¹ ۱۔ اک زبونی اے جہڑی میں جگ وچ ویکھی اتے اوہ لوکاں اُتے بھاری اے۔ ² ۲۔ کوئی اجیہا اےپئی رب نے اوہنوں دھن دولت اتے عزت بخشی اے۔ ایتھوں تیکر پئی اوہنوں کسے شئے دی تھوڑ نئیں۔ تاں وی رب نے اوہنوں توفیق نئیں دِتی پئی اوہدے وچوں کھاؤے۔ سگوں کوئی اوپرا اوہنوں کھاہندا اے۔ ایہہ جھوٹ اتے ڈاڈھی بیماری اے۔ ³ ۳۔ جیکر بندے دے سو پُتر ہؤن اتے اوہ ورحے تیکر جیوندا رہؤے۔ ایتھوں تیکر پئی اوہدی حیاتی دے دیہاڑے بے انت ہؤن پر اوہدا دل شادمانی نال نا رجے اتے اوہدا دفن نا ہؤے تاں میں آکھناں پئی اوہ حمل جہڑا ڈِگ جاؤے، اوہدے تھوں چنگا اے۔ ⁴ ۴۔ کیوں جو اوہ جھوٹ دے نال آیا اتے نھیرے وچ جاندا اے۔ اتے اوہدا ناں نھیرے وچ لُکیا رہندا اے۔ ⁵ ۵۔ اوہنے سورج نوں وی نئیں ویکھیا نا کسے شئے نوں جانئیا۔ اخیر اوہ اوس دوجے نالوں چوکھا آرام وچ اے۔ ⁶ ۶۔ ہاں! جیکر اوہ دو ہزار ورھے تیکر جیوندا رہؤے اتے اوہنوں کجھ آرام نہ ہؤے۔ کیہ سبھے اکو ای تھاں نئیں جاندے؟ ⁷ ۷۔ بندے دی سبھے محنت اوہدے مونھ جوگی اے ۔ تاں وی اوہدا جی نئیں بھردا۔ ⁸ ۸۔ کیوں جو دانا نوں احمق اُتے کیہ فضیلت اے؟ اتے ماتڑ نوں جہڑا جیوندیاں دے اگے ٹرنا جان دا اے، کیہ فیدا؟ ⁹ ۹۔ اکھاں نال ویکھنا لوبھ دے آوارہ پنے تھوں چنگا اے۔ ایہہ وی جھوٹ اتے ہوائی اے۔ ¹⁰ ۱۰۔ جو کجھ ہویا اے، اوہدا ناں پرانے زمانے وچ رکھیا گئیا، اتےے ایہہ وی معلوم اے پئی اوہ انسان اے اتے اوہ اوہدے نال ، جہڑا اوس تھوں زوراور اے، جھگڑ نئیں سکدا۔ ¹¹ ۱۱ ۔ کیوں جو بہتیریاں شیئواں نیں جنہاں نال جھوٹ چوکھا ہوندا اے۔ اخیر انسان نوں کیہ فیدا؟ ¹² ۱۲۔ کیوں جو کہڑا جان دا اے پئی انسان جوگی اوہدی حیاتی وچ مطلب اوہدی جھوٹی زندگی دے سبھے دیہاڑیاں وچ، جنہاں نوں اوہ پرچھانویں وانگوں لنگھاؤندا اے، کہڑی شئے فیدا دے سکدی اے؟ کیوں جو انسان نوں ککہڑا دس سکدا اے پئی اوہدے مگروں جگ وچ کیہ ہؤوے گا؟