1
۱۔ پولس دی طرفوں جیہڑا خدا دی مرضی دے نال مسیح یسوع دا رسول ہِے اَتے بھرا تیمتھیس دی طرفوں خدا دی اوُں کلیسیا دے ناں جیہڑی کرنتھس وچ ہِے اَتے آسیہ دے سارے پاک لوگاں دے ناں
2
۲۔ ساڈے پیوُ خدا تے خداوند یسوع مسیح دی طرفوں تہاکوُ فضل تے تسلی ملدے راہون۔
3
۳۔ ساڈے خداوند یسوع مسیح دے خدا تے پیوُ دی تعریف ہووے جیہڑا رحمتاں دا پیوُ تے ہر طرح دی تسلی دا خدا ہِے۔
4
۴۔ اوہ ساکوُ ساڈیاں ساریاں مصیبتاں وچ تسلی ڈیندےتاں جو اسں اوُں تسلی دے پاروں جیہڑا خدا ساکوں ڈیندا ہِے اُنہاں کوُں وی تسلی ڈے سگوں کئیں طرح دی مصیبت اِچ ہن۔
5
۵۔ کیونکہ جیویں مسیح دے ڈکھ ساکوُں ساکوُ ڈھیر پہنچدے ہن اوُویں ای ساڈی تسلی وی مسیح دے وسیلے نال ڈھیر تھیندی ہِے۔
6
۶۔ اگر اساں مصیبت چیندے ہئیں تاں تہاڈی تسلی تے نجات کیتے اَتے اگر تسلی پاندے ہئیں تاں تہادی تسلی دے کیتے جیندی تاثیر تھوں تساں صبر دے نال اُنہاں ڈُکھاں کوُ برداشت کریندے ہو جیہڑے اساں وی برداشت کریندے ہئیں۔
7
۷۔ اَتے ساڈی اُمید تہاڈے کیتے بہوں مضبوط ہِے کیونکہ اساں جان دے ہئیں کہ جیویں تُساں ڈکھاں وچ شامل ہو اوُں ویں تسلی وچ وی ہو۔
8
۸۔ اے بھراؤ! اساں نیں وے چاہندے جو تُہاکوں اوُں مصیبت دے بارے پتا نہ چلے جیہڑی آسیہ اِچ ساڈے تے آئی ہائی کہ اساں حد تھوں زیادہ کمزور تھی گئے ہاسے اِتھوں تک برداشت کرنا مشکل ہائی کہ ایویں لگدا ہائی کہ ساڈی جان وی لگی گئی ہِے۔
9
۹۔ ساکوں ایویں لگدا ہائی کہ جیویں سزائے موت ڈے ڈِتی گئی ہووے۔ لیکن اے ایں کیتے تھیا جو اساں اپنے آپ تے بھروسہ نہ کروں بلکہ خدا تے جیہڑا مردیاں کوُ وی زندہ کریندے۔
10
۱۰۔چنانچہ اوُں نے ساکوُ ایہو جئی مصیبت تھوں چھڑائے اَتے وَل وی چھڑیسی اَتے ساکوُ اوندے تے اُمید ہِے کہ وَل وی او ساکو بچیندا راہسی۔
11
۱۱۔ اگر تُساں وی مل کے دعا دے نال ساڈی مدد کریسو تاں جیہڑی نعمت ساکوُ بہوں بندیاں دے وسیلے ملی ہائی اوندا شکر وہ بہوں سارے لوگ ساڈی طرفوں کرن۔
12
۱۲۔ ساکوں اپنے دِل دی ایں گواہی تے فخر ہِے کہ ساڈا چال چلن دُنیا اِچ اَتے خاص طور تے تُہاڈے وچ جسمانی حکمت دے نال نئیں بلکہ خدا دے فضل نال یعنی ایہو جہئ پاکیزگی تے صفائی دے نال رہیا جیہڑا خدا دے لائق ہِے۔
13
۱۳۔ اساں ڈوجہیاں گالہیں تہاکوُ نئیں پئے لکھدے سوا اُنہاں دے جنہاں کوُں تُساں پڑھدے تے منیندے وی ہیوے اَتے میکوں اُمید ہِے کہ اَخیر تائیں منیندے راہسو۔
14
۱۴۔ چنانچہ تُہاڈے وچوں بہوں ساریاں نے من وی گِدے کہ اساں تہاڈا فخر ہئیں جیویں ساڈے خداوند یسوع مسیح دے ڈیں تُساں وی ساڈا فخر ہوسو۔
15
۱۵۔ اَتے میں ایں یقین تے ارادہ کیتا ہائی کہ پہلے تُہاڈے کول آساں تاں جو تُہاکو ہک بئی نعمت ملے۔
16
۱۶۔ اَتے تُہاڈے کول تھیندا مکدُنیہ ویساں تے مکدُنیہ تھوں تُہاڈے کول وَل آساں اَتے تُساں میکوُ یہودیہ دے پاسے گھل ڈیوائے۔
17
۱۷۔ وَل میں جو ایہہ ارادہ کیتا ہائی کیا ایویں فضول ہی کیتا ہائی؟ یا جنہاں گالہیں دا ارادہ کریندا ہاں کیا جسمانی طور تے کریندا ہاں کہ ہاں ہاں وی کراں تے نہئیں نہئیں وی کریندا راہواں؟
18
۱۸۔ خدا دی سچائی دی قسم اوُں کلام اِچ جیہڑا تُہاکو کیتا ویندا ہِے ہاں تے نہئیں ڈوہئیں نئیں پاتی ویندین۔
19
۱۹۔ کیوں جو خدا دا پُتر یسوع مسیح جیندی مُنادی اساں یعنی میں تے سلوانُس تے تیمتھیس نے تُہاڈے اِچ کیتی اوندھے وچ ہاں تے نئیں ڈوھیں نہ ہن بلکہ اوندھے وچ ہاں ای ہاں ہائی۔
20
۲۰۔ کیوں جو خدا دے جتنے وعدے ہن اوہ سارے اوندھے وچ ہاں دے نال ہن۔ ایں کیتے اوُں دے ذریعے نال آمین وی تھئی تاکہ ساڈے ذریعے دے نال خدا دا جلال ظاہر تھیوے۔
21
۲۱۔ اَتے جیہڑا ساکوُ تُہاڈے نال مسیح وچ قائم کریندا ہِے اَتے جئیں ساکوُ مَسح کیتے اوہ خدا ہِے۔
22
۲۲۔ جئیں ساڈے تے ٹھپہ لائے اَتے بیعانہ وچ روُح کوُ ساڈے دِلاں وچ آون ڈِتے۔
23
۲۳۔ میں خدا کوُ گواہ کریندا ہاں کہ میں ہن تائیں کُرنتھس اِچ ایں کیتے نئیں آیا کہ میکوُ تہاڈے تے رَحم آندا ہائی۔
24
۲۴۔ ایہہ نئیں کہ اساں ایمان دے بارے اِچ تُہاڈے تے حکومت جتاندے ہئیں بلکہ خوشی وچ تُہاڈے مدد گار ہئیں کیونکہ تُساں ایمان ہی دے نال قائم راہندے وے۔