1
-تے داؤد بادشاہ نے ساری جماعت نوں آکھیا ۔خُدا نے بس میرے پُتر سُلیمان نُوں چُنیا اے۔جیہڑا چھوٹا تے کم دا تجربہ نئیں رکھدا تے کم وڈا اے ۔کیوں جو ہیکل انسان دے لئی نئیں ۔خداوند خُدا دے لئی اے۔
2
-تے میں اپنے پورےزور نال اپنے خُدا دے گھردےلئی سبھے کجھ تیار کیتا اے۔جو کجھ سونے دا ہووے گا۔اوہدے لئی سونا تے جو کجھ چاندی دا ہووے گا اوہدے لئی چاندی تے جو کجھ پیتل دا ہووے گا اوہدے لئی پیتل۔تے کجھ لوہے دا ہووے اوہدے لئی لوہا۔تے جو کجھ لکڑی دا ہووے گا اوہدے لئی لکڑی ۔سنگِ جزع دے نال
3
-تے فیر میرے خُدادے گھر لئی میری خواہش سی میں اپنے خاص مال چوں سونا تے چاندی اپنے خُدا دے گھر لئی دِتا ایہدے توں اَگے اوہ سبھ کجھ جیہڑا میں مُقدس مکان لئی تیار کِیتا ۔
4
-او فیرؔ دے سونے وچں تِن ہزار قنطار سونا تے چمکائی ہوئی چاندی سَت ہزار قنطار تاں چوں ہیکل دیاں کنداں تے جاڑھی جاوے۔
5
-سونا اوہد لئی جو سونے دا ہووے گا ۔تے چاندی اوہدے لئی جو چاندی دا ہووےگا۔ہر اِک کم جیہڑا کاریگر لوک کرن۔سو جیہڑا وی خوشی نال دیندا اے ۔اَج اپن اہتھ بھر کے خُداوند لئی لیائے۔
6
-تاں ۔جدی سرداراں تے اسرائیل دے قبیلیاں ؔ دے سرداراں تے ہزاراں تے سینکڑیاں دے سرداراں تے بادشا ہ دی مِلکیت دے حساب رکھن والیاں خوشی نال دِتا ۔
7
-تے خُدا دے گھر لئی پنج ہزار قنطار سونا تے دس ہزار درہم دس ہزار قنطار چاندی تے اٹھاراں ہزار پیتل تے اِک لَکھ قنطار لوہا دِتا ۔
8
-تے جنہاں کول منگے پتھر سَن۔اوہناں نےخداوند دے گھر دے مال خانے دے لئی یحی ایلؔ جیرسونیؔ دے ہتھ چہ دِتے ۔
9
-تد لوکی اپنی مرضی دے نال دین لئی خوش ہوئے ۔کیوں جو اوہناں پورے دِل نال خداوند لئی خوشی نال دِتا ۔تے داؤد بادشاہ وی بڑا خوش ہویا۔
10
-تے داؤد نے ساری جماعت دے اَگے خداوند نوں مبارک آکھیا۔تے داؤد بولیا۔اے خداوند ساڈے پیو اسرائیل دے خدا ۔تُوں سدا توں لے کے سدا تیک مبارک ایں۔
11
-اے خداوندوڈیائی تے قدرت بزرگی تے اختیار تے حشمت تیری اے۔ کیوں جو جیہڑا کجھ اَسمان چہ تے دھرتی تے ہےاوہو تیرا ای اے۔ میریا رَبا ! تخت تیرا ای اے ۔تُوں ای سب دا آُچا سردار ایں۔
12
-دولت تے عِزت تیرے ولوں آؤندیاں نے تے تُوں سبھناں تے حکومت کرنا ایں۔ تیرے ہتھ چہ زور تے قدرت اے۔ ہر شے دی وڈیائی تے زو تیرے ہتھ چہ اے۔
13
-تے ہُن اے ساڈیا خداوندا۔ایس تیرا شکر تے تیرے بزرگ ناں دی حمد کرنے آں۔
14
. پر میں کجھ آں تے میرے لوکی کیہہ نےایس اے شیواں خوشی نال دے سکیے۔کیوں جو سب شیواں تیرے وَلوں آؤندیاں نے تے تیرے ای ہتھ تے ساہنوں بخش دِتیاں نے۔
15
. کیوں جو اسیں ارے اپنے پیو دادے وانگوں تیرے اَگے پردیسی تے راہی آں تے ساڈے دِن زمین تے پرچھاویں وانگؤں نے تے ایناں توں چین نئیں۔
