1
۔تے جیہدوں داؤُؔد نے ساؤلؔ نال گلاں کر لیاں ۔ یُونتن ؔ دا دِل داؤُؔد نال مِل گیا ۔ تے یُونتنؔ ایہدے نال اپنے وانگوں پیا ر کرن لگ پیا ۔
2
۔ تے اوس دیہاڑے ساؤلؔ نے داؤُؔد نُوں اپنےکول رکھیا ۔ تے اوہنوں اوہدے پیو دے گھر پِچھاں ناں جان دِتا ۔
3
۔ تے یونتنؔ نے داؤُؔد نال قول قرار کیِتا ۔ کیوں جو اوہ ایہنوں جان توں وددھ پیار کردا سی ۔
4
۔ تے یونتن ؔ دے جیہڑا اَپنے گَل چوغہ پایا سی تے داؤُدؔ نُوں زِرہ سنھّے دے دِتا ۔ ایتھوں تیِک پئی اپنی تلوار تے اپنی کمان تے اپنا کمر بند وی دے دِتا۔
5
۔ تے داؤُؔد نُوں ساؤلؔ جِتھے کِتے کلدا سی ۔ بڑی عقل نال کم کردا سی ۔ تے ساؤلؔ نے ایہنوں فوجاں دا سردار بنا دِتا ۔ تے اوہ سارے لوکاں تے ساؤل ؔ دےنوکراں نُوں چنگا لگ دا سی ۔
6
۔تے اینج ہویا ۔ جیہدوں د اؤُدؔ فلسطینیؔ نُوں قتل کرکے پرت رئیا سی ۔ تے اوہ سارے وی اوہدے نال آرئے سَن ۔ تے اسرائیلؔ دے سارے شہر دیاں زنانیاں باہر نکلیاں تے ساؤل ؔ بادشاہ دے اَگے گاندیاں تے خنجری وجاندیاں تے خوشی دے نعرے ماردیاں تے بانسلیاں دے نال نَچ نَچ کے اوہنوں عِزت دے رئیاں سَن۔
7
۔ تے زنانیاں کھیڈیاں ہوئیاںاینج گا رئیاں سَن ۔ ساؤلؔ نے ماریا ہزاراں نُوں داؤُد ؔ نے ماریا لکھاں نُوں ۔
8
۔ تے ساؤلؔ بوہت غُصے چہ آگیا ۔ تے ایہہ اوہدیاں نظراں چہ چنگی ناں لگی ۔ پئی ایہناں نے داؤُد ؔ دے لئی لکھاں آکھے تے میرے لئی ہزاراں ۔ سو ہُن بادشاہی دے سوا ہور ایہنوں کیہ مِلن والا پِچھے رہ گیا اے ۔
9
۔ تے ساؤلؔ اوس دیہاڑے توں لے کے تے اَگاں داؤُدؔ نُوں بھیڑی اکھاں نال ویکھن لگ پیا ۔
10
۔ تے دوُجے دیہاڑے اینج ہویا پئی خُدا وَلوں بُری روُح نے ساؤل ؔ نُوں پھڑیا لیا ۔تے اپنے گھر وِچ نبوت کرن لگ پیا تے داؤُؔد بربط وجاندا سی جِس طرحاں روز ای وجاندا سی ۔ تے ساؤلؔ دے ہَتھ وِچ برچھی سی ۔
11
۔ تے ساؤل ؔ ایہہ آکھ کے نیزہ سُٹن لگا پئی میں داؤُؔد نُوں کندھ وِچ ای گڈاں گا تے تے داؤُؔ د اوہدے اگوں دو واری پِچھاں ہَٹ گیا ۔
12
۔ تے ساؤلؔ داؤُؔد دی شکل توں تِبکیا ایس لئی پئی خداوند اوہدےنال سی ۔ تے ساؤلؔ داؤ ُؔد توں پِچھاں ہٹ گیا ۔
13
۔تدھ ساؤلؔ اوہدے نالوں وکھرا ہوگیا ۔ تے ہزار جواناں اُتے سردار بنایا تے ایہہ لوکاں دے اَگے جاندا آندا سی ۔
14
۔ تے داؤُؔ د اپنی ساریاں راہواں چہ بڑی عقل نال چلداسی ۔ تے خُداوند اوہدے نال سی ۔
15
۔ تے ساؤل ؔ نےویکھیاپئی ایہہ تے بڑا عقل والا اے ۔ تے اوہدی شکل توں تِبکن لگ پیا ۔
16
۔ تے سارا سرائیل ؔ تے یہوداؔ داؤُؔ نال پیار کردے سَن۔ کیوں اوہ ایہناں دے اَگے آؤندا جاندا سی ۔
17
