1
-ایس اثنا وچ داود نیں خداوند نوں پوچھیاپئی کی میں یہوداہ دے شہراں وچوں کسی چ جاوساں؟ خداوند نیں ایہہ فرمایا پئی جا۔ داود پوچھیا پئی کس شہر وچ؟ خداوند نیں جواب دِتا پئی حبرون وچ
2
-سو داود نیں اپنیاں دونویں وہٹیاں یزرعیل دی اخنیوعم تے کرمِل دے نابال دی بیوہ دے ہمراہ اوتھے چلا گیا۔
3
-تے اوہناں بندیاں نوں وی جیہڑی اوہدے نال سن اوہناں خانداناں سمیت اوھتوں لے گیا تے اوہ حبرون تے اوہدے قصبیاں چ وس گئے۔
4
-تد یہوداہ دے لوکی آئے تے اوتھے اوہناں نیں داود نوں مسح کر کے یہوداہ دے خاندان دا بادشاہ بنا دِتا ۔جدوں داود نوں دسیا گیا پئی ایہہ یبیس جلعاد دے لوکی سن جیناں نیں ساول نوں دفن کیتا سی۔
5
- تے اوس نیں یبیس جلعاد دے لوکاں دے کول اوہناں نوں ایہہ کہن لئی قاصد بھیجے پئی تسی اپنے آقا ساول نوں دفن کر کے جس قہر بانی دا اظہار کیتا اے پئی خداوند تہانوں برکت بخشے۔
6
ـخداوند تہاڈے نال مہر بانی تے وفا داری کرے تے میں وی تہاڈے نال اونج ای مہربانی کراں گا کیوں جو تسی نیک کام کیتا۔
7
-سو ہن طاقتور تے دلیر بنو کیوں تہاڈا آقا ساول مر گیا اے تے یہودا دے گھرانے نین مینوں مسح کر کے اپنا بادشاہ بنا یا۔
8
-ایس لئی ابنیر بن نیر نیں جیہڑی ساول دے لشکر دا سالار سی،ساول دے پُتر نوں نال لیا اوہنوں محنایم وچ لے آیا۔
9
- تے اوہنوں جلعاد آشرنوں یزرعیل تے افرائیم ،بن یمین تے سارے اسرائیل دا بادشاہ بنایا۔
10
-ساول دا پتر اسبوست چالھی سال تک عمر چ اسرائیل دا بادشاہ بنیا تے اوس نیں دو سال حکمرانی کیتی ۔پر یہوداہ گھرانہ داود دا مطبع رہیا۔
11
-ساؤل دا پُتر اسبوست چالھی سال تک عمر وچ اسرائیل دا بادشہ بنیا تے اوس نیں دو سال حکمرانی کیتی ۔پر یہوداہ دا گھر تے ناں داؤ ددا گھر مطیع رہیا۔
12
-تے ابنیر بن نیر تے اشبوست بن ساؤل دے خادم محنایم نوں خیرباد کہہ کے جِبعون نوں گئے۔
13
-تے یوآب بن ضرویا تے داود دے بندے نکلے تے جِبعون دے تالاب تے اوہناں نال ملے۔فریق تالاب دے اک پاسے بیٹھ گیا تے دو جا دوجے پاسے۔
14
-تے ابنیر یوآب نوں آکھیا پئی اوہ اسی کجھ جواناں نوں چُن لین جیہڑے یوآب نیں آکھیا پئی ٹھیک اے۔ایناں نواینج ای کرن دو۔
15
-سو اوہ جوان کھڑے ہو گئے تے اوہناں دی گنتی کیتی گئی تے بارہ بندے بنیمین تے اِشبوست بن ساؤل وَلوں تے بارہ بندے داؤد وَلوں سن۔
16
-تے ہر اک بندے نیں اپنے اپنے مخالف نوں سِر توں پھڑ کے اپنی تلوار اوہدے اُتے پہلو وچ گھونب دِتی تے اوہ اکو واری ڈگ گئے ۔ایس لئی جِبعون وچ اوس تھا نوں حلقت ہصوریم دا ناں دِتا گیا-
17
-تے اوس دن بڑی بھیڑی لڑائی ہوئی جس دے وچ ابنیر تے اسرائی دے بندیاں داؤد دے بندیاں نوں ہار گئے۔
- تے ضرویاؔہ دےتِنوں پُتراں یوآبؔ تے ابیؔ شے تے عساہیلؔ اوتھے سَن تے عساہیلؔ جنگل دی ہرن وانگ ڈاڈا تیز ٹُردا سی۔
- تے عساہیلؔ نے ابنیؔر دا پِچھا کیتا تے ابنیؔر کردیاں ویلے اوہ سجے یاں کھبے پاسے نہ مُڑیا۔
20
-فیر ابنیر نیں اپنے پیچھے ویکھ کے پُچھیا پئی اے عساہیل! کی تؤں ایں؟اوہنے جواب دیتا کہ ہاں۔
21
-فیر ابنیر نیں اوہنو آکھیا پئی سجے یاں کھبے، اک پاسے مُڑجا تے جواناں وچوں کسے نوں پھڑ کے اوہدے ہتھیار کھو لے پر عساہیل نیں اوہدا پیچھا کرنا نہ چھڈیا۔
22
-ابنیر نیں عساہیل نوں فیر خبر دار کیتا پئی میرا پیچھا کرنا بند کر!جے میں تینوں ماردیاں تے فیر تیرے بھرا نوں کی نہ وکھاواں گا؟
23
-پر عساہی پیچھا کرن توں باز ناں آیا ۔فیر ابنیر نیں اپنے بھالے دا کُندا اوہدے ڈھیڈ وچ گھونب دِتا تے اوہ اوہدی کنڈ دے آرپار ہو گیا ۔تے اوہ ڈگیاتے اوسے ویلے ای مر گیا۔تے جیہڑا بندہ اوس جگہ آیا جیتھے عساہیل مریا تے ڈگیا سی اوہ اوتھے رُک گیا۔
24
-پر یوآب تے ابی شے نیں ابنیر دا پیچھا کیتا تے جدوں سورج غروب ہو رہیا سی تے اوہ کوہ امہ دے کول پہنچے جیہڑے جیاح دے نیڑے جِبعون دی زمین دی راہ اے۔
25
-تے بن یمین دے لوکی اک واری فیر ابنیر دے پیچھے جمع ہوگئے تے اوہناں نیں اک دستے دی صورت وچ اک پہاڑی دی اُچیائی تے اپمنا مورچیہ قائم کر لیا۔
26
-فیر ابنیر نیں یوآب نوں پکار یا تے آکھیا پئی ایہدا انت بڑا بھیڑا ہووے گا؟توں اپنے بندیاں نوں کدوںحکم دیویں گا پئی اپنے بھراواں دا پیچھا کرن توں باز آن؟
27
-یوآب نیں دسیا پئی زندہ خدا دی سَوں جے توں زبان ناں کھولدا تے ایہہ بندہ صبح تک اپنے بھراواں دا پیچھا کرنا جاری رکھدے۔
28
-سو یوآب نیں نرسیگا پھونکیا تے سارے بندے اُک گئے تے فیر اوہناں نیں اسرائیل دا پیچھا ناں کیتا تے ناں اوہناں نال لڑے۔
29
-ابنیر تے اوہدے بندے ساری رات میدان وچ چلدے رہے تے یردن دے دریا نوں پار کرکے بِترون توں لنگھ دیاں ہویاں محنایم نوں آئے۔
30
-تے یوآب ابنیر دا پیچھا کر کے پرتیا تے اپنے سارے بندیاں نوں جمع کیتا تے عساہیل دے علاوہ داؤد دے اُنیں بندےغیب سن۔
31
-پر داؤد دے بندیاں نیں بِن یمینیاں دے تین سو ساٹھ بندیاں نوں جیہڑے ابنیر دے نال سن مار دِتا۔
32
-اوہناں نیں عساہیل نوں اُٹھا کے بیت الحم وچ اوہدے پیو دی قبر وچ دفن کر دِتا تے یوآب تے اوہدے بندے ساری رات دے سفر توں بعد سویرے حبرون جا پہنچے۔