1
۱۔ کیا تہاڈے وچوں کئیں کوُ ایہہ جرات ہِے کہ جڈاں ڈوجھے دے نال مقدمہ تھیوے تاں فیصلہ کرن کیتے بے دین بندیاں دے کول ونجے تے پاک بندیاں دے کول نہ ونجے؟
2
۲۔ کیا تُساں نئیں وے جان دے کہ پاک بندے دُنیا دا انصاف کریسن؟ پس جڈاں تہاکوں دُنیا دا انصاف کرنا ہِے تاں کیا چھوٹے تھوں چھوٹے جھیڑیاں دا وی فیصلہ کرن دے لائق نئیں؟۔
3
۳۔ کیا تساں نئیں وے جان دے کہ اساں فرشتیاں دا انصاف کریسوں؟ تاں کیا اساں دُنیا دے معاملیاں دا فیصلہ نہ کروں؟۔
4
۴۔ پس اگر تہاڈے وچ دُنیاوی مقدمے تھیون تاں کیا اُنہاں کوُں انصاف کرن آلا مقرر کریسو جیہڑے کلیسیا اِچ ذلیل سمجھے ویندین۔
5
۵۔ میں تہاکوں شرمسار کرن کیتے ایہہ آدھا ہاں۔ کیا واقعی تہاڈے وچوں ہک وی عقلمند نئیں جیہڑا اپنے بھراواں دا فیصلہ کر سگے؟۔
6
۶۔ ہتھوُں بھرا بھراواں تے مقدمہ کریندا ہِے تے او وی بے دین بندیاں دے اگے۔
7
۷۔ لیکن در اصل تہاڈے وچ وڈا نقص ایہہ ہِے کہ آپس اِچ مقدمہ بازی کریندے ہو۔ ایہہ کیوں نئیں چنگا جان دے جو اساں ظلم چاوں؟ اپنا نقصان کیوں نئیں وے قبول کریندے؟۔
8
۸۔ بلکہ تُساں ای ظلم کریندے تے نقصان پچاندے ہیوے اَتے اوہ وی بھراواں کوُ۔
9
۹۔ کیا تُساں نئیں وے جان دے کہ بدکار خدا دی باشاہی دے وارث نہ تھیسن؟ فریب نہ کھاؤ۔ نہ ای حرامکار خدا دی بادشاہی دے وارث تھیسن نہ بتاں کوُ پوجن آلے نہ زنا کرن آلے۔ نہ عیاش۔ نہ لونڈے باز۔
10
۱۰۔ نہ چور۔ نہ لالچی نہ شرابی۔ نہ ای مندے کڈھن آلے نہ ظالم۔
11
۱۱۔ اَتے بعض تُہاڈے وچوں ایہو جئے ہن وی پر تُساں خداوند یسوع مسیح دے ناں تھوں تے ساڈے خدا دے روح تھوں دُھل گئے تے پاک وی تھئیے اَتے راستباز وی ٹھہرے۔
12
۱۲۔ ساریاں شئیاں میڈے کیتے جائز تاں ہن پر ساریاں شئیاں مفید نئیں۔ ساریاں شئیاں میڈے کیتے جائز تاں ہن پر میں کئی شئے دا پابند نہ ہوساں۔
13
۱۳۔ ٹُکر ڈھِڈھ کیتے ہِے اَتے ڈھِڈھ ٹُکر کیتے پر خدا اوُں کوُ تے اِنہاں کوُ ختم کر ڈیسی پر بدن حرامکاری کیتے نئیں بلکہ خداوند کیتے ہِے تے خداوند بدن کیتے۔
14
۱۴۔ اَتے خدا نے خداوند کوُ زندہ کیتے اَتے ساکو وی اپنی قدرت نال زندہ کریسی۔
15
۱۵۔ کیا تُساں نئیں وے جان دے کہ تُہاڈے بدن مسیح دے حصے ہن؟ وَل کیا میں مسیح حصے گھن کے رنڈی دے حصے بناواں؟ ہر گز نئیں!۔
16
۱۶۔ کیا تُساں نئیں وے جان دے کہ جیہڑا کوُئی رنڈی نال ہمبستری کریندے اوہ اوندے نال ہک تن تھیندے؟ کیونکہ اوہ فرماندے کہ اوہ ڈوہیں ہک تن تھیسن۔
17
۱۷۔ اَتے جیہڑا خداوند دی رفاقت اِچ راہندے اوہ اوندھے نال ہک روح تھیندے۔
18
۱۸۔ خرامکاری کولوں دھروکو۔ جتنے وی گناہ بندہ کریندے اوہ بدن تھوں باہر ہن پر حرامکار اپنے بدن دا وی گناہ گار ہِے۔
19
۱۹۔ کیا تُساں نئیں وے جان دے کہ تُہاڈا بدن روح القدس دا گھر ہِے جیہڑا تہاڈے وچ راہندے اَتے تُہاکوں خدا دی طرفوں مِلا ہِے؟ تے تُساں اپنے نئیں۔
20
۲۰۔ کیوں جو قیمت نال خریدے گئے ہو۔ پس اپنے بدن تھوں خدا دا جلال ظاہر کرو۔