16
. اے خداوند ساڈے رَب ! ایہہ سبھے چوکھا سامان ،جیہڑا اساں تیار کِیتا اے ،تاں جو تیرے پاک ناں جوگی تیرے لئی گھر بنایئے ۔اوہ تیرے ای ہتھوں اے۔اے سبھ کجھ تیرا ای اے۔
17
. تے اے میرے رَب! میں جاندا ہاں پئی تُوں دِلاں نُوں آزماؤنا ایں۔ تے بھلیائی تَوں خوش ہوناںایں ۔تے میں اپنے دل دی بھلیائی نال ایہہ سبھے کجھ دِتا اے۔تے میں ایس ویلے سُکھ نال ویکھیا اے پئی تیرے لوک جیہڑے ایتھے حاضرنیں،تیرے جوگی خوشی نال دیندےنیں۔
18
. اے خداوند ساڈے پیو دا دا ابراہیم تے اضحاق تے اسرائیل دےرَب اپنے لوکاں دے دِلاں دے خیالاں وچ اوہنوں ہمیشاں رکھ۔تےاوہناں دے دِلاں نوں اپنے وَل پکا کر۔
19
. تے میرے پُتر سُلیمان نوں کامل دِل دے ۔تاں جو تیرے حکماں تے گوہیاں تے قانون نوں منے ۔تے اوہناں سبنھاں اُتے عمل ورتے ۔تے ہیکل نُوں بناوے ،جہدے جوگی میں تیار کِیتی اے۔
20
. تے داؤد نے سبھے منڈلی نُوں آکھیا ۔پئی خداوند اپنے رَب نُوں دھن آکھو۔تاں سبھے منڈلی نے خداوند تے بادشاہ مَتھا ٹیکیا ۔
21
. تے اوہناں نے خداوند جوگی ذبیحے ذبح کیتے ۔تے دُوجے دیہاڑے سویرے خداوند جوگی سوختنی قربانیاں چڑھائیاں ۔اِک ہزار ڈھگے تے اِک ہزار بھیڈوُتے اِک ہزار میمنے،اوہناں دے تپاون سنھےتے سبھے اسرائیل جوگی بہتیرے ذبیحے چاڑھے۔
22
. تے اوس دیہاڑے اوہناں نے ودھیری خوشی نال خداوند دے اَگے کھادا پیتا ۔تے داؤد بادشاہ دے پُتر سُلیمان نوں بادشاہ مِتھیا ۔تے اوہناں نے اوہنوں خداوند وَلوں حاکم ہَون تے صادوق کاہن ہون جوگی مَسح کیِتا ۔
23
. تد سُلیمان اپنے پیو داؤد دی تھاں خداوند دے تخت تے بادشاہ بن کے بیٹھا اے اُچا ہویا ۔تے سبھے اسرائیل نے اوہدی فرمانبرداری کِیتی ۔
24
. تے سبھے سرپنچ تے بہادر تے داؤد بادشاہ دے سبھے پُتر وی سُلیمان بادشاہ دے حُکم دے غُلام بنے۔
25
. تے خُداوند نے سُلیمان نُوں سبھے اسرائیل دی نِگاہ ۔وچ ودھیری وڈیائی دِتی تے شاہی دا اجی رعب اوہنوں دِتا پئی اوہدے تَوں اَگوں اسرائیل وچ کِسے بادشاہ دا نئیں سی
26
. یسی دے پُتر داؤد نے سبھے اسرائیل تے شاہی کیتی۔
27
. تے اسرائیل اُتے اوہدی شاہی کرن دے دیہاڑے چالیھ ورھے سَن۔اوہنے حبرون ؔ سَت ورھے تے یروشیلم ؔ وچ تیتی ورھے شاہی کیتی ۔
28
. فیر اوہ چنگی بُدھی عمر وچ موئیا ۔تے دیہاڑے تے دولت تے عزت نال بھر گیا ۔تے اوہدا پُتر سُلیمان اوہدی تھاں تے بادشاہ بنیا۔
29
. تے داؤد بادشاہ دے پہلے دے تے آکر دے کم ویکھو۔اوہ سیموئیل نبی دی تاریخ وچ تے ناتانؔ نبی دی تاریخ وچ تے جادؔ غیب بین دی تاریخ وچ۔
30
. اوس سبھے حکومت تے زور سنھے ،جیہڑے زمانے اوہدے اُتے تے اسرائیل اُٹے تے مُلکاں دی شاہیاں اُتے لنگھے لِکھے ہوئے نیں۔