¹ ۱۔ اوس رات بادشاہ نُوں نِیندر نہ آئی ایس لئی اونے آپنی بادشاہی دے واقیعاں دِی تارِیخ منگوائی تاکہ او بادشاہ دے حضُور وِچ پڑھی جاوئے۔ ² ۲۔ اوہدے وِچ اِک تھاں وِچ لکھِیا سِی کہ مردکی نے بکتانا تے ترش دِی بادشاہ نُوں قتل کرن دے منصُوبے نُوں ننگا کِیتا سِی۔ اے دویں بادشاہ دے خواجہ سراواں وِچوں سَن تے قصَرِ شاہی دے بُوھے اُتے پہرہ دیندے ہُوندے سَن۔ ³ ۳۔ بادشاہ نے پُچھیا کہ مردکی نُوں اوہدا کِی انعام دِتا گیا یا اونُوں کہڑا عہدہ دِتا گیا بادشاہ دے خادماں نے جہڑے اوہدی خِدمت کر دے سَن عرض کِتی کہ کُجھ وَی نہیں۔ ⁴ ۴۔ بادشاہ نے کہیاہ کے ویکھو ویڑے وِچ کون اے؟ اوس ویلے ہامان بادشاہ نال مردکی نُوں سُولی چڑھاون لئی گَل کرن دِی عرض نال بادشاہ دے حضُور آگیا سِی۔ ⁵ ۵۔ بادشاہ دے خادماں نے جواب دِتا کہ ہامان بارگاہ وِچ حاضر اے بادشاہ نے حُکم دِتا اونوں اندر آون دیو۔ ⁶ ۶۔ جدوں ہامان اندر آیا تے بادشاہ نے اونُوں پُچھیا کہ جہڑے بندے توں بادشاہ خوش ہوئے اونوں کِی انعام مِلناچاہی دا اے ہامان نےاوس ویلے آودے دِل وِچ سوچیا کےبادشاہ سلامت دے ولوں انعام لین دے قابل میرے نالوں چنگا ہور کہڑاہوئے گا۔ ⁷ ۷۔ تے اونے جواب دِتا جے بادشاہ سلامت کِسے توں خوش ہوکے انعام دینا چاہے۔ ⁸ ۸۔ تے اونوں زریں شاہی پوائی جائےشاہی تبیلے وِچوں طغرے گھوڑا لیا کےاوہدے اُتے اونوں سوار کَیتا جاوئے۔ ⁹ ۹۔ اے پوشاک تے گھوڑا کِسے اُچے منصَب دے وزیر نُوں دِتا جاوے تاں جے اوس بندے نُوں جِنوں بادشاہ سلامت خوش ہوکے انعام دینا چاہندا اے زِرہ شاہی پواوئے تے گھوڑے تے بٹھاوے فیر اوس بندے نُوں شہر دے چوک وِچ پھرایا تے علان کِیتا جاوئے کہ ایس طرح دا انعام اونُوں دِتا جاندا اے جہڑا بادشاہ دِی خُوشی دا ِ وصِیلہ بندا اے۔ تے اونُوں ایس طرح اِی عزت دِتی جاندی اے۔ ¹⁰ ۱۰۔ بادشاہ نے ہامان نُوں حُکم دِتا کہ چھیتی جا تے زرِہ تے گھوڑا لے کے اوس یُہودی دے حوالے کر دے جہڑا قیِصر شاہی دے بُوھے اُتے بیٹھا ہویا اے تے اوس دِی عزت افزائی کر تے جو کُجھ تُوں کہیہ اے بیلکل اوس طرح اِی کِیتا جاوئے اوہدے وِچ کوئی کَمی نہیں رہنی چاہی دِی۔ ¹¹ ۱۱۔ بَس ہامان شاہی لباس تے گھوڑا لیاہ اونے مردکی نُوں شاہی لباس پووا کے گھوڑے اُتے بٹھایا تے شہر دے چوک وِچ کمایا پھرایا تے علان کروایا کہ ایس طرح دا انعام اوناں نُوں مِلدا اے جہڑے بادشاہ دِی خوشُی دا وصِیلہ بَن دے نیں۔ ¹² ۱۲۔ اوس توں بعد مردکی محل دے بُوھے اُتے مڑ آیا پر ہامان نےپریشان ہو کے آودا مُنہ لُکا لیا تے چھیتی نال آودے گھر چلا گیا۔ ¹³ ۱۳۔ اونے آودی بیوی زرش تے آودے دوستاں نُوں ایس واقع دِی خبر دِتی جہڑا اوہدے نال ہویا سِی اوندے مشورہ کرن والیا تے اوندی بیوی زرش نے اونُوں اکھیا جے مردکی تیری بے عزتی دا سبب بنیا اے جہڑا یُہودی اے تے تیرا اوہدے تے غالب آنا ٹِھک نیہں سگوں تُو خود تباہ ہوکے رہ جاویں گا۔ ¹⁴ ۱۴۔ اجے اہیہ گَل بات ہو اِی رہی سِی کہ بادشاہ دے خواجہ سراں پُہنچ گئے تاں جے ہامان نُوں چھیتی نال ملکہ آستر دِی تیار کِتی ہوئی ضیافت وِچ لے جاون۔