1
۔تے داؤُؔد نوبؔ وِچ اخیملک ؔ کاہن دے کول آیا ۔ تے اخیملک ؔ کمبدا ہویا ۔ داؤُؔد نُوں ملن آیا ۔ تے اوہنوں آکھیا ۔ پئی تُوں کیوں کلّاں ایں ؟ تے تیرے نال کوئی نئیں ۔
2
۔ تے داؤُؔد نے اخیملکؔ نُوں آکھیا ۔ پئی بادشاہ نے مینوں اِک کَم کرن دا حکم کیتا اے ۔ تے جیہڑا حُکم تینوں کرنا آں ۔ اوہدی کِسے نُوں سوُہ ناں لگے ۔ تے نوکراں نُوں میں فلانی تھاں تے بِٹھایا ۔
3
۔ تے ایس ویلے تیرے ہَتھ چہ کیہ اے ؟ مینوں پَنج روٹیاں دے ۔ یاں جو کُجھ تیرے کول اے ۔
4
۔ تے کاہن نے جواب چہ آکھیا ۔ تے داؤُؔد نُوں آکھیا ۔ پئی میرے کول عام روٹی نئیں ۔ پَر پاک روٹی اے ۔ شرط ے پئی اوہناں جواناں نے اَپنے آپ نُوں زنانیاں توں بچایا ہووے ۔
5
۔ تے داؤُؔد نے کاہن نُوں جواب دِتا۔ پئی کَل تےپرسوں ساڈے نکلن دے ویلے زنانیاں ساڈے توں دوُر ای رئیاں ۔ تے جواناں دے بھانڈے پاک سی ۔ بھاویں ساڈا پینڈا معمولی سی ۔ تے اَج ضرور بھانڈیاں چہ پاک ہووے گا ۔
6
۔ تے کاہن نے اوہنوں پاک روٹی دِتی۔ کیوں جو اوتھے ہور روٹی نئیں سی ۔ سوائے اوس روٹی دے جیہڑی خُداوند دے اَگوں چُکی گئی سی ۔ تاں جو چُکن دے دیہاڑے اوہدی تھاں تتی روٹی رکھی جائے ۔
7
۔ تے اوس دیہاڑے اوتھے ساؤلؔ دے خادماں چوں اِک بندہ خُداوند دے حضور رُکیا ہویا سی جیہدا ناں دوئیگ ادومی ؔ سی ۔ تے اوہ ساؤل ؔ دے ایالیاںچوں وڈا سی ۔
8
۔ تے داؤُؔ نے اخیملک ؔ نُوں آکھیا ۔ پئی کیہ تیرے کول کوئی برچھی یاں تلوار نئیں ؟ کیوں جو میں اَپنی تلوار تے اَپنے ہتھیار نئیں لیایا ۔ کیوں جو بادشاہ دا حُکم چھیتی کرن دا سی ۔
9
۔ تے کاہن نے آکھیا ۔ پئی ایتھے جُولیتؔ دی تلوار اے ۔ جیہنوں تُوں ایلہؔ دی وادی چہ قتل کیتا۔ تے اوہ لیڑے چہ ولیٹی ہوئی چوغے دے مگر پئی ہوئی اے ۔ جیکر تُوں چائیں تے لے سکنا ایں ۔ کیوں جو اوہدے سوا ایتھے کوئی نئیں اے ۔ داؤُؔ دنے آکھیا ۔ میرے لئی اوہدے ورگی کوئی ہے ای نئیں ۔ ایہو ای مینوں دے دے ۔
10
۔ تے داؤُد ؔ اُٹھیا ۔ تے اوسے ای دیہاڑے ساؤل ؔ اَگے نسیا۔ تے جات ؔ دے بادشاہ اکیسؔ کول آیا ۔
11
۔ اکیسؔ دی خادماں نے آکھیا ۔ کیہ ایہو داؤُدؔ دیس دا بادشاہ نئیں ۔ کیہ ایہدے بارے زنانیاں نے نچدیاں ہوئیاں ناں آکھیا پئی ساؤل ؔ نے مریا ہزاراں نُوں داؤُؔ نے ماریا لکھاں نُوں۔
12
۔ تےداؤُؔد نے ایہہ گَل اپے دِل چہ رکھی تے جاتؔ دے بادشاہ اکیس ؔ توں بوہت تبکیا۔
13
۔ تے اوہنے اوہناں دے اَگے اپنی شکل بدلی ۔ تے اَپنے آپ نُوں کملا بنایا ۔ تے پھاٹک دے بُہیاں تے کھروچن لگ پیا ۔ تے اپنا تھوک اپنی داڑھی تی وگان لگ پیا ۔
14
۔ تدھ اکیسؔ نے اپنے نوکر نُوں آکھیا ۔ تُسیں ویکھدے پئی ایہہ بندہ کملا اے ۔ تُسیں کیوں ایہنوں میرے کول لیائے او ؟
15
۔ کیہ ساڈے کملیاں دا گھاٹااے پئی تُسیں ایہنوں لیائے ۔ تاں جو میر اَگے کملیاں والے کم کرے ؟ کیہ اے بندہ میرے گھر وڑھے گا ۔