¹ ۱۔ میں شارون دی نرگس۔ تے ترائیاں دی سوسن ہاں ۔ ² ۲۔ سوسن جیوں کنڈیان آلیاں جھاڑ یاں وچ اُنج ای میری محبوبہ مُٹیاراں وچ اے۔ ³ ۳۔ جیوین سیب جنگل دے رُکھا وچ اُنج ای میرا محبوب گھبروواں وچ اے۔ میں اپنی جاہ ہتھوں اوہدی چھانویں بیٹھی ہاں تے اوہدا پھل میرے مونہہ نوں مِٹھا لگا ⁴ ۴۔ اوہ مینوں اپنے مے خانے دے وچ لے آیا اوہنے مینون اپنی محبت دے جنڈے تھلے لیا۔ ⁵ ۵۔ مینون سوگی دے دانیاں نال چین دیو۔ کیوں جو میں عشق دی روگن ہاں ⁶ ۶۔ اوہدا کھبا ہتھ میرے سِر ہیٹھ اے۔ تے اوہدا سجا ہتھ مینوں گل نال لاندا اے۔ ⁷ ۷۔ اے یروشلیم دیاں دھیو! میں تہانوں ہرن دے بچیاںتے ہرنیاں دی سونہہ دیناں میری محبوبہ نوں جگا ؤ نہ اُٹھاؤ ۔ جدوں تیک اوہ آپ نہ چاہے۔ ⁸ ۸۔ میرے محبوب دی واج! ویکھ اوہ آندا پیا پہار ٹپدا ہویا ٹِبیاں نوں پار کر دا ہویا ⁹ ۹۔ میرا محبوب ہرن بچہ یا جوان ہرن وانگ اے ویکھ او ہ ساڈی کندھ مگر کھلوتا اے اوہ باریاں وچوں جھاکدا اے اوہ چقاں وچوں تکدا اے۔ ¹⁰ ۱۰۔ میرا محبوب بولدا تے مینوں آکھدا اے اُٹھ میری محبوبہ! میریئے سوہنیے ! لگی آ ¹¹ ۱۱۔ کیوں جو ویکھ پالا لنگھ گیا مینہ پے گیا تے مُک گیا ¹² ۱۲۔ دھرتی تے پھُلاں دی رُت اے۔ گیت گاؤن دا ویلا آگیا اے گھگیاں دی واج آرہی اے ¹³ ۱۳۔ کھباڑیا دے بوٹیاں تے پھل پک رہیا اے۔ تے انگور دیا ں ولاں اپنی خشبو دین لگ پئییاں نیں سو میری محبوبہ اُٹھ سوہنیےلگی آ ¹⁴ ۱۴۔ میرئے کبوتر یئے جیہڑی چٹاناں دیاں ورلاں وچ تے دریا واں دے کنڈھیاں اوہلے لُکی ہوئی ایں۔ مینوں اپنا سکھڑا وکھا مینوں اپنی واج سنا کیوں جو تیری واج مٹھڑی اے تے تیرا مُکھ سوہنیا۔ ¹⁵ ۱۵۔ لومڑیاں نوں ساڈے لئی پھڑو جیہڑیاں انگوراں دے باغ اُجاڑ دیاں نیں کیوں جو ساڈے انگوراں دے باغاں وچ کلیاں اُگیاں نیں ۔ ¹⁶ ۱۶۔ میرا محبوب میر ااے تے میں اُسے دی ہاں۔ اوہ سوسناں دے وچکاردا اے ¹⁷ ۱۷۔ ایس توں پہلاں کنک ہوا وگے۔ تے پرچھاواں ودھے۔ میرے محبوب ! فیر آ ہرن بچے وانگ یا جوان ہرن وانگ جیہڑا باہر تر دے پہاڑ اُتے ہے۔