¹ ۱۔ اے نینوہ اک حملہ کرن والا تیرے اوتے چڑھ آیا اے آودے قعلے نوں بچا کے رکھ راہ دی راکھی کر کمر کس لے تے آودی ساری طاقت نوں کٹھا کر۔ ² ۲۔ خدا یعقوب دی ساری شان و شوکت نوں اسِرائیل دی شان و شوکت دانگوں بحال کرے گا بھاویں تباہ کر ن والیاں نے اوناں نوں تباہ کر دتا اے تے اوہناں دے باغاں نوں اجاڑ دتا اے ۔ ³ ۳۔ تیاری والے دن اوہدے جنگ کرن آلے بہادر اں دیاں ڈھالاں لال نے جنگ کرن آلے بندے قرمزی کپڑے پائے ہوئے نے تیاری دے دِن اوناں دے رتھاں دی تلوار چمکدی اے کند دے نیزے لہرا رہ نے۔ ⁴ ۴۔ رستیاں اوتے رتھ تیزی نال بھج رے نے او چوک دے میدان وچ ادھر توں اودھربھج رے نے او شعلیاں وانگوں دکھائی دیندے نے او بجلی وانگوں کوند ریے نے ۔ ⁵ ۵۔ او آودے چنے ہوئے سرداراں نوں بلاندا اے پر او آودیاں راھواں اوتے ٹھیڈے کھاندے نے تے بچاون آلیاں شہر دیاں کندا نال وجدے نے بچان والی آڑ اپنی تھاں تے رکھ دتی گئی اے۔ ⁶ ۶۔ ندیاں دے پھاٹک کھُل جاندے نے تے محل ڈھیر ہو کے رہ جاندے نے۔ ⁷ ۷۔ اے طے ہو چکیاں اے شہر والے جلاوطن وچ لے جائے جان اوہناں دیاں لونڈیاں قمریاں وانگوں ماتم کرن تے چھاتیاں پیٹن۔ ⁸ ۸۔ ننیوہ اک تلاب وانگوں اے اوہدا پانی کڈیا جا ریا اے لوکی رولا پاندے نیں ٹھرو ،ٹھرو پرکوئی مڑ کے نیں وکھدا۔ ⁹ ۹۔ چاندی لٹو! سونا لٹو! مال دا کوئی حساب نیں خزانیاں وچ دولت بتھیری اے ۔ ¹⁰ ۱۰۔ او خالی اے لُٹ لیا گیا اے ویران اے ! دل پگھل جاندے نے گوڈے کمبدے نیں ، جسم کمبدے نے ،ہر چہرہ کھٹا ہو جاندا اے۔ ¹¹ ۱۱۔ ہن شیر دا ٹھکانہ کیتھے وے ، او تھاں جیتھے او آودے بچیاں نوں خوراک کھواندے سن ، شیر،شیرنی تے اوہناں دے بچے کیتھے گئے ، جیتھے او بنا ڈر توں پھیر دے سن ؟ ¹² ۱۲۔ شیر ببر آودے بچیاں لئی بڑا شکار مار دا سی تے آودی شیرنی لئی شکار دی سنگی دبدا سی تے آودی رہن والی تھاں نوں شکار نال تے غاراں نوں پاڑے ہوئے ڈنگراں نال بھر دیندا سی۔ ¹³ ۱۳۔ خداوند فرماندا اے ، میں تیرا مخالف آں میں تیرے رتھاں نوں دھواں بنا دیواں گا ، تے تلوار تیرے جوان شیراں نوں ہڑپ کر جاوے گی ۔ میں زمین اوتے تیرے لئی کوئی شکار نیں چھڈا ں گا ۔ تیرے سنیا دین آلیاں دِیاں آوازاں فیر کدی سنائی نہ دین گئیاں۔