¹ ۔ کیہ تُوں مگر مچھ نُوں کنڈا لا کے کڈھ سکنا ایں ؟ ² ۔ کیہ تُوں اوہدے نَک چہ نکیل پا سکنا ایں ؟ کیہ تُوں اوہدی باچی میخ نال چھیدسکنا ایں ؟ ³ ۔ کیہ اوہ تیرے تَرلے پائے گا ۔ تیرے نال مِٹھا مِٹھا بولے گا ؟ ⁴ ۔ کیہ اوہ تیرے نال قسم بنھے گا ۔ تاں جو تُوں اوہنوں سدا تیِک اپنا کلام بنا لویں ؟ ⁵ ۔ کیہ اوہدے نال چِڑی وانگوں کھیڈیں گا ۔ یاں اَپنیاں دھیاں دے کھیڈن لئی اوہنوں بنئیں گا ؟ ⁶ ۔ کیہ تاجر اوہنوں خریدن یاں ویچن گے ۔ کیہ سوداگر اوہنوں ونڈ لین گے ؟ ⁷ ۔ کیہ تُوں اوہدی کھَل نُوں برچھیاں نال تے اوہدے سِر مچھلی مارن تے نیزیاں نال بھر سکنا ایں ؟ ⁸ ۔ اَپنا ہَتھ اوہدے تےرَکھ ۔ لڑائی نُوں یاد کر تے فیر تُوں اینج ناں کریں گا ؟ ⁹ ۔ ویکھ ! اوہدے شکار کرن والے دی آس بے فیدہ اے ۔ کیوں جو اوہ اوہنوں ویہندیاں ای ڈِگ پوے گا ۔ ¹⁰ ۔ کِسے دی ہمت نئیں پئی اوہنوں چھیڑے ۔ ایس لئی میرے اَگے کون کھلو سکدا ے ۔ ¹¹ ۔ کِسے مینوں پیلاں کیِہ دِتا اے ۔ میں اوہدا بدلہ دیاں۔ آسمان دے تھلے جو کُجھ وی اے ۔ اوہ میرا ای اے ۔ ¹² ۔ میں اوہے جُسے دے بارے تے اوہدے زور تے اوہدی سجاوٹ دی خُوبی تے چُپ ناں رہواں گا ۔ ¹³ ۔ کون اوہدے کپڑیاں نُوں کھول سکدا اے ۔ کون اوہدیاں باچیاں دے وِچکار جا سکدا اے ؟ ¹⁴ ۔ اوہدے مُونہہ دے بُوہے کون کھولے گا ؟ اوہدے دنداں داچکر ڈرا دین والا ۔ ¹⁵ ۔ اوہدیاں ڈھالاں ڈاہڈیاں تے بوہت ای ودھیا نے۔ جِس طرحاں کِسے ڈاہڈی مِہر نال جوڑیاں گئیاں نیں ۔ ¹⁶ ۔ اوہ اِک دوُجے نال ایس طرحاں جوڑیاں گئیاں نے پئی ہوا وی اوہناں وچوں نئیں لنگھ سکدی۔ ¹⁷ ۔ اوہ سبھےاِک دوُجے نال رلیاں ہوئیاں نیں تے ایس طرحاں جُڑیاں نیں پئی وکھریاں نئیں ہو سکدیاں ۔ ¹⁸ ۔ اوہدی نیچھ نال لو ہُندی اے ۔ تے اوہدیاں اکھاں سویر دیاں چیِمیناں وانگر نیں ۔ ¹⁹ ۔ اوہدے مُونہہ چوں مشالاں نِکلدیاں نیں۔ تے اوہدے توں چنگیاڑیاں نِکل دیاں نیں ۔ ²⁰ ۔ اوہدے سوتراں چوں دُھواں اُٹھدا اے ۔ اوس ہانڈی یاں دیگ وانگوں جیہڑی اُبلدی ہووے ۔ ²¹ ۔ اوہدے ساہ نال کوئلے بَل پیندے نیں تے اوہدے مُونہہ چوں لُونبا نِکلدا اے ۔ ²² ۔ زور اوہدے دھُوں چہ رہندا اے ۔ تے ڈر اوہدے اَگے بھجدا اے ۔ ²³ ۔ اوہدے ماس دیاں تہواں مِلیاں ہوئیاں نیں ۔ تے اینج جُڑیاں نیں پئی ہِل نئیں سکدیاں ۔ ²⁴ ۔ اوہدا دِل پتھر وانگوں ڈاہڈا اے ۔ تے چکی تھلویں پَٹ وانگوں ڈاہڈا اے ۔ ²⁵ ۔ اوہدےاُٹھن نال دلیر لوک ڈر دے نیں ۔ تے گھبرا کے بے ہوش ہو جاندے نیں ۔ ²⁶ ۔ جے کوئی اوہدے تے تلوار یا سُووا یا برچھی یانیزہ مارے تے کُجھ نئیں ہُندا ۔ ²⁷ ۔ اوہ لوہے نُوں گھا ہ وانگوں تے پیتل گلہی لکڑی وانگوں سمجھدااے ۔ ²⁸ ۔ تیِر اوہنوں بھجا نئیں سکدا ۔ تے گوپھناں دے پتھر اوہدے تے تیِلیاں وانگوں نیں ۔ ²⁹ ۔ تھوڑے نُوں اوہ تُوڑی سمجھ دا اے ۔ تے بَرچھی چَلّن تے ہسدا اے ۔ ³⁰ ۔ اوہدے تھلے دے پاسے چُنجاں والے پتھراںوانگر نیں ۔تے تیز چُنجاں والے روڑیاں تے ایس طرحاں لیٹ جاندا جیویں اوہ چِکڑنیں ۔ ³¹ ۔ اوہ دریا اینج کردا ہ جِس طرحاں ہانڈی خوَل دی اے ۔ تے سمُندر نُوں رنگ کرن والا بھانڈا بنا دیندا اے ۔ ³² ۔ اوہ اَپنے مگر چمکدی راہ بناندا اے پئی اینج لگدا پئی دوُنگھا تھاں چِٹے والاں والا ہو یا اےھ ۔ ³³ ۔ دھرتی تے اوہدی مثال نئیں جیہڑا ایہو جیہا نڈر پیدا کیتا گیا ہووے ۔ ³⁴ ۔ اوہ سبھے اُچیاں شیواں نُوں ویکھدا اے۔ تے مَغروراں دا بادشاہ اے ۔