¹ ۔تے خُداوند نے مُوسیٰ ؔ تے ہارونؔ نال کلام کرکے آکھیا ۔ ² ۔ پئی لاویاں ؔ دے وِچکا سارے بنی قہاتؔ دا اوہناں دی خانوادیاں دے حِساب نال گِنتی کرو ۔ ³ ۔ تِن ورھیاں دی عمُر توں پنجاں ورھیاں تیِک جیہڑے لشکر چہ رَلن حضوُرے خیمے دی سیوا کَرن ۔ ⁴ ۔ تے حضُوری دے خیمے چہ بوہت ای پاک شیواں دے بارے بنی قہاتؔ دی ایہہ سیوا ہووے گی ۔ ⁵ ۔ جیہدوں خیمہ گاہ دا جانا ہووےتے ہارونؔ تے اوہدے پُتر آؤن تے پَردے نُوں لاہ دین ۔ تے اوہناں نوں شہادت دے صندوُق اُتے ولیٹین۔ ⁶ ۔ تے اوہدے اُتے تخس دیاں کھلاں دا چھاڑا پان تے اوہدے اُتے کپڑا سار بنفشی رَنگ دا وچھان ۔ تے اوہدیاں لٹھاں پان ۔ ⁷ ۔ تے نذر دی روٹی دے میز دے اُتے بنفشی رِنگ دا کپڑا وچھان ۔ تے اوہدے اُتے تھال تے کٹورے تے ڈھکن والے لوٹے تے مے یاں تیل دے پیالے رَکھے ۔ تے دائمی روٹی اوہدے اُتے ہووے ۔ ⁸ ۔ تد اوہدے اُتے قِرمزی رَنگ دا کپڑ اوچھاؤ ۔ تے تحس دیاں کھلاں دے چھاڑیاں وِچ لپیٹو ۔ تے اوہدیاں لٹھاں پاؤ۔ ⁹ ۔ تے بنفشی رَنگ دا کپڑا لوؤتے اوہدے چہ لَو دا شمعدان تے اوہدے دیِوے اوہدے اوہدیاں قینچیاں تے اوہدیاں تھالیاں تے اوہدے سارے بھانڈے جیہناں نال سیوا کیِتی جاندی اے ڈھکنا ۔ ¹⁰ ۔ تے اوہناں نُوں تے سارے بھانڈیاں نُوں تحس دیاں کھلاں دے چھاڑے پاؤ تے اوہناں نُوں اِک ڈنڈے تے رکھو ۔ ¹¹ ۔ تے سونے دے مذبحے اُتے بنفشی کپڑا وچھاؤ تے تحس دیاں کھلاں دے چھاڑیاں چہ ولیٹو ۔ تے اوہناں دیاں لٹھاں پاؤ۔ ¹² ۔ تے سیوا دے سارے بھانڈیاں نُوں جیہناں نال مَقدِس چہ سیوا کیِتی جاندی اے ، لے کے بنفشی کَپڑے چہ ولیٹو ۔ تے اوہناں نُوں تحس دیاں کھلاں دے چھاڑیاں چہ ڈھکو ۔ تے اوہناں نُو ں اِک ڈنڈے تے ٹنگنا ۔ ¹³ ۔ تے مذبحے دی سواء کڈھ دیو تئے اوہدے اُتے ارغوانی رَنگ دا کپڑا وچھاؤ۔ ¹⁴ ۔ تے اوہدے اُتے چھاپاں تے بیلچے تے پیالے تے مذبحے دے سارے بھانڈے تے تحس دیاں کھلاں دت چھاڑیاں نال اوہناں نُوں ڈھکو ۔ تے اوہدیاں لٹھاں پاؤ ۔ ¹⁵ ۔ جیہدوں خیمہ گاہ دے نِکلن دے ویلے ہارونؔ تے اوہدے پُتر پاک شیواں نُوں تے اوہدے سارے سامان نُوں ڈھک لین تے اوس ویلے بنی قہاتؔ چُکن لئی آؤن ۔ پَر پاک شیواں نُوں بنی قہاتؔ چُکن گے ۔ ¹⁶ ۔ تے ایہہ شیواں ہارون ؔ دا پُتر الیعزرؔ کاہن دے حوالے ہون گئیاں ۔ لَو دا تیل تے خُوشبوواں والا بخُور تے دائمی نذر دی قُربانی تے مَسح دا تیل تے سارے مسکن دی ذمہ داری تے جیہڑیاں پاک شیواں اوہدے وِچ نیں تے اوہدا سامان ۔ ¹⁷ ۔ تے خُداوند نے مُوسیٰ ّ تے ہارونؔ نال کلام کرکے آکھیا ۔ ¹⁸ ۔ پئی تُسیں بنی قہاتؔ دے خانوادیاں دے قبیلیاں نُوں لاویاں ؔ دے وِچکاروں جانو ناں مرن دیو ۔ ¹⁹ ۔ سگوں ااوہناں نال اینج کرو کیوں جو اوہ جیوندے رہن ۔ تے جیِہدوں بوہت ای پاک رَبّ دے نیڑے آؤن تے مَر ناں جان ۔ ہارونؔ تے اوہدے پُتر اند ر آ جان ۔ تے اوہ اوہناں چوں ہر اِک دی سیوا تے بھار ناویں لان ۔ ²⁰ ۔ اوہ اِک پَل لئی وی اندر جا کے شیواں نُوں ناں ویکھن ۔ نئیں تے مَر جان گے ۔ ²¹ ۔ تے خُداوند نے مُوسیٰؔ نال کلام کرکے آکھیا ۔ ²² ۔ پئی سارے بنی جیرسونؔ دا وی اوہناں دے خانوادیاں دے حساب نال گِنن۔ ²³ ۔ تیہہ ورھیاں دی عُمر توں لے کے اُتے پنجا ہ تیِک سراے جیہڑے لشکر چہ وڑھن ۔ اوہناں نُوں حضُوری دے خیمے دی سیوا دے لئی گِنن ۔ ²⁴ ۔ تے جیرسوُنیاں ؔ دے خانوادیاں دی دی س سیوا دا کم کرن چہ تے بوجھ چُکن ایہہ ہووے گی۔ ²⁵ ۔ اوہ ایہہ شیواں چُکن گے ۔ مَسکن دے پَڑدے تے حضُوری دا خیمہ تے اوہدا چھاڑا تے تحس دیاں کھلاں دا چھاڑا جیہڑا اوہدے اُتے ہے اے تے حضوری دے خیمے دے بُوہے دا پَڑدہ ۔ ²⁶ ۔ تے ویہڑے دا پڑدہ تے مسکن تے مذبحہ دے آلے دوالے دے ویہڑے دے بُوہے دا پَڑدہ تے رَسے تے ہور سامان جیہڑا اوہدی سیوا دے لئی ضُروری اے ۔ تے سَبکُجھ جو اوہدے لئی کرنا ہووے گا اوہ کرن گے ۔ ²⁷ ۔ بنی جیرسونؔ دی ساری سیوا بھار چُکن دی تے ہور کَم کَرن دی تے اَپنے بھاراں دی رَکھوالی دے حُکم دی ہارونؔ تے اوہدے پُتراں دے آکھن دے حساب نال ہووے گی۔ ²⁸ ۔ تے اوہناں دی سیوا ہارون ؔ دا پُتراِ تمرؔ کاہن دے حُکم نال ہووے گی ۔ ²⁹ ۔ گھراں دی گِنتی کرو ۔ ³⁰ ۔ تیہہ ورھے دی عُمر توں لے کے پنجاہ تیِکر سارے جیہڑے لشکراں چہ رَلن ۔ اوہناں نُوں حضوری خیمے دی سیو ا لئی گِن ۔ ³¹ ۔ تے اوہناں دے بھار تے حضوری تے خیمے دی ساری سیوا توں اوہناں لئی ایہہ لازمی اے ۔ مسکن دے تختے تے اوہدے رکھوالے تے اوہدے تھماں تے اوہدے پاوے ۔ ³² ۔ تے ویہڑے دے تھم جیہڑے اوہدے آلے دوالے نیں ۔ تے اوہناں دے پاوے تے اوہناں دی کِل تے اوہناں دے سارے بھانڈے تے ہور سیوا دیاں شیواں تے اوہناں نُوں سارا سامان جِہدا چُکنا اوہناں لئی مِتھیا گیا اے ۔ نام لے حوالے کر ۔ ³³ ۔ پیراریؔ دے خانوادیاں دی سیوا ے ۔ حضوُری دے خیمے وِچ اوہناں دی ساری سیوا ہارون ؔ کاہن دے پُتر اِتمر ؔ دے حُکم نال ہووے گی ۔ ³⁴ ۔ تد مُوسیٰ ؔ تے ہارون ؔ تے جماعت دے امیراں نے بنی قہاتؔ دا اوہناں دے خانوادیاں دے حساب نال تے پیو دادیاں دے گھرانیاں دے حساب نال گِنیا ۔ ³⁵ ۔ تییہ ورھیاں دی عُمر توں لے کے پنجاہ سال تیِکر سارے جیہڑے لشکر چہ رَلے سَن حضوری دے خیمے دی خِدمت دے لئی ۔ ³⁶ ۔ تے اوہناں چوں جیہڑے اپنے خانوادیاں دے حِساب نال گِنے گئے ۔ اوہ دو ہزر سِت سو پنجاہ سَن ۔ ³⁷ ۔ قہاتیاں ؔ دے خانوادیاں توں اویہو ای نیں جیہڑے گِنے گئے پئی حضوُری دے خیمیاں دی سیوا کرن ۔ خُداوند دے حُکم دے نال سَن ۔ جیہڑا مُوسیٰ ؔ دی زبانی سی مُوسیٰ ؔ تے ہارونؔ نے اوہناں نُوں گِنیا ۔ ³⁸ تے بنی جیرسونؔ وی اَپنے خانوادے تے پیو دادیاں دے گھرانیاں دے حساب نال گِنے گئے۔ ³⁹ تییہ ورھیاں عُمر توں لے کے پنجاہ تیِکر سار ے جیہڑے لشکر چہ رَلے سَن ۔ حضوُری دے خیمیاں دی سیوا دے لئی ۔ ⁴⁰ تے اوہ اپنے خانوادیاں دے حِساب نال تے اَپنے پیو دادیاں دے گھرانیاں دے دو ہزار چھے سو تیہہ گِنے گئے ۔ ⁴¹ تے ایہہ اوہ نیں جیہڑے جیرسونؔ دے خانوادیاں چوں حضوری ے خیمے دی سیوا دے لئی گِنے گئے ۔ مُوسیٰؔ تے ہارونؔ نے ایہناں نُوں خُداوند دے حُکم دے نال گِنیا ۔ ⁴² تے بنی مروی ؔ وی خانوادیاں تے پیو دادیاں دے گھرانے دے حِساب نا ل گِنے گئے ۔ ⁴³ تیہہ ورھے دے عُمر توں لے کے پنجاہ ورھے تیِکر سارے جیہڑے لشکر چہ رَلے سَن ۔ حضُوری دے خیمے دی سیوا دے لئی ۔ ⁴⁴ تے اوہ اَپنے خانوادیاں دے حِساب نال تِن ہزار دوسو سَن۔ ⁴⁵ ایہہ اوہ نیں جیہڑے بنی مراری ؔ دے خانوادیاں چوں گِنے گئے ۔ جِنہاں نُوں خُداوند دے حُکم دے حِساب نال جیہڑے مُوسیٰؔ دی زُبانی سی مُوسیٰؔ تے ہارونؔ نے گِنیا ۔ ⁴⁶ تے لاویاں ؔ چوں سارے جِہناں نُوں مُوسیٰؔ تے ہارونؔ تے اسرائیلؔ دے امیراں نے اوہناں دے خانوادیاں تے اَپنے پیو دادیاں دے گھرانیاں دے حِساب نال گِنے ۔ ⁴⁷ تیہہ ورھے دی عُمر توں لے کے پنجاہ تیِکر سارے جیہڑے حضُوری دے خیمے چہ کَم کرن دی سیوا تے بھار چُکن دی سیوا دے لئی وڑھے ۔ ⁴⁸ اوہناں دی گِنتی اَٹھ ہزار پنجاہ سو اَسی سی ۔ ⁴⁹ خُداوند دے حُکم دے حساب نال جیہڑا مُوسیٰؔ دی زُبانی سی اوہ اَپنی سیوا دے حِساب نال سیوا تے بھار دے گِنے گئے ۔ اوہناں نُوں مُوسیٰؔ نے جِس طراں خُداوند نے آکھیا سی گِنیا ۔