¹ ۔ تے اوہنے پتل دا مزبح بنایا ۔ لمائی ویہہ ہتھ تے چوڑائی ویہہ ہتھ تے اچائی دس ہتھ ۔ ² ۔ تے اوہنے ڈھلیا ہویا گول بحیرہ بنایا اوہدا قطر اک کنڈھے توں توں دوجے کنڈھے تیکر دس ہتھ ۔ تے اوہدی اچائی پنج ہتھ تے اوہدا گھیرا تیہہ ہتھ دا دھاگہ سی ۔ ³ ۔ تے اوہدے تھلے ہر پاسے کندھاں سن جیہڑیاں اوہدے دوالے دس ہتھ تیکر سن ۔ اوہ دو قطاراں وچ سارے بحیرے نوں گھیردیاں سن ۔ تے گنڈھاں اوہدے ڈھالنے وچ اوہدے نال ڈھالیاں گیاں سن ۔ ⁴ ۔ اوہ بارہ بلداں اُتے رکھیا ہویا سی ۔ اوہناں وچوں تناں دا منہ شمال ول تے تن دا لہندے ول تے تن دا جنوب ول تے تن دا چڑہدے ول سی ۔ تے بحیرہ اوہناں دے اتے سی ۔ تے اوہناں دے سارے پچھے دے حصے اندر ول سن۔ ⁵ ۔ تے اوہدی موٹائی گٹھ جتنی تے اوہدے کنگرے پیالے دے کنگرے ورگے سوسن دے پھل وانگ سن ۔ تے اوہدے وچ تھاں تن ہزار بت دی سی ۔ ⁶ ۔ فیر اوہنے دس حوض بنائے ۔ اوہناں وچوں پنج سجے پاسے تے پنج کھبے پاسے رکھے تاں جو اوہناں وچوں ساریاں شیواں جیہڑیاں سوختی قربانی چاڑھن لئی سن دھوتیاں جاون ۔ تے بحیرہ کاہناں دے وضو لئی سی ۔ ⁷ ۔ تے اوہنے سونے دے دس شمع دان اوہناں دے دتے ہوئے حکم آلی شکل مطابق بنائے ۔ تے ہیکل وچ پنج سجے پاسے تے پنج کھبے پاسے رکھے ۔ ⁸ ۔ تے اوہنے دس میزاں بنائیاں ۔ تے ہیکل وچ پنج سجے پاسے تے پنج کھبے پاسے رکھیاں ۔ تے اوہنے سونے دے سو پیالے بنائے ۔ ⁹ ۔ تے اوہنے کاہناں دا ویہڑا تے وڈا ویہڑا تے ویہڑے دے بوہے بنائے ۔ تے بوہے پتل نال مڑھے ۔ ¹⁰ ۔ تے اوہنے بحیرے نوں سجے پاسے چڑھدے نوں جنوب ول رکھیا ۔ ¹¹ ۔ تے حورام ابی نے دیگاں تے کڑچھے تے پیالے بنائے ۔ تے حورام ابی اُس کم توں ویہلا ہویا جیہڑا اوہنے خدا دے گھر وچ سلیمان بادشاہ لئی کیتا ۔ ¹² ۔ دو تھم تے دو گولے تے ٹوپ جیہڑے تھماں دے سراں لئی سن ۔ تے دو جالیاں جیہڑیاں دوواں ٹوپاں دے گولیاں نوں کجدیاں سن ۔ ¹³ ۔ تے چار سو انارا دوواں جالیاں لئی سن ۔ ہر اک جالی لئی اناراں دیاں دو قطاراں تاں جو ٹوپاں نوں جیہڑے تھماں دے سر تے سن کجن ۔ ¹⁴ ۔ تے چوکیاں تے حوض جیہڑے چوکیاں تے سن ۔ ¹⁵ ۔ تے اک بحیرہ تے بارہ بلد جیہڑے اوہدے تھلے سن ۔ ¹⁶ ۔ تے دیگاں تے کڑچھے تے پیالے تے حورام ابی نے سارے بھانڈے سلیمان بادشاہ دے لئی خدا دے گھر لئی صاف کیتے ہوئے پتل نال بنائے ۔ ¹⁷ ۔ بادشاہ نے اوہناں نوں اردن دے میدان وچ سکوت تے سریدہ دے وچکار چیکنی مٹی وچ ڈھالیا ۔ ¹⁸ ۔ تے سلیمان نے ایہہ سارے بھانڈے وڈی گنتری وچ بنوائے ۔ ایتھے تیکر پئی پتل دے وزن دا پتا نہ چل سکا ۔ ¹⁹ ۔ تے سلیمان نے خدا دے گھر دے سارے بھانڈے بنوائے تے سونے دا مذبحہ تے میزاں جنہاں تے نذر دیاں روٹیاں سن ۔ ²⁰ ۔ تے شمع دان تے اوہناں دے چراغ خالص سونے دے تاں جو حکم دے مطابق محراب دے سامنے بلدے رہن ۔ ²¹ ۔ تے پُھل تے چراغ تے چمٹے سونے دے ۔ سارے خالص سونے دے سن ۔ ²² ۔ تے گلگیر تے پیالے تے تاس تے بخور سوزخالص سونے دے سن ۔ تے اندرلے کوٹھے دے بوہے دے طاق جیہڑے قدس الاقداس سی ۔ تے گھار دے طاق جیہڑی ہیکل سی سونے دے سن ۔ ²² ۔ تے گلگیر تے پیالے تے تاس تے بخور سوزخالص سونے دے سن ۔ تے اندرلے کوٹھے دے بوہے دے طاق جیہڑے قدس الاقداس سی ۔ تے گھار دے طاق جیہڑی ہیکل سی سونے دے سن ۔