¹ ۔ تے سلیمان بن داؤد اپنی بادشاہی وچ پکا ہویا۔ تے خداوند اوہدا خدا اوہدے نال سی ۔ تے اُس نے اوہنوں بڑی وڈیائی بخشی ۔ ² ۔ تے سلیمان نے سارے اسرائیل یعنی ہزارں سیکڑیاں سردارں تے قاضیاں تے سارے اسرائیل دے جدی سرداراں تے وڈے بندیاں نال گلاں کیتیاں۔ ³ ۔ تےسلیمان ساری جماعت سنے اُچی تھاں ول گیا جیہڑی جبعون وچ سی ۔ کیوں جو اوتھے خدا دی حضوری دا تنبو سی ۔ جیہڑا خدا وند دے بندے موسیٰ نے اُجاڑ وچ بنایا سی۔ ⁴ ۔ پر داوئود خدا دے صندوق نوں وریت یعاریم توں اس تھاں تے چُک لیا یا سی ۔ جو اس نے اوہدے لئی تیار کیتا سی ۔ کیوں جو اس نے اوہدے لئی یروشلیم وچ تنبو لایا سی ۔ ⁵ ۔ پر پتل دا مزبح جیہڑا بصل این بن اوری بن حور نے بنایا سی خداوند دے ٹھکانے دے اگے سی ۔ تاں سلمان تے ساری جماعت اوتھے گئی ۔ ⁶ ۔ تے سلیمان اُوتھے پتل دے مذبحے دے کول گیا جیہڑا حضوری دے خیمے دے اندر خداونددے سامنے سی ۔ تے اُوہدے اُتے اک ہزار سوختنی قربانیاں چاڑھیاں ۔ ⁷ ۔ تے اُسے راتیں خدا سلمان تے ظاہر ہویا ۔ تے اوہنوں آکھیا کیا منگ میں تینوں کیہ دیاں؟ ۔ ⁸ ۔ سلیمان نے خداوند نوں آکھیا پئی توں میرے پیودائو تے وڈی رحمت کیتی تے مینوں اوہدی تھاں بادشاہ بنایا۔ ⁹ ۔ ایس لئی اے خداوند خدا تیری اوہ گل پوری ہووے جیہڑی توں میرے پیو داؤد نو ں آکھی سی۔ کیوں جو توں مینوں اجہے لوکاں تے بادشاہ بنایا جیہڑے اینے بوہتے نیں جویں زویں دی دھوڑ ہوندی اے۔ ¹⁰ ایس لئی مینوں سیانپ تے معرفت دے ۔ تا ں جو میں ایہناں لوکاں دے اندر باہر آیا جایا کراں ۔ کیوں جو کون ایہہ جیہڑا تیرے اِنے زیادہ لوکاں دا نیاں کر سکدا اے ۔ ¹¹ تد خدا نے سلیمان نوں آکھیا کیوں جے ایہہ تیرے دل وچ سی ۔ تے توں دولت ثروت تے عزت دا سوال نہ کیتا ۔ تےنہ اپنے دشمن دیاں جاناں تے نہ دیہاڑیاں دا وادھا منگیا۔ سگوں توں اپنے لئی سیانپ تے معرفت دا سوال کیتا ۔ تاں جو توں میرے لوکاں دے وچ انصاف کرسکیں ۔ ¹² میں تینوں حکمت تے معرفت دتی اے۔ تے میں تینوں اجہی دولت تے ثروت تےعزت دیاں گا جو تیرے توں پہلاں دے بادشاہواں وچوں کسے دی ہوئی تے نہ تیرے مگروں کسے دی ہووے گی ۔ ¹³ تد سلمان جبعون دی اُچی تھاں توں یعنی حضوری دے تنبو دے ساہمنیوں یروشلیم وچ آیا ۔ تے اسرائیل تے بادشاہی کرن لگا۔ ¹⁴ تے سلیمان نے گڈیاں تے سوار جمع کیتے . تاں اوہدیا ں اک ہزار چار سو گڈیاں تے بارہ ہزار سوارسن . اوہناں نوں اُس نے گڈیاں دے شہراں وچ تے بادشاہ دے کول یروشلیم وچ رکھیا ¹⁵ تے بادشاہ نے یروشلم وچ چاندی تے سونا وٹیاں وانگ کر دتا . تے دیو دار نوں گولر وانگ کردتا ۔ جیہڑا میداناں وچ ودھیک ہوندا اے ¹⁶ تے سلیمانؔ لئی مصرتوں تے کواتوں گھوڑے مُل لتے جاندے سن ۔ تے بادشاہ دے سوداگر کواتوں مل لیندے تے متھی ہوئی قیمت تے لیاندے سن ¹⁷ تے اوہ مصرتوں گڈی چھ سو مثقال چاندی دی تے گھوڑا اک سو پنجاہ وچ لیاندے سن . تے اینج ای اوہ اپنے ہتھاں نال حتیاں دے سارے بادشاہواں تے ا رام دے بادشاہواں لی لیاندے سن ¹⁶ تے سلیمانؔ لئی مصرتوں تے کواتوں گھوڑے مُل لتے جاندے سن ۔ تے بادشاہ دے سوداگر کواتوں مل لیندے تے متھی ہوئی قیمت تے لیاندے سن ¹⁷ تے اوہ مصرتوں گڈی چھ سو مثقال چاندی دی تے گھوڑا اک سو پنجاہ وچ لیاندے سن . تے اینج ای اوہ اپنے ہتھاں نال حتیاں دے سارے بادشاہواں تے ا رام دے بادشاہواں لی لیاندے سن