1
۱۔ تے اخی ابؔ دی موت توں بعد موآب نے اسرئیل نال دُشمنی کیتی۔
2
۲۔ تے اخزیاؔہ آودے اُتلے کمرےدی ایک باری توں جہڑی سامریہ وِچ سی ڈیگ پیا تے بیمار ہویا۔تے اونے سنہادین والےگھلے تے اوناں نوں آکھیا ۔جاو تے عقُرون جیدی بندگی کردا اے زبوُب توں پُچھو۔کہ کی میں ایس بماری توں چنگاہونگا۔
3
۳۔ تد خداوند دے فرشتے نے ایلیاہتشبی نال بولدیاں ہویاں آکھیا ۔جاہ تے شاہِ سامریہ دے سنہا دین والیاں نوں مل۔ تے اوناں نوں آکھ۔کی اِسرئیل وِچ کوئی خدا نہیں جہیڑا تُسی عقرون دے بندگی کرن آلے زبوب توں پُچھن جاندے او؟
4
۴۔ ایس لئی خداوند ایویں آکھدا اے کہ جہڑے پلنگ تے تُوچڑھیاں ایں ِایدے توں نہ ا ُٓتریں گا بلکہ تُو ضُرور مرے گا ۔تد ایلیاہ ٹر گیا۔
5
۵۔ تے او بندے اَخزیاہ کول واپس آئے ۔تے اونے اوناں نوں آکھیا۔تُسی کیوں واپس آئے؟
6
۶۔ اوناں نے اونوں آکھیا کہ ایک بندہ سانوں ملن لئی آیاتے سانوں آکھیا ۔کہ واپس مڑ کےبادشاہ دے کول جہنے تہانوں گھلیا جاؤ۔تے اونوں آکھو ۔ضداوند ایویں فرماندا اے۔ کیہ اِسرائیل وِچ کوئی خدانہیں؟ کہ تُو عقُرون دے بندگی کرن آلے زبوب دے کول گھلیا اےتے پتا لوایا اے ۔ایس لئی جہڑے پلنگ تے تُو چڑھیاں ایں اوھدے توں نہ لویں گا۔۔سگوں ضُرور مر جاوے گا۔
7
۷۔ تے اونے اوناں نوں آکھیا اوس بندے دی شکل کیویں دی سی جہڑا تہانوں ملن لئی آیا تے تہاڈے نال بول کر ایہہ گل آکھی۔
8
۸۔ اوناں نے اونوں آکھیا ۔او والاں آلا بندہ سی تے چمڑے دا پٹکا آودے لک تے بنیا ہویا سی ۔تے اونے آکھیا ۔کہ او ایلیاہ تشبی اے ۔
9
۹۔. تے اونے پنجاہ سپاہیاں دے سردار نوں نال اودے پنجاہ بندیاں دے نال اوھدے کول گھلیا۔تے او اوھدے کول گئے۔ تے ویکھو ۔ُاو ایک پہاڑ دی چوٹی اُتے بیٹھا ہویا سی ۔تے اونوں آکھیا اے خدا دے بندے بادشاہ آکھدا اے تھلے آ۔
10
۱۰۔ اَیلیاہ نے جواب دِتا ۔تے پنجاہ دے سردار نوں آکھیا ۔جے میں خدا دا بندہ آں تے اِگ آسمان توں آوےتے تینوں تے تیرے پنجاواں نوں کھا جاوے۔تد اِگ آسمان توں آئی تے اونوں تے اوھدے پنجاواں نوں ختم کر گئی۔
11
۱۱۔ فیر اونے ایک دُوجے پنجاہ دے سردار نوں اوھدے پنجاواں بندیاں دے نال گھلیا۔تے اونے اوھدے نال کلام کر کے آکھیا ۔اے خدا دے بندے ! بادشاہ نے ایویں آکھیا کہ چھیتی تھلے آ۔
12
۱۲۔ اَیلیاہ نے جواب دے کے اوناں نوں آکھیا ۔جے میں خدا دا بندہ آں ۔تے اِگ آسمان توں آوے ۔تے تینوں تے تیرے پنجاواں نوں کھا جاوے ۔تد اِگ ااسمان توں آئی تے اونوں تے اوھدے پنجاواں نوں کھا گئی ۔
13
۱۳۔ فیر اونے ایک تیجے پنجاہ دے سردار نوں اوھدے پنجاہ بندیاں دے نال گھلیا ۔سو ایہہ تیجاہ پنجاہ دا سردار اُتے چڑھیا ۔تے آکے ایلیاہ دے اِگے آودے گوڈیاں اُتے جُھکیا۔تے اوھدی منت کر کے آکھیا ۔اے خدا دے بندے! میری جان تے تیرے خدمت کرن آلے، اِناں پنجاواں دِیاں جاناں تیری نظر وِچ قیمتی ہوون۔
14
۱۴۔ وِیکھ اِگ آسمان توں آئی ۔تے اِگے دو پنجاواں دے سرداراں دے نال اوھدے پنجاواں پنجاواں نوں ختم کر گئی ۔تے ہون میری جان تیری نظر وِچ پیاری ہووے۔
15
۱۵۔ تد خداوند دے فرشتے نے اِیلیاہ نوں آکھیا۔اوھدے نال تھلے اُتر جا ۔تے اوھدے چہرے توں نہ ڈر ۔تے اُو اٹھیا تے اُوھدے نال بادشاہ دے کول تھلے گیا۔
16
۱۶۔ تے اونوں آکھیا ۔خداوند ایویں فرماندا اے کیوں جے تُو سنہا دین والیاں نوں گھلیا کہ عُقرون دے بندگی کرن آلے توں سوال کرن ۔جیویں کہ اِسرائیل وِچ کوئی خدا نہیں سی۔جہدے توں تُو اوھدا کلام دا پتا کریں ۔فیر ایس لئی جہڑے پلنگ تے تُو چڑھیاں ایں ۔اُوھدے توں نہیں اُتریں گا ۔سگوں ضُرور مر جاویں گا۔
17
۱۷۔ لہذا او خداوند دے کلام دے مطابق جہڑا اِیلیاہ نے ااکھیا سی مر گیا ۔تے کیوں جے اُوھدا کوئی پُتر نہیں سی ۔اوھدا بھرا یہورام ،شاہ یہوداہ یہورام بن یہو سفط دے دُوجے ورھے وِچ اوھدی جگہ بادشاہ ہویا۔
18
۱۸۔ تے اَخزیاہ دا باقی حال تے جہڑا کُجھ اونے کیتا ۔کی ایہہ اِسرائیل دے بادشاھواں دی تاریخ دی کتاب وِچ لکھیا ہویا نہیں؟