¹ تے سلیمان نے خداوند لئی گھر بناون تے اپنی بادشاہی لئی گھر بناون دا ارادہ کیتا ² تےسلیمان نے ستر ہزار مزدوراں تے پہا ڑ وچ اسی ہزار وٹے گھڑن آ لیاں نوں گِنیا۔ تےتن ہزار چھ سو آدمی اوہناں دے کم نوں ویکھن آلے سن ³ تے سلمان نے صور دے بادشاہ حیرام دے کول اکھوا بھیجیا۔ کہ جیویں توں میرے پیو دے نال کیتا . تے اوہنوں دیو دار گھلے تاں جو آوہ اپنے رہن لئی گھر بنا سکے ⁴ ۔ تے میرے نال وی توں انج ای کر . کیوں جو میں خداوند اپنے خدا دے ناں لئی اک گھر بنان لگا ہاں . تاں جو اوہنوں اوہدے لئی پاک کراں۔ تے اوہدے اگے مشک آلی بخور ساڑاں۔ تاں جو اوہ دائمی نذر دی روٹی لئی تے سبتاں تے نویں چناں تے خدا وند اپنے خدا دی عیداں وچ جیہڑیاں اسرائیل تے ہمیشہ لئی فرض نیں سویرے تے شام دی سوختنی قربانیاں دے لئی ہووے ⁵ ۔ تے جیہڑا گھر میں بنان آلا ہاں اوہ عظیم گھر اے ۔ کیوں جو ساڈا خدا سارے معبوداں کولوں ودھ کے وڈا اے ۔ ⁶ ۔ تے کس دی طاقت اے جو اوہدے لئی گھر اسارے ؟ جد کے افلاک سگوں فلک الافلاک وچ اوہدی تھاں نہیں ۔ تے میں کون ہاں جو اوہدے لئی گھر بناواں پر صرف ایس لئی کہ اوہدے اگے خوشبو ساڑاں ۔ ⁷ ۔ ہن توں میرے کول اک بندہ گھل جیہڑا سونے تے چاندی تے پتل تے لوہے تے ارغون تے قرمز تے بنفشی دے کم دا کاری گر ہووے ۔ تے اوہناں کاری گراں دے نال جو یہودہ تے یرو شلیم وچ میرے کول نیں جنہاں نوں میرے پیو دائود نے متھیا پُھل بوٹے بناون وچ ماہر ہووے ۔ ⁸ ۔ تے مینوں لبنان توں دیودار تے صنوبر تے صندل دے ڈنڈے گھل ۔ کیوں جو میں جاندا ہاں پئی تیرے خادم لبنان توں لکڑیاں کٹن دا ہنر جاندے نیں تے میرے نوکر تیرے خادماں دے نال ہون گے ۔ ⁹ ۔ تاں اوہ میرے لئی چوکھیاں شہتیراں تیار کرن ۔ کیوں جو میں جیہڑا گھر بنان آلا ہاں بڑا علی شان ہووے گا ۔ ¹⁰ ۔ تے میں اوہناں کٹن آلیاں نوں جیہڑے ڈنڈے کٹن گے تیرے خادماں دی خوراک ویہہ ہزار کُر کنک تے ویہہ ہزار کُر جو تے ویہہ ہزار بت مے تے ویہہ ہزار بت تیل دے دیاں گا ۔ ¹¹ ۔ تد صور دے بادشاہ حیرام نے بادشاہ سلیمان کول چھٹی گھل کے آکھیا ۔ پئی خدا وند نے اپنے لوکاں دے موہ کارن تینوں ایہناں تے بادشاہ بنایا ۔ ¹² ۔ تے حیرام نے آکھیا ۔ پئی خدا وند اسرائیل دا خدا اسمان تے زویں دا بنان آلا مبارک ہووے ۔ جنے دائود بادشاہ نوں اک سیانا معرفت آلا تے عقل مند پتر دتا ۔ تاں جو خدا وند لئی اک گھار تے اپنی بادشاہی لئی اک گھر بناوے ۔ ¹³ ۔ تے ہن میں تیرے کول حورام ابی اک کاری گر سیانا بندہ گھلیا اے ۔ ¹⁴ ۔ اوہ اوہناں دے پتراں وچوں اک زنانی دا پتر اے تے اوہدا پیو صور دا اک بندہ سی ۔ اوہ سونے تے چاندی پتل تے لوہے تے پتھر تے لکڑی تے ارغوانی تے فیروزی تے کتانی تے قرمزی تے پھل بوٹے بنان دی ساری کاری گری تے ہر اک چیز بنان دے کماں وچ ہوشیار اے ۔ کہ اوہ تیرے کاری گراں تے میرے آقا تیرے پیو دائود دے کاریگراں نال مقرر کیتا جاوے ۔ ¹⁵ ۔ تے ہن اوہ کنک تے جو تے تیل تے مے جنہاں بارے میرے آقا نے گل کیتی اے خادماں لئی گھلے جان ۔ ¹⁶ ۔ تے اسیں تیرے ساری لوڑ دے مطابق لبنان توں ڈنڈے کٹاں گے ۔ تے اسیں اوہناں دا بیڑہ بنوا کے سمندر دی راہ یافا وچ گھلاں گے تے توں اوہنوں یرشلیم وچ چکوا لے جانا ۔ ¹⁷ ۔ تے سلیمان نے اُس گنتری مگروں جیہڑی اوہدے پیو دائود نے کیتی سی ۔ اوہناں ساریاں پردیسیاں نوں گنیا جیہڑے اسرائیل دے دیس وچ سن ۔ تاں اوہ اک لکھ ترونجا ہزار چھ سو ہوئے ۔ ¹⁸ ۔ تاں اوہنے اوہناں وچوں ستر ہزار بھار چکن آلے تے اسی ہزار پہاڑاں وچوں پتھر کٹن آلے لتے تے اوہناں تے تن ہزار چھ سو نظر رکھن آلے مقر ر کیتے جیہڑے اوہناں لوکاں دے کم نوں ویکھن ۔ ¹⁷ ۔ تے سلیمان نے اُس گنتری مگروں جیہڑی اوہدے پیو دائود نے کیتی سی ۔ اوہناں ساریاں پردیسیاں نوں گنیا جیہڑے اسرائیل دے دیس وچ سن ۔ تاں اوہ اک لکھ ترونجا ہزار چھ سو ہوئے ۔ ¹⁸ ۔ تاں اوہنے اوہناں وچوں ستر ہزار بھار چکن آلے تے اسی ہزار پہاڑاں وچوں پتھر کٹن آلے لتے تے اوہناں تے تن ہزار چھ سو نظر رکھن آلے مقر ر کیتے جیہڑے اوہناں لوکاں دے کم نوں ویکھن ۔