¹ ۱۔ تے نعَمان اَرام دے بادشاہ دے فوج دا سپہ سالار آودے مالک دی نظر وچ وڈا بندہ تے اوھدے اِگے عزت والا سی۔کیوں جے اوھدے راھیں خداوند نے اَرام نوں پچایا سی۔تے اُو بڑا طاقت والا تے دلیر بندہ سی۔پر اونوں کوڑھ سی۔ ² ۲۔ تے اَرمایاں دا جسہ نکلیا سی۔تے اِسرائیل دے ملک توں ایک نکی کُڑی نوں قید کر کے لیائے سن۔ تے او نعَمان دی بیوی دی سِیوا کردی سی۔ ³ ۳۔ ایک دِن اونے آودی مالکن نوں آکھیا کاش کہ میرا مالک اوس نبی دے سامنے ہوندا جہڑا سامریہ وِچ اے کیوں جے او اونوں اوھدے کوڑھ توں شفا دیندا۔ ⁴ ۴۔ تد اونے جا کے آودے مالک نال گِل کیتی تے آکھیا کہ اُو نِکی کُڑی جہڑی اِسرائیل دے ملک دی اے ایویں کہندی اے۔ ⁵ ۵۔ تے اَرام دے بادشاہ نے اونوں آکھیا ۔تُو جا تے میں اِسرائیل دے بادشاہ نوں خط گِھل نا واں لہذا او گیا۔تے اونے آودے نال وِی قنطار چاندی تے چھ ہزار مثقال سونا تے لیڑیاں سے دِس جوڑے لے۔ ⁶ ۶۔ تے او شاہِ اِسرائیل دے کول خط لیایاجیدے وِچ لکھیا سی کہ جدوں میرا ایہہ خط تینوں پہنچے تے تینوں پتا ہووے کے کہ میں آودے نوکر نعَمان نوں تیرے کول گھلیا اے۔تاں جے تُو اونوں اوھدے کوڑھ توں شفا دیوے۔ ⁷ ۷۔ جدوں اِسرائیل دے بادشاہ نے خط پڑھیا تے آودے لیڑے پھاڑے تے آکھیا کی میں خدا واں کہ ماراں تے ساڑاں؟کہ اونے اونوں میرے کول گھلیا کہ میں اوس بندے نوں اوھدے کوڑھ توں شفا دیواں۔سو تُسی سمجھو تے ویکھوکہ او میرے خلاف ہون لئی بہانہ لبدا اے۔ ⁸ ۸۔ جدوں خدا دے بندے الیشع نے سُنیا کہ شاہِ اسرائیل نے آودے لیڑے پاڑے تے اونے بادشاہ نوں سنیا گھلیا تُو آودے لیڑے کیوں پاڑے؟اونوں میرے کول آن دے۔تاں جے او جانے کہ اِسرائیل وِچ واقعی اک نبی اے ۔ ⁹ ۹۔ سو نعَمان آودے گھوڑیاں تے رتھاں دے نال آیا تے الیشع دے گھر دے بُوہے تے کھلو گیا ۔ ¹⁰ ۱۰۔ تے الیشع نے اوھدے کول بندہ بھہج کے آکھیا کہ جا تے اُردن وِچ سَت واری نہا۔تے تیرا گوشت چنگا ہو جاوے گاتے پاک ہووے گا۔ ¹¹ ۱۱۔ تے نعَمان ناراض ہو کے ٹر گیا تے آکھیا میں خیال کردا ساں کہ او نکل کے باہر آوے گا تے کھلووے گا تے خداوند آودے خدا دا نا لیوے گا تے آودا ہتھ اوس جگہ تے پھیرے گا تے کوڑھ نوں چنگا کرے گا ۔ ¹² ۱۲۔ کی دَمشقِ دے دریا اَبانہ تے فر فر اِسرائیل دیاں ساریاں ندیاں توں چنگے نہیں ؟کی میں اوناں وِچ نہ نہاواں تے پاک صاف نہ ہو جاواں ؟تے او واپس ہو کے ٹر گیا۔تے غصے وِچ سی۔ ¹³ ۱۳۔ تد اوھدی نوکر اوھدے اِگے آئےتے اونوں بلا کے آکھیا اے پیو!جے نبی تینوں کسے وڈے کم دا حکم دیندا تے کی تُو اونوں نہ کردا؟تے کینا وڈا ایہہ کہ جہڑا اونے تینوں آکھیا کہ نہا تے پاک صاف ہو جا۔ ¹⁴ ۱۴۔ تد او ٹر گیاتے اُردن وِچ سَت وری ٹوبھی ماری جیویں کہ خدا دے بندے نے آکھیا سی تے اوھدا گوشت نکے مُنڈے دے گوشت وانگوہو گیا تے او پاک صاف ہو گیا۔ ¹⁵ ۱۵۔ تے او خدا دے بندے دے کول آودے سارے ساتھیاں نال واپس آیا تے آکے اوھدے اِگے کھلوتا تے آکھیا میں جان لیا کہ پوری دنیا وِچ کوئی خدا نہیں۔ پر اِسرائیل وِچ۔ تے ہون آودے خدمت کرن آلے دا تحفہ قبول کر ۔ ¹⁶ ۱۶۔ اونے آکھیا جیوندے خدا دی قسم جیدے اِگے میں کھلوتا واں کہ میں کُجھ نہ لواں گا تے اونے لین لئی ضد کیتی پر او نہ منیاں۔ ¹⁷ ۱۷۔ تد نعَمان نے آکھیا میں تیری منت کرنا واں ۔اجازت دے۔ کہ تیری خدمت کرن آلا ایتھوں دو خچراں دا بھار مٹی لے جاواں۔ کیوں جے تیری خدمت کرن آلا اِگے توں سوختنی قربانی تے ذبیحہ کسے عبادت کرن آلے سوائے خداوند دے نہ گزرانے گا ۔ ¹⁸ ۱۸۔ پر ایک گل توں خداوند تیری خدمت کرن آلے نوں معاف کر دیوے ۔کہ جہیڑے ویلےمیرا مالک رِمون دے مندر وِچ سجدہ کرن لئی جاوے تے او میرے ہتھ تے سہارا لوے تے رِمون دے مندر وِچ جھُکاں سو جدوں میں رِمون دے مندر وِچ جھُکاں ۔خداوند تیری خدمت کرن آلے نوں اوس حکم وچ قائم رکھے ۔ ¹⁹ ۱۹۔ تے الیشع نے اونوں آکھیا سلامتی نال جا تے او رُخصت ہو کے تھوڑی ای دور گیا سی ۔ ²⁰ ۲۰۔ کہ خدا دے بندے الیشع دے نوکر جیحازی نے آکھیا کہ میرے مالک نے نعَمان دے ہتھوں جہڑا کُجھ او لیایا سی لین توں انکار کیتا۔جیوندے خداوند دی قسم میں اوھدے پیچھے دوڑاں گا تے اوھدے کولوں کُجھ نہ کُجھ لواں گا ۔ ²¹ ۲۱۔ تے جیحازی نعَمان دے پچھے گیا۔نعَمان نے اونوں آودے پچھے دوڑدے ہوئے ویکھیا۔تے او اوھدے استقبال لئی رتھ توں اُتر پیا تے آکھیا کی ساری خیر اے؟ ²² ۲۲۔ اونے آکھیا ساری خیر اےپر میرے مالک نے مینوں تیرے کول گھل کے آکھیا اے کہ اِیسے ویلے میرے کول افرایئم پہاڑ توں نبیاں تے پتراں وِچوں دو جوان آئے نے ۔ سو اوناں لئی ایک قنطار چاندی تے دو جوڑے کپڑے دے دے ۔ ²³ ۲۳۔ نعَمان نے آکھیا میرے اُتے مہربانی کر تے دو قنطار لے تے اوھدے تے ضد کیتی تے اوس نے چاندی دے دو قنطار دو تھلیاں وِچ تے دو جوڑے کپڑیاں دے آودے دو نوکراں اُتے رکھے تے او چُک کے اوھدے اِگے اِگے ٹرے ۔ ²⁴ ۲۴۔ جدوں او ٹیبے تیک آئے تے اونے اوناں دے ہتھاںوچوں اوناں نوں لے لیا ۔تے گھر وِچ رکھیا ۔تے بندیاں نوں ٹور دِتا۔ سو او ٹر گئے۔ ²⁵ ۲۵۔ فیر او اندر آیا تے ااودے مالک اِگے کھلوتا تے اونوں الیشع نے آکھیا اَے جیحازی تُو کیتھوں آیا ایں؟اونے آکھیا تیرا بندہ کیتے نہیں گیا۔ ²⁶ ۲۶۔ تے اوہنے اوہنوں آکھیا کیہ میرا دل اوتھے نہیں سی جیہڑے ویلے اوہ بندہ آودے رتھ نال تینون ملن لئی مُڑیا؟کیہ ایہہ ویلا چاندی لین تے کپڑے تے زیتون تے باغ تے بھڈاں تے بلد تے نوکرتے نوکرانیاں لین دا اے ؟ ²⁷ ۲۷۔ سو نعَمان دا کوڑھ تینوں تے تیری نسل نوں ہمیشاں تیک لگے تد او اوھدے اگوں باہر نکل گیا تے او برف وانگو چیٹا کوڑھا ہو گیا۔