1
. تے خُداوند نے مُوسیٰؔ نوُں سدیا ۔ نالے حضوری دے خیمے وِچوں اوس نوں آکھیا۔
2
. پئی اسرائیلؔ نال کلام کر تے اوہناں نُوں اکھ دے پئی ہر کوئی ۔ جیہڑا تُہادے وچوں خُدا جوگی چار پیر والے وِچوں قربان لیائے ۔ تاں اوہ گاں ، ڈھگے یا بھیڈ بکری دی قُربانی لیائے۔
3
. جیکر اوس دی گاں ، ڈحگے دی قُربانی ہوئی ہووے ۔ تاں بے عیب نَر ہووے ۔ اوس نُوں حضوری دے خیمے دے بُہے کول لیاوے ۔ تاں جو خداوند دے اَگے قبول ہووے۔
4
. تے سڑی ہوئی قربانی دے سِر اُتے اپنا ہَتھ رَکھ ۔ تے ایس توں اوہ کفارے جوگی مقبول کیتی جاوے گی۔
5
. اوس تون مگروں اوہ کاہن نیں لہُو نوں لے کے اوہنوں مذبحے اُتے ، جیہڑا حضوری دے خیمے کول نیں ۔ اوس دے آل دوالے چھُٹن۔
6
. تے اوہ سڑی ہوئی قُربانی دی کھَل کھِچے تے اوس دے جوڑاں دے ٹُکڑے ٹُکڑے کر دیوے۔
7
. تے ہارونؔ دے پُتر جیہڑے کاہن نیں ۔ مذبحے اُتے اَگ رکھن تے اوس دے اُتے لکڑی دی چَون کر دین۔
8
. تے ہارون ؔ پُتر جیہڑے کاہن نین اوس دے کٹے ہوئے ٹُکڑیاں نُوں تے سِر نُوں تے چربی نُوں اَگ اُتے جیہڑی مزبحے اُتے اے ۔ چَن نال رَکھ دین۔
9
. تے اوس دیاں اندران تے اوس دے پیت ، پانی نال دھو تے جاون ۔ تے کاہن سبھ کُجھ مذبحے اُتے دساڑن ۔ کیون جو ایہہ سڑی ہوئی قربانی تے خداوند دی خُوشنودی جوگی اَگ والی خُو شبُودا ر قُربانی ہووے گی ۔
10
. تے جے کَراوس دی قُربانی بھیڈ یاں بکری دے گّلے وچوں سڑی ہوئی قُربانی ہووے ، تاں اوہ بے عیب نَر لیاوے۔
11
. تے اوس نُوں مذبحے دے شمالی پاسے خداوند دے اَگے ذبح کرے تے اوس دے ال دوالے چھِٹن۔
12
. تے اوہ اوس دے جوڑاں دے ٹوٹے ٹوٹے کرکے اوس دا سر تے چربی دی وَنڈ کرن ۔ تے کاہن ایہناں نُوں مذبحے دی اَگ اُتے چون کرکے رکھی ہوئی لکڑیاں اُتے رکھن۔
13
. تے اوہ اوس دی اندران تے اوس دے پیران نُوں پانی نال دھوون ۔ تے کاہن ایہناں سبھناں نُوں چاڑھے ۔ تے مذبحے اُتے ساڑھے کیو ں جو ایہہ سری ہوئی قُربانی تے خداوند دی خوشنُودی جوگی اَگ والی خوش بُو دار قُربانی ہووے گی۔
14
. تے جے کر اوس دی قربانی خُداوند جوگی سڑی ہوئی قربانی پکھیرؤاں ہووے ۔ تان اوس دی قُربانی قُمریاں یان کبوُتران دے بچیاں دی ہووے گی۔
15
. تاں کاہن اوس نُوں مذبحے اُتے چاڑھے ۔ تے اوس دا سِر مروڑ دیوے ۔ تدھ اوس نُوں مزبحے اُتے چاڑھے تے اوس دا لہوُ مذبحے دے کناریاں اُتے نچوڑے۔
16
. تے اوس دے پَوٹے نُوں آلائش سَنھے کڈھ کے مذبحے دے مشرقی پاسے راکھ دی تھاں اُتے پاء دیوے۔
17
. تے اوس دی دونواں بانہوں نُوں چیِر دیوے ۔ پر ونڈنا ں کر ے۔ تے کاہن اوس نُوں مذبحے اُتے کاہن اوس نوں مذبحے اُتے لکڑیان دے اُتے اِگ نال سارھے ۔ کیوں جو ایہہ سڑی ہوئی قربانی تے خداوند دی خوشنودی جوگی اَگ والی خوشبوُ دار قربانی ہووے گی۔