۔ تدھ ساؤل ؔ نے داؤُؔد نُوں آکھیا ۔ ویکھ ایہہ میری وڈی دھی میربؔ اے ۔ میں ایہنوں تیرے نال ویاہ دیناں ۔ پر تُوں میرے لئی بہادر بن جا ۔تے خُدوند دی خاطر لڑ ۔ کیوں جو ساؤل ؔ کہندا سی ۔ میرے ہتھوں ایہنوں کُجھ ناں ہووے ۔ سگوں فلسطینیاں ؔ دا ہَتھ ایہدے اُتے آوے۔
18
۔ تے داؤُدؔ نے ساؤلؔ نُوں آکھیا ۔ میں کون آں ۔ تے میری جِند تے میرے پیو دا خاندان اسرائیلؔ وِچ کیہ اے؟ پئی میں بادشا ہ دا جوائی بناں ۔
19
۔ تے جیس ویلے ساؤلؔ دی دھی میربؔ داؤدؔ نال ویائی جان والی سی ۔تے عدری ایل محولاتی ؔ دے نال ویائی گئی ۔
20
۔ تے ساؤل ؔ دی دھی میکلؔ داؤُؔد نُوں پسند کردی سی ۔ تے ساؤلؔ نُوں سوُہ ملی۔ تے ایہہ گَل ساؤلؔ دیاں نظراں چہ چنگی لگی ۔
21
۔ تے ساؤل ؔ نے آکھیا ۔ میں اوہنوں تینوں ای دے دیواں گا۔ تے ایہہ ایہدے لئی پھاہی ہووے گی ۔ تےفلسطینیاں دا ہَتھ اوہدے وَل ودھےگی تے ساؤلؔ نے داؤُؔد نُوں آکھیا ۔دو گَلاں چہ توں اَج میرا جوائی بنیں گا ۔
22
۔ تے ساؤلؔ نے اپنے نوکراں نُوں حُکم کیتا ۔ پئی داؤُؔدنال اوہلے چہ گَل کَر۔ تے ایہہ آکھ پئی بادشاہ تیرے توں خوش اے تے اوہدے سارے نوکر تینوں پیار کردے نیں ۔سو تُوں بادشاہ دا جوائی بَن ۔
23
۔ سو جیہدوں ساؤلؔ دے نوکراں نےایہہ گَل داؤدؔ دے کنیں پائی ۔ تے داؤدؔ نے آکھیا ۔ کیہ بادشاہ دا جوائی بننا کوئی نِکی جیہی گَل اے ؟ جیہدوں کہ میں تے مسکین تے کُجھ وی نئیں۔
24
۔تے ساؤلؔ نُوں اوہدے نوکراں نے سوُہ دِتی تے دسیا داؤدؔ نے اینج آکھیا اے ۔
25
۔ ساؤلؔ نے آکھیا ۔ تُسیں داؤُؔد نُوں اینج آکھو پئی بادشاہ نُوں مِہر دی لوہڑ نئیں ۔ پَر اوہ بادشاہ دے وَیریاں توں انتقام لین لئی فلسطیاں دیاںسو کھلّاں منگ دا اے ۔ تے ساؤل دے دِل وِچسی پئی داؤُد ؔ نُوں فلسطینیاں ؔ دے ہَتھ پھڑوا دیواں ۔
26
۔ جیہدوں ساؤل ؔ دے نوکراں نے داؤُدؔ نوں ایس گل دی سوُہ دِتیتے داؤُؔد نُوں ایہہ گَل چنگی لگی ۔ پئی ایس طرحاں بادشاہ دا جوائی بناں ۔
27
۔ تے اَجے دیہاڑے پُورے نئیں ہوئے سَن ۔ پئی داؤدؔ اُٹھیا تے اوہ تے اوہدے بندے نال گئے تے فلسطینیاںؔ دے دو سو بندے مارے تے داؤُؔ د اوہناں دی کھّلاں لیایا۔ تے سارا کُجھ بادشاہ دے اَگے رکھ دِتا۔ تاں جو اوہدا جوئی بنے ۔ تدھ ساؤلؔ نے اپنی دھی میکل ؔ اوپدے نال ویاہ دِتی۔
28
۔ تے ساؤلؔ نے ویکھیا تے جانیا پئی خُداوند داؤدؔ دے نال اے ۔ تے ساؤل ؔ دی دھی میِکلؔ اوہنوں پسند کردی سی ۔
29
۔تے ساؤل ؔ داؤدؔ دے مُکھڑے توں بوہتا تِبکن لگ پیا ۔ تے ساؤل ؔ سدا تیِک داؤدؔ دا ویری رئیا۔
30
۔ تے فلسطینیاں ؔ دے سردار چلے گئے۔ تے اوہناں دے ٹُر جان وے ویلے توں داؤدؔ نے ساؤلؔ دے سارے نوکراں نالوںودھ عقل نال کم کیِتا تے اوہدا ناں بوہت پھیل گیا ۔