1
-تے ساؤل دِی موت دِے بعد اینج ہویا۔پئی جدوں داؤد عمالیقیاں دِے قتل توں واپس آیا۔تے اوہ صِقلاَج وچ دو دِن رہیا۔
2
- جدوں تیسرا دِن ہویا۔ تے وِیکھو اِک بندہ ساؤل دِی لشکرگاہ توں آیا۔اوہنے اپنے کپڑے پھاڑے تے اپنےسر تے مٹی پائی ہوئی سی۔جدوں اوہ داؤد دِے کول آیا تے زمین تے ڈِگیا تے اوہنوں سجدہ کیِتا۔
3
-داؤد نے اوہنوں کیہا۔ تُوں کیتھوں آیا ایں؟ اوہنے کیہا میں اِسرائیل دِی لشکرگاہ توں اپنی جان بچا کےآیاواں۔
4
-فیر داؤد نے اوہنوں کیہا۔ کی خبر اے مینوں دس؟ اوہنے کیہا پئی لوکی لڑائی توں نس آئے تے لوکاں وچوں واوا لوکی ڈِگ پئےتے مر گئےتے ساؤل تے اوہدا پُتر یونتن دویں مر گئے۔
5
- تے داؤد نے اوس جوان نوں جہنے اوہنوں خبر دِتی آکھیا، توں کیویں جانیاکہ ساؤل تے اوہدا پُتر یونتن مر گئے؟
6
-تے اوس جوان نے جہڑا خبر لے کے آیا سی آکھیا اجیہا اتفاق ہویا پئی میں جِلبوع دی پہاڑی توں لنگیا تے ویکھو ساؤل اپنے نیزے تے جُھکیا ہویا سی تے رتھاں تے گُھڑ سوار اوہدے پچھے آ گئے۔
7
- اوہنے اپنے پچھلے پاسے نظر ماری تے مینوں ویکھیا تے مینوں بُلایا۔ میں آکھیا میں حاظرواں جناب۔
8
-اوہنے مینوں پچھیاتوں کون ایں؟ میں کیہا میں عمالیقی آں۔
9
- تے اوہنے مینوں آکھیا میرے لاگے آ تے مینوں قتل کر کیونجومیں دُکھ وچ آں پر میرے چ اجے جان اے۔
10
- فیر میں اوہدے لاگے گیا تے اوہنوں قتل کیتا۔ کیونجو میں جان لیا کہ ہار دے بعد اوہ جیوندا نئیں رہےگا۔ تے میں تاج اوہدے سر توں تے کنگن اوہدی باں توں لایا۔ تے اوہناں نوں میں اپنےمالک دے کول لیایا واں۔
11
- خیر داؤد نے اپنے کپڑے پھڑ کے پھاڑ دِتے تے اینج ای اوہناں بندیاں نے کیتا جیہڑے اوہدےنال سن۔
12
- تے اوہناں نے وین پائے تے روئے۔ اوہناں نے ساؤل تے اوہدے پُتر یونتن تے خُداوند دے لوکاں تے اسرائیل دے گھرانے لئی روزہ رکھیا کیونجو اوہ تلوار نال ڈگ پئے سن۔
13
- فیر داؤد نے اوس جوان نوں جیہڑا خبر لیایا سی کیہا۔ توں کیتھو ں ایں؟ اوہنے اوہنوں کیہا۔ میں اِک پردیسی بندے دا پُتر عمالیقی آں۔
14
- تے داؤد نے اوہنوں کیہا پئی تینوں کیوں ڈر نئیں آیا پئی توں خُداوند دے ممسوُح نوں قتل کرن لئی اپنا ہتھ ودھایا۔
15
- تے داؤد نے اپنے جوان چوں اِک نوں سدیا تے آکھیا نیڑے جا تے اوہدے تے وار کر۔ ایس لئی اوہنے اوہنوں اجیہا ماریا پئی اوہ مر گیا۔
16
- داؤد نےاوہنوں کیہا تیرا خون تیرے ای سر تے ہووے گا۔کیونجو تیرے ای مُنہ نے تیرے خلاف گواہی دِتی۔ جدوں توں کیہا پئی میں خُداوند دے ممسُوح نوں قتل کیتا۔
17
-تے داؤد نے ساؤل تے اوہدے پُتر یونتن تے ایہہ مر ثیِہ کہہ کے کُرلاپ کیتا۔
18
-تے حُکم دِتا پئی بنی یہوداہ نوںسکھایا جائے جیویں پئی سچی کتاب چ لکھیا ہویا موجود اے۔
19
- اے اسرائیل تیرے تے تیرا فخر ماریا گیا۔ ہائے ااسورمیں کیویں ڈِگ پئے۔
20
- جات چ ایہہ خبر نہ دیو۔ اسقلون دیاں گلیاں چ ایہدی خبر نہ دیو۔ نہ ہوئے پئی فلسطین دیاں دھیاں خُوشی منان ،نہ ہوئے پئی نامختوناں دیاں دھیاں شادمانی کرن ۔
21
- اے جِلبُوعہ دے پہاڑو ! ناں تہاڈے تے اوس پوے،نہ مینہ پوے اوتھے تے دلیراں دی ڈھال سٹ دتی گئ ساؤل دی سِپر جہدے تے تیل نئیں سی لایا گیا۔
22
- مقتولاں دے لہو توں ،تے زبردستاں دی چربی توں یونتن دی کمان کدی نہ ٹلی تے ساؤل دی تلوار کدی نہ خالی مُڑی۔
23
-ساؤل تے یونتن اپنے جیندے جی عزیز تے دل پسند سن۔تے اپنی موت دے ویلے وی وکھرے نہ ہوئے ۔اوہ عقابا ں توں تیز تے شیر ِِِِِِببراں توں زور آور سن ۔
24
-اے اسرایئل دیو دھیو ساؤل لئی رؤو۔جنہیں تہانوں ارغوانی کپڑے پوآئے تے سونے دیاں گہنیاں نال سجایا۔
25
-ہائے جنگ چ سورمیں کیویں لڑائی چ ڈِگ پئے یونتن تیرے اُچےمقاماں تے قتل ہویا ۔
26
-اَے میرے بھرا یونتن !میں تیرے لئی دُکھی آں تُوں مینوں بہت پیارا سیں۔ تیرا پیار میرے لئے کمال سی بُڈیاں دی محبت توں وی بہتا۔
27
-ہائے او سورمیں کنویں ڈِگ پئے تے جنگ دے ہتھیار نیست ہوگئے۔