¹ ۱۔ غزالغزلات سُلیمان وَلوں ² ۲۔ اوہ مینوں اپنیاں بُلہاں نا ل چُمے ۔کیوں جو تیر اعشق مے نالوں وی چنگا اے ³ ۳۔ تیرے عِطر دی مُشک چنگی اے ۔تیراناں چوئے ہوئے تیل وانگ اے ۔ایسے گلوں کواریاں تیرے تے عاشق نیں ۔ ⁴ ۴۔ مینوں اپنے مگر کھیچ لے ۔چلو اسیں بھیجے۔بادشاہ مینوں اپنے کوٹھیاں وچ لے گیا۔اسیں تیرے وچ شاد تے خؤش ہوواں گے۔اسیں مے نالوں بہتی تیرے عشق دی گل کرآں گے تیرے نال عشق کرنا کنا چنگا اے۔ ⁵ ۵۔ اے یروشلیم دیو دھیو ۔میں کالی ہاں پر سوہنی ہاں قیدار دے تنبواں وانگ تے سلمہ دے پڑدیاں وانگ ⁶ ۶۔ میرے کالی ہون تے دھیان نہ دیو۔کیوں جو دھُپ نے مینوں ساڑ دِتا ۔میرے ماں جائے میرے توں خوش نئیں ہوئے ۔اوہناں مینوں انگوراں دے باغاں دی راکھی لایا ۔تے میں انگوراں دے اپنے باغ دی راکھی نئیں کیتی۔ ⁷ ۷۔ مینوں دسیں ۔توں جیہڑا مینوں جانوں پیارا ایں ۔توں اپنا اجڑ کتھے چارنا ایں ۔تے دوپہر یں کتھے لک سدھا کردا ایں ؟اینج نہ ہووے پئی میں بیلیاں دے اجڑا ں مگر رُلدی پھراں۔ ⁸ ۸۔ توں جیہڑی زنا نیاں وچ سب توں سوہنی ایں ۔جے توں نئیں جاندی تاں اجڑدا کُھرا یندی جا۔تے عیالیاں دے تنبع کول ای اپنے حلواناں نوں چار۔ ⁹ ۹۔ میری پیاری !میں تینوں فرعون دے رتھ دی اِک گھوڑی وانگ سمجھناں ۔ ¹⁰ ۱۰۔ تیریاں گلہاں موتیاں دیاں لڑیا توں ۔تے تیری دھون لگاں توںوی بہتی سوہنی دِسدی اے۔ ¹¹ ۱۱۔ اسیں تیرے لئی گھڑاں گے۔تے اوہناں وچ چاندی دے پھُل جڑاں گے۔ ¹² ۱۲۔ جس ویلے بادشاہ اپنے آرام دی تھاں تے ہے ۔میرا سُنبل اپنی خوشبو دیندا اے۔ ¹³ ۱۳۔ میرامحبوب میرے لئی مُردی گُتھلی اے۔جیہڑا میریاں چھاتیاں دے وچکار پیا رہندا اے ¹⁴ ۱۴۔ میرا محبوب میرے لئی عین جدیؔ دے انگور دے باغ وچ مہدی دا اِک ُلدستہ اے۔ ¹⁵ ۱۵۔ میری محبوبہ توں کِنی سوہنی ایں تیریاں اکھاں گُھگیاں نیں ۔ ¹⁶ ۱۶۔ میرے محبوب توں کِنا سوہنا ایں تیری سیوا کرن نوں جی کردا اے ساڈا پلنگ ہرا بھرا اے ¹⁷ ۱۷۔ ساڈے گھر دے چھیتر دیودار دے نیں تے ساڈیاں سرودیاں نیں