1
تے فلسطینیؔ اسرائیلؔ نال لڑے تے اسرائیلؔ دے بندیاں اگوں فلسطینیؔ نَس گئے ۔ تے جلبوعؔ دے پہاڑ چہ قتل ہو کے ڈِگے ۔
2
تے فلسطینیاں ؔ نے ساؤل ؔ تے اوہدے پُتراں دا سختی نال پِچھا کیِتا ۔ تے فلسطینیاں ؔ نے ساؤل ؔ دے پُتراں یونتنؔ تے ابیندابؔ تے ملکیشوعؔ نُوں قتل کیِتا ۔ .
3
تے لڑائی دا زور ساؤل ؔ اُتے پیا ۔ تے تیِر چلان والیاں نے اوہنوں گھیر لیا تے اوہنوں پھَٹ لا دِتے ۔ .
4
۔تدھ ساؤل ؔ نے اَپنے ہتھیار چُکن والےنُوں آکھیا ۔ اپنی تلوار کڈھ تے مینؤں ایسے نال وینھ دے ۔ اینج ناں ہووے پئی ناپاک بندہ آ کے مینوں جانو ماردے ۔ تے معنے مار کے میرے اُتے ہسن ۔ پر اوہدے ہتھیا ر چُکن والا ناں منیا ۔ کیوں جو اوہ بوہت سہم گیا ۔ تدھ ساؤلؔ نے اپنی تلوار پھڑی تے اوہدے اُتے ڈِگا ۔
5
. جد اوہدے ہتھیار چُکن والے نے ویکھیا تے ساؤل ؔ مر گیا تے اوہ وی اپنی تلوار اُتے ڈگیا تے اوہدے نال ای مر گیا
6
. سو ساؤلؔ تے اوہدے تِنے پُتر تے اوہدا ہتھیار چُکن والا تے اوہدے سارے بندے اوسے دیہاڑے رَل کے مرے ۔
7
. ۔تے اسرائیلؔ دے بندیاں نے جیہڑے ایس وادی دی پرلے پاسے تے یردنؔ دے پار سَن ویکھیا پئی اسرائیلؔ دے بندے نَس گئے تے ساؤل ؔ تے اوہدے پُتر مر گئے ۔ تےاوہ اَپنے شہران نُوں چھَڈ کے نَس گئے ۔ تے فلسطینی ؔ آ کے اوہناں چہ وَس گئے ۔
8
. اگلے دیہاڑے فلسطینیؔ قتل ہوئیاں نُوں لُٹن آئے تے اوہناں نے ساؤلؔ تے اوہدے تِناں پُتراں نُوں جلبوعؔ تے مریاں ویکھیا ۔
9
. تدھ اوہناں نے اوہدا سِر کٹیا ۔ تے اوہدے ہتھیار لا کے فلسطینیاں ؔ دے دیس وِچ گھلت ۔ تاں جو اوہناں دے بُت خانیاں تے اوہناں دے لوکاں چہ سارے پاسے خُوشی دی خبر دِتی جاوے ۔
10
. تے اوہدے ہتھیاراں عِستارات ؔ دے مندر وِچ رکھیا تے اوہدی لاش بیت شانؔ دی کندھ تے لمکائی ۔
11
. یبیس جلعادؔ دے رہن والیاں نے سُنیا پئی فلسطینیاں ؔ نے ساؤلؔ نال کیہ کیِتا ؟
12
. تے اوہناں چوں سارے دلیر بندے اُٹھے تے ساری رات ٹُرے ۔ تے ساؤل ؔ دی لاش تے اوہدے پُتراں دیاں لاشاں نُوں بیت شانؔ دی کندھ توں لے لیا ۔ تے یہناں نُوں یبسؔ وِچ لیائے تے اوتھے ساڑ دِتا گیا ۔
13
. تے اوہناں دیاں ہڈیاں نُوں لے کے یبیس ؔ چہ اِک جھاؤ دے رُکھ دے ہیٹھاں دفنا دِتا ۔ تے سات دیہاڑے تیِک فاقہ کیِتا ۔