1
-تے ایس دے مگروں اینج ہویا پئی داؤد نے فلِستیاں نوں ماریا تے اوہناں نوں ڈھاء لیا۔تے فلِستیاںؔ دے ہتھوں جت تے اوہدے پنڈاں نوں کھؤ لیا۔
2
-تے اوہنے موآبیاں نُوں ماریا ۔تاں موآبی داؤد دے کمیں بنے تے اوہ خراج دین لگ پئے ۔
3
-تے داؤد نے حمات ؔ ولے صُوبہ دے بادشاہ ہَد د عاز ر نوں ماریا ۔جس ویلے پئی اوہ اپنی شاہی خرات دے دریا تیک ودھان جوگی گیا سی۔
4
-تے داؤد نے اوہدے توں اِک ہزار گڈیاں دے گھوڑیاں نو لنگڑا کیتا ۔تے اوہناں وچوں اوہنے سَو گڈیاں نوں اپنے جوگی بچا رکھیا۔
5
- تے دمشق تے ارامی صوبہ دے بادشاہ ہد عازر دی مدد نوں آئے ۔تے داؤد نے ارامیاں وِچوں بائی ہزار بندے قتل کِتے ۔
6
- تے داؤد نے دمشق دے ارام وچ راکھی فوج بہائی ۔تاں ارامی داؤد دے کمیں بنے تے اوہ خراج دین لگ پئے ۔تے خداوند نے داؤد دی ،جتھے کِتے وی اوہ گیا راکھی کیتی۔
7
-تے داؤد نے ہد د عازر دے کمِیاں دی سنہری ڈھالاں کھو لئیاں۔
8
- تے داؤد نے ہد عازر دے شہراں طبحت تے کون وچوں بتھیرا پِیل لے لیا ۔جہدے نال سلیمان نے پِتل دا بحیرہ تے تھم تے پِتل دے بھانڈے بنائے۔
9
-تے حماتؔ دے بادشاہ تاغو نے سُنیا ۔پئی داؤد نے صوبہ دے بادشاہ ہدد عازر دی سبھے فوج نوں ہر ا دِتا ۔
10
- تاں اوہنے اپنے پُتر ہدو رام نوں داؤد بادشاہ کول گھلیا ۔پئی اوہنوں سلام آکھے تے ودھائی دیوے ۔پئی اوہنے ہدد عازر نال جنگ کر کے اوہنوں ہرایا ۔کیوں جو ہد د عازر توعو نال لڑائیاں کردا سی ۔تے ہدد ورام نال سونے تے چاندی تے پِتل دے بھانڈے سن۔
11
- تے داؤد بادشاہ نے اوہناں نوں و ہ اوہدی چاندی تے سونے سنھے خداوند نوں وکھ ،کیتا جیہڑآ اوہنے سبھے قوماں اُدومیاں تے موآبیاں تے بنی عمون تے فلِستیاں تے عمالیقیاں کولوں کھو ئیا۔
12
-تے صرویہ دے پُتر ابی شائی نے لُون دی وادی وچ ادومیاں وِچوں اٹھاراں ہزار نوں قتل کیتا۔
13
-تے اوہنے ادوم وچ راکھی فوج بہائی ۔تاں سبھے ادومی داؤد دے کمیں بنے ۔تے خداوند نے داؤد دی راکھی کیتی ،جتھے کِتے اوہ گیا۔
14
-تاں داؤد سبھے اسرائیل دا بادشاہ ہویا ۔تے اپنے سبھے لوکان وچ نیاں کردا سی۔
15
-تے صرویہؔ دا پُتر یوآبؔ لشکر دا سر پنچ سی۔تے امی لُود دا پُتر یوشافاطؔ تاریخ لِکھن والا سی۔
16
-تے اخی طوب دا پُتر صادق تے ابی یاتار دا پُتر احی ملک کