1
-تے داؤ دنے اسرائیل دے سارے سرداراں یعنی قبیلیاںؔ دے سرداراں تے گروہوہاں دے سرداراں تے سینکڑیاں دیاں سرداراں تے بادشاہ دی ساری مَلکیت تے جائیداد دے مُختارکاراں تےاپنے ہجڑیاں تے سُرمیاں تے دلیر بندیاں نوں یروشلیم ؔ وچ کٹھیاں کِیتا۔
2
-تے بادشاہ اپنے پیراں تے کھلوتا تے بولیا۔اے میرے بھائیو تے اے میرے لوکو میری گل سُنو۔میرے دِل وچ سی ۔پئی خُداوند دے عہد دے صندوق لئی ٹکن دی تھاں تے اپنے خُدا دے قدماں لئی چوکی بناواں ۔تے میں اوہدے بنان لئی تیار کِیتی ۔
3
-پَر خدا نے مینوں آکھیا ۔تُوں میرے ناں لئی ھر نئیں بناویں گا۔کیوں جو تُوں جنگی بندہ ایں۔تے تُوں خُون وگایا اے۔
4
-تے فیر وی خداوند اسرائیل ؔ دے خُدا نے میرے پیو دے سارے ٹبر وچوں مینوں چُک لیا ۔تاں جو میں اسرائیل تے سدا لئی بادشاہ رہواں ۔کیوں جو اوہنے یہوداہ نوں حکمران ہون لئی چُگ لیا ۔تے یہوداہ دے ٹبر وچوں تے میرے پُتراں وچوں مینوں پسند کِیتا ۔تاں جو مینوں سارے اسرائیل دا بادشاہ بنائے ۔
5
-تے میرے سارے پُتراں (کیوں جو خُداوند نے مینوں بوہت پُتر بخشے نیں)میرے پُتر سُلیمان نوں چُک لیا ۔پئی اسرائیل ؔ وچ خداوند دی بادشاہی دے تخت تے بیٹھے ۔
6
-تے مینوں فرمایا ۔تیرا پُتر سُلیمان میرا گھر تے میری بارگاہواں بنائے گا۔کیوں جو میں اوہنوں اپنے لئی پُتر چُگیا ۔تے میںاوہدا پیوہوواں گا۔
7
-تے میں اوہدی بادشاہی نوں ہمیشاں تیک قائم رکھاں گا۔شرط ایہہ اے پئی اوہ میرے حُکماں تے میرے قوانین تے عمل کرن وچ قائم رہوے۔جینج پئی اَج دے دیہاڑے اے۔
8
-تے ہُن سارا اسرائیل یعنی خداوند دی جماعت دےآمنے سامنے تے ساڈے خُدا نوں سنُدیاں ہویاں ۔تُسی خُداوند اپنے خُدا دے سارے حُکماں نوں منوں ۔تے اوہناںنوں بھوتاں جو تُسی چنگے دیس دے وارث ہووؤ۔تے اپنے بعد اپنے پُتر اں لئی سدا دی میراث چھڈو۔
9
-تے تُوں اے میرے پُتر سُلیمان اپنے پیو دے خُدا نوں پہچان ۔تے کامل دِل نال تے دھیان دے روح نال اوہدی عبادت کر۔کیوں جو خُدا سارے دِلاں نُوں پرکھدا اے۔تے خیالاں دے سارے شک شبے جاندا اے۔پَر جے تُوں اوہنوں لبھیں تے پک تُوںپائی گا۔تے جے تُؤں اوہدا انکار کریں تے بنا شک سدا لئی تیرا انکار کرے گا۔
10
-تے ہُن عیکھ خُداوند نے تینوں چُگ لیا۔تآں جو تُوں مَقدِس لئی گھر اُساریں ۔سو پکا ہو تے اوہنوں کر۔
11
-فیر داؤد نے اپنے پُتر سُلیمان ؔ نوں برآمدے دا تے اوہدے مکاناں تے خزانیاں تے اندر دیاں کوٹھڑیاں تے رحم گاواں دے گھر دا نقشہ دِتا ۔
12
-تے اوس سب کجھ دا نقشہ جیہڑا اوہدے دِل وچ سی ۔خداوند دے گھر دی بارگاہواں دی ترتیب دا ۔تے اوہدے گرد دی ساریاں کوٹھڑیا ں دا تے خُدا دے گھر دے خزانیاں دا تے پاک کِیتے ہوئے خزانیاں دا۔
13
-تے کاہناں تے لاویاں دی تقسیم دا تے خداوند دے گھر دی خدمت ہر اِک کم دا تے خُداوند دے خدمت دے ساریاں بھانڈیاں دا۔
14
-تے ساریاں کماں دے بھانڈیاں لئی جیہڑے خدمت لئی سن چاندی تول کے دِتی ۔
15
-تے سیونے دے شمعدان تے سیونے دے دیوے ہر اِک شمعدان تے اوہدے دیویاں لئی سیونا تول کے دِتا ۔تے ایس طراں چاندی دے شمعداناں تے اوہناں دے تے اوہناں دے دیویاں لئی ہر اِک شمعدان لئی اوہدے حساب نال چاندی تول کے دِتی ۔
16
-تے نذر دی روٹی دیاں میزاں لئی میز میز سیونا تول کے تے چاندی دیاں میزاں لئی چاندی ۔
17
-تے پاسے دا سیونا سِیخاں تے پیالے تے سیونے دے تھالاں لئی ہر اِک تھال لئی تول کے۔تے چاندی دے تھالاں لئی تے ہر اِک تھال لئی چاندی تول کے ۔
18
-تے بخور دی قربان گاہ لئی خالص سونا وزن کر کے تے سیونا گڈ ی دی مثال یعنی کروبیاں نوں جہدے اپنے پَر بھیلائے ہوئے ۔خُداوند دے عہددے صندوق نوں پر چھاواں کر دے ہون۔
19
-ایہہ سرے یعنی ایس نمونے دے سارے کم جیہڑے خُداوند دے ہتھ نال لِکھے ہوئے مینوں سمجھائے گئے۔
20
-تے داؤد نے اپنے سُلیمان نوں آکھیا ۔پکا ہو ۔دلیر بن تے کم کر ۔مت ڈر نہ گھبرا۔کیوں جو خُداوند تیرا خُداتیرے نال اے ۔اوہ تینوں نہ چھڈے گا نہ تیرا انکار کرے گا ۔جدوں تیک خُداوند دے گھر دی خِدمت دا کم پورا نہ ہوجائے۔
21
-ایہہ کاہناں تے لاویاںدے گروہ تے خدا دے گھر دی سب خدمت لئی ساریاں کماں وچ تیرے نال نیں۔تے سردار تے سارے لوگ تیرے احکام دے تابع نیں۔