¹ ۔ تے جدوں اوہ سارا کم مکیا جیہڑا سلیمان نے خدا دے گھر لئی کیتا تاں سلیمان اپنے پیودائود دی متھی ہوئی چاندی تےسونے دیاں چیزاں تے بھانڈے لے کے آیا. تے اوہناں نوں خدادے گھر دے خزانے وچ رکھیا۔ ² ۔ تد سلیمان نے اسرائیل دےبزرگاں تے قبیلے دے سارے سرداراں تے بنی اسرائیل د ےجدی رئیساں نوں اپنے کول یروشلم وچ کٹھا کیتا. تاں جوخداونددے عہد دے صندوق نوں جو دائود دے شہر توں جیہڑاصیہون اے ، چک لیان۔ ³ ۔ تاں ستوویں مہینے عید آلے دن اسرائیل دے سارے لوک بادشاہ دے کول کٹھے ہوئے۔ ⁴ ۔ تے اسرائیل دے سارے بزرگ آئے۔ تے لا ویاں نے صندوق نوں چکیا ⁵ تے اوہ صندوق سنے حضوری د ے تنبو تے سارے پاک بھانڈیاں دے چک لیائے. کاہن تےلاوی اوہناں نوں چک کے لیائے ⁶ تے سلیمان بادشاہ تے سارے اسرائیل دی جماعت نے جیہڑی اوہدے کول کٹھی سی صندوق دے اگے بہت ساریاں بھیڈاں بکریاں تے گاواں بلد کوہے جیہڑے اِنے زیادہ سن کے گنے نہ گئے ⁷ ۔ تے کاہناں نے خداوند دے صندوق نوں اندر لیا کے اوہدی تھاں گھردی محراب دے اندر قدس ا لقدوس وچ فرشتیاں دےکھمباں ہیٹھ رکھیا ⁸ ۔ تےفرشتیاں دے کھمبھ صندوق دی تھاں اتے کھلرے ہوئے سن تے اتوں صندوق نوں تے اوہدیاں چوباں نوں لُکاندے سن ⁹ ۔ تے چوباں لمیاں سن . ایتھے تیکر پئی اوہناں دے سرے صندوق توں محراب دے ساہمنے دی تھا ں وچ دسدےسن۔ پر باہروں نظر نہیں سی آؤندے ۔ تے اوہ اج دے دن تیکراوتھے ای نیں۔ ¹⁰ ۔ تے صندوق دے اندر کجھ نئیں سی . پر دوتختیاں جنہاں نوں موسیٰ نے حوریب وچ اوہدے اندر رکھیا سی جدوں خداوند نے بنی اسرائیل نال مصرتوں نکلن ویلے عہد بنہیا۔ ¹¹ تے انج ہویا جدوں کاہن مقدس توں باہر نکلے (کیوں جوسارے کاہن جیہڑے اوتھے سن آپنی واریاں دا لحاظ کیتے بناآپنے آپ نوں پاک کر کے آئے سن۔ ¹² تے لاوی جیہڑے گاندے سن اوہ سارے دے سارے جیویں آساف تے ہیمان تے یدوتون تے اوہناں دے پتر تے اوہناں دے بھراکتائی لباس پائے ہوئے۔ تے جھا نجر تے ونجھلی تے بربط لتے ہوئے مذبح دے چڑھدے کنڈھے تے کھلوتے سن . تےاوہناں دے نال اک سو ویہہ کاہن نرسنگے پُھوک رہے سن)۔ ¹³ ۔ تاں ا وہ نرسنگے پھوکدے تے گیت گاؤندے ہوئے اک بندے وانگوں سن . تے خداوند دی حمد تے شکر گزاری وچ اوہناں دی واج اک لگدی سی . تے جدوں اوہناں نے نرسنگیاں تے جھانجراں تے اپنی واج اچی کیتی پئی "خداوندی ستائش کروکیوں جو اوہ نیک اے . کیوں جو اوہدی رحمت ابد تک ہے۔" تاں گھر یعنی خدا وند دا گھر بدلیاں نال بھر گیا ¹⁴ تے کاہناں نوں بدلاں دے کارن سیوا کرن لئی ٹھہرن دی طاقت نہ رہی . کیوں جو خداوند دے جلال نے خداوندے گھر نوں بھردتا