی سمت ہِے۔ ¹³ ۱۳۔جڈاں جنوبی ہوا نرم تھی گئی تاں ملاحاں نے سوچیا کہ ہُن اُنہاں داکم بن گئے۔ وَل اُنہاں نے لنگر چا کے کریتے دے نال نال ساحل دے نیڑے سفر کیتا۔ ¹⁴ ۱۴۔ لیکن کجھ ہی دیر بعد طوفانی ہوا جیہڑی شمال مشرقی اکھواندی ہِے جزیرے تھوں آ کے ساکوُں تھپیٹنے لگی۔ ¹⁵ ۱۵۔ اَتے جیہڑے ویلے جہاز اوُں دی گرفت اِچ آگئے اَتےہوا دا سامنا نہ کر سگا، تاں اساں لاچار تھی کے اوُندے نال بہاون لگ پئے۔ ¹⁶ ۱۶۔ اَتے کودہ ناں ہِک چھوٹےجزیرے دی آڑ اِچ واہندے واہندے اساں وڈی مشکل نال ڈونگی کو قابوکیتے۔ ¹⁷ ۱۷۔ اَتے جڈاں ملاح اوُندے اُتے چڑھ گئے، تاں اُنہاں نے اوُں دی رسیاں دے نال جہاز کو بدھ چھوڑے۔ اُنہاں کو ایہہ ڈر ہا کہ اوہ سُورتس دے چوربالو اِچ پھس ویسن، تاں اُنہاں نےلنگر تھلے کیتا تے واہندے ہی لگے گئے۔ ¹⁸ ۱۸۔ اساں طوفان تھوں بہوں مار کھادی تاں ڈوجھے ڈِیں ملاحوں نے جہاز دا سامان سَٹنا شروع کیتا۔ ¹⁹ ۱۹۔ اَتے تریجھے ملاحاں نے اپنے ہی ہتھا ں نال جہاز دے آلات واسباب باہر سٹ دیتے۔ ²⁰ ۲۰۔ جڈاں بہوں ڈیہاں تائیںسیجھ تے ستاریاں دے روشنی ساڈے تے نہ پئی، تے بہوں تیز طوفان لگاتار ساکوں اپنی لپیٹ اِچ گدے ریہا، ساڈے بچن دی کوئی بئی اُمید نہ ہائی۔ ²¹ ۲۱۔ جڈاں اوہ بغیر کھادے پیتے چلدے راہے، وَل پولُس اُنہاں دےوچ کھڑا تھیا اَتے آکھیا،" حضرات! تُہاکو میڈی گالھ کوُ سُننا چاہیدا ہا اَتے کریتے کوُ روانہ نہ تھیندے تاں ایہہ تکلیف تے نقصان نہ چاؤں ہا۔ ²² ۲۲۔ پر ہن میں تہاکوں نصیحت کریندا ہاں کہ بھروسہ رکھو کیوں جو تہاڈے وچوں کئیں دی جان دا نقصان نہ تھی سی پر جہاز دا تھی سکدے۔ ²³ ۲۳۔ کیونکہ پچھلی رات اوُں خدا دا جیندے نال میڈا تعلق ہے اَتے جیندی میں عباد ت کریندا ہاں دا ہک فرشتہ میڈے کول آکھڑا تھیا۔ ²⁴ ۲۴۔ اَتے آکھیا ،" اے پولُس خوف زدہ نہ تھی۔ لازم ہِے کہ تُوں قیصر دے سامنے کھڑا تھیویں، اَتے ڈیکھ خدا نے اُنہاں ساریاں دی جان بچائی ہِے جیہڑے تیڈے نال سفر کریندے ہَن۔ ²⁵ ۲۵۔ چنانچہ حضرات! حوصلہ رکھو کیونکہ میں خدا تے یقین رکھیندا ہاں کہ ایویں ای تھیسی جیویں میکوُ ڈسایا گئے۔ ²⁶ ۲۶۔پر ساڈے جہاز دا کئیں جزیرے تے تباہ ہوونا ضروری ہِے ²⁷ ۲۷۔ جڈاں چودھویں رات آئی تےاساں بحراوریہ وِچ ٹکراندے راہے تاں ادھی رات دے ویلے ملاحاں نے سوچیا کہ اوہ جزیرے تے پہچن آلے ہِن۔ ²⁸ ۲۸۔ اُنہاں نے اتھاہ گھن کے ویہہ پُرسہ پاتے اَتے کجھ دیر بعد وَل اتھا گِدا تے پندرہ پُرسہ پایا۔ ²⁹ ۲۹۔ اوہ ڈر گئے کہ تھی سگدے چٹاناں تے تباہ تھی ونجن اَتے اُنہاں نے چار لنگر سَٹے اَتے دعا وی کیتی کہ جلدی سویر تھی ونجنے۔ ³⁰ ۳۰۔اَتے جڈاں ملاح چاہندے ہَن کہ جہاز تھوں دھروک ونجوں اَتے اِیں بہانے نال کہ ڈونگی وِچ لنگر سَٹوں، ڈونگی کوُ سمندر اِچ لہا ڈِتا۔ ³¹ ۳۱۔ پر پولُس نے صوبہ دار تے سپاہیاں کوُ آکھے،" جڈاں تائیں اے بندے جہاز وِچ نہ ٹھہرسن تُساں بچ نئیں وے سگدے۔ ³² ۳۲۔ وَل سپاہیاِں نے کشتی دیاں رسیاں کٹ ڈِتے اِن اِتے اوُں کوچھوڑ ڈِتا۔ ³³ ۳۳۔جیہڑے ویلے ڈیں تھیون کوُ ہا تاں پولُس نے ساریاں کوُ مجبور کیتے کہ ہُن اُنہاں کوُ کجھ کھاونا چاہیدا ہَے، اوں نے آکھیا،" اَج چوڈہ ڈِیں تھی گئے ہِن کہ تُساں انتظار کریندے اَتے کجھ کھاندے پیندے نئیں ہو، تُساں کجھ وی نئیں کھادا۔ ³⁴ ۳۴۔ ایں کیتے میں تُہاڈے اگے منت کریندا ہاں کہ کجھ کھا گھنو، کیونکہ ایہہ تُہاڈے زندہ راہون کیتے ہِے، اَتے تُہاڈے وِچوں کئیں دے سر دا وال کو وی نقسان نہ پونچ سی۔" ³⁵ ۳۵۔ جڈاں اوہ ایہہ آکھ چکیا تے اوُں نے روٹی گدی تے اوُں نےساریاں دے سامنے خدا دا شکر کیتا۔ وَل اوُں نے روٹی توڑی اَتے کھاونا شروع کیتا۔ ³⁶ ۳۶۔ وَل اُنہاں ساریاں دی ہمت وَدھ گئی اَتے اُنہاں نے وی ٹُکر کھادا۔ ³⁷ ۳۷۔ اَساں 276 بندے جہاز وِچ ہاسے۔ ³⁸ ۳۸۔ جیہڑے ویلے اوہ بہوں سارا کھا چکے تاں وَل جہاز اِچوں کنک باہر سَٹ کے جہاز کوُ ہلکا کیتا۔ ³⁹ ۳۹۔ جیہڑے ویلے ڈِیں تھیا تاں اُنہاں نے اوُں علاقے کوُ نہ سنجھانا پر ہِک خلیج ڈیکھی جیندا ساحل ہا، اَتے صلاح کیتی کہ ہو سگے تاں جہاز کوُ اِتھاں چڑھا گھِنوں۔ ⁴⁰ ۴۰۔ وَل اُنہاں نے لنگر دیاں رسیاں کٹ چھوڑیاں اَتے اوُں کوُ سمندر اِچ چھوڑڈِتا۔اوُں ویلے ای اُنہاں نے پتوار دی رسیاں وی کھول ڈِتیاں اَتے اگلا پال ہوا دے رُخ چڑھا ڈِتا، اَتے وِل اوہ ساحل ساحل آلے پاسے لگے گئے۔ ⁴¹ ۴۱۔ پر اوہ اوُں جاہ تے آئے جِتھاں ڈوُ لہراں ملدیاں ہَن، اَتے جہاز زمین تے چڑھ گیا۔ پس گلہی تھوں دھکا کھا کے پھنس گئی پر دنبالہ لہراں دے زور نال ٹُوٹن لگ پئے۔ ⁴² ۴۲۔ سپاہیاں دا منصوبہ ہاکہ قیدیاں کوُں مار سٹوُں تاں جو اُنہاں وچوں کوئی وی تیر کے بھج نہ ونجے۔ ⁴³ ۴۳۔ پر صوبہ دار پولُس کوُ بچاونا چاہندا ہا اِیں کیتے اوُں نے اُنہاں دے منصوبے کوُ روک ڈِتے ، اَتے اوُں نے اُنہاں کوُ حکم ڈِتا کہ جو تیر سگدے ہِن پہلے اوہ چھلانگ لا کے زمین تے پہنچ ونجن۔ ⁴⁴ ۴۴۔ وَل بقیہ بندے اُنہاں دے پیچھوں، کجھ تختیاں تے، اَتے کجھ جہاز دی ڈوجھیاں شئیاں تے۔ اِیں طرح ایویں تھیا کہ اساں سارے دے سارے سلامتی نال سُکی زمین تے پہنچ گئے۔