¹ ۱۔ نیکی نامی مہنگے تیل (عطر) نالوں تے مرن دا دن جمن دے دن نالوں چنگا اے ۔ ² ۲۔ مرگ (ماتم) والے گھروچ جانا ویاہ دی دعوت والے گھر وچ وڑن نالوں چنگا اے کیوں جو سارےآدمیاں دا انت ایہو ای اے ۔تے جیہڑا جیوندا اے اپنے دل وچ ایس پاروں سوچے گا ۔ ³ ۳۔ہاسے نالوں سوگ چنگا اے کیوں جو مونہہ دی اداسی نال دل سدھر جاندا اے ۔ ⁴ ۴۔ دنا دا دل مرگ (ماتم) والے گھر وچ اے پر مورکھ دا دل موج مستی ولے گھر وچ لگا اے ۔ ⁵ ۵۔ مورکھاں دیاں تاناں سنن نالوں گیانی دی تاڑ سننی آدمی لئی چنگی ا ے۔ ⁶ ۶۔ کیوں جو جیہا ہانڈی دے ہیٹھ کنڈیاں دا پٹا کا ہوندا اے (چٹکنا) تیہا ای مورکھ دا ہاسا اے ۔ایہہ وی باطل اے ۔ ⁷ ۷۔ سختی سمجھ والے نوں کملا بنا دیندی اے تے وڈی (رشوت) دل نوں وگاڑ دی اے ۔ ⁸ ۸۔ کسے دا انت اوہدے مڈھ نالوں چنگا اے تے دھیرج رکھن والا ہنکاری نالوں چنگا اے ۔ ⁹ ۹۔توں اپنے دل وچ غصہ کھان دی چھیتی نہ کر کیوں جو غصہ مورکھاں دے سینے وچ رہندا اے ۔ ¹⁰ ۱۰۔ توں ایہہ ناں آکھ پئی پچھلے دن ایہناں دناں نالوں کیکر چنگے سن کیوں جو تیرا ایہہ پچھنا عقل دی گل نئیں ۔ ¹¹ ۱۱۔ گیان دی چنگیائی ورثے وانگ اے تے سورج دے ویکھن والیاں نوں ودھیک فیدہ دیندی اے ۔ ¹² ۱۲۔کیوں جو اجیکر گیان دی آڑ تے دھن دی آڑ برابر ہنپر گیان دی سمجھ دی ایہہ چنگیائی اے پئی جنہاں کول گیان اے اوہناں نوں گیان حیاتی دیندا اے ۔ ¹³ ۱۳۔ خدا دے کماں تے دھیان کر جنہوں اوہنے (رب نے) ونگا بنایا(کیتا) اے اوہنوں کون سدھا کر سکدا اے ۔ ¹⁴ ۱۴۔ چین(سکون) دے دن وچ خوش رہ (نہال ہو) اتے دکھ دے دن دھیان کر کیوں جو خدا نے اوہنوں وی اوہدے نال دا بنایا اے تاں جو آدمی ناں جان سکے پئی ایہدے پچھوں کیہ ہووے گا ۔ ¹⁵ ۱۵۔میں ایہ سارا کجھ اپنی بطالتاں دے دناں وچ ویکھیا اے ۔اک بھلامانس اپنی بھلا مانسی وچ مرجاندا اے تے اک شیطان (شریر) نوں اوہدےشیطان پنے وچ لمی حیاتی مل جاندی اے ۔ ¹⁶ ۱۶ ۔ودھیک بھلا مانس ناں بن تے حدوں ود گیانی ناں ہوجا تینوں اپنا آپ ناس کرن دی کیہ لوڑ اے ؟ ¹⁷ ۱۷۔ ودھیک شیطان ناں ہو جاون ودھیک مورکھ وی نہ ہو جا توں ویلے تھوں پہلے مرن دی تینوں کیہہ لوڑ اے ؟ ¹⁸ ۱۸۔ایس تو چنگا تے ایہو ای ایہہ وے پئی توں اوہنوں پھڑ لویں تے اپنا ہتھ ناں کھیچیں کیوں جو اوہ جیہڑا خدا تھوں ڈر دا اے اوہ دوہاں وچوں بچ کے نکل جاوے گا ۔ ¹⁹ ۱۹۔گیان عقل والے نوں شہر دے دس سرداراں (حاکماں) تھوں ودھیک تکڑیاں کردا اے ۔ ²⁰ ۲۰۔دھرتی اتے اجیہا آدمی کوئی نئیں جیہڑا بھلائی ای بھلیائی کرے کوئی بھُل ناں کرے۔ ²¹ ۲۱۔تینوں جیہڑیاں ساریاں گلاں آکھیاجاون اوہناں اتے اپنا دل ناں لا تے اینج نہ ہووے پئی توں اپنے ٹہلیے نوں تینوں پھٹکار دیاں سنیں۔ ²² ۲۲۔ کیوں جو توں اپنے دل وچ جاندا ا ے پئی توں کئی واری دوجیاں نوں پھٹکاریا اے ۔ ²³ ۲۳۔ میں عقل نال ایہہ سارا کجھ پرکھیا اے تے میں آکھیا پئی میں گیانی ہوواں گا اتے گیان میتھوں وڈا دور ہوگیا ۔ ²⁴ ۲۴۔ سارا ہی کجھ ودھیک دور اے تے بوہتا ڈونگا اے اوہنوں کون لبھ سکدا اے ۔ ²⁵ ۲۵۔میں اپنے دل نال دھیان کیتا تاں جو جان لواں تے لھب لواں تے گیاں تے عقل نوں تے گیان تے عقل نوں کھو جاں تے مورکھاں دے مورکھ پنے تے پاگل پنے نوں سمجھاں ۔ ²⁶ ۲۶۔تے میں ایہہ جانیا پئی موت نالوں کوڑی تے اور زنانی اے جیہدا دل پھندا تے جال اے نے جیہدے ہتھ سنگلی نیں جیہڑی خدا دے سامنے (نظراں وچ) نیک اے ۔اوہ اوہدے کولوں بچے گا اتے جیہڑا پاپی اے اوہ پھڑیا جاوے گا ۔ ²⁷ ۲۷۔واعظ آکھدا اے ویکھ میں ہر اک گل اُتے دھیان دے کے پتہ لگایا وے پئی سچیائی کیہ اے ۔ ²⁸ ۲۸۔تے اجے وی میں اوہدی کھوج وچ آں اتے مینوں اوہ نئیں لبھی ۔ہزاراں مرداں وچوں مینوں اکو ای آدمی لبھا اے اتے اوہناں سبھناں وچوں مینوں تے اک وی زنانی نئیں لبھی۔ ²⁹ ۲۹۔ویکھو مینوں تے نرا ایناں ای پتہ لگا اے پئی خدا نے آدمی نوں نیک بنایا پر اوہناں نے واد واڑ چناں بھالیا نیں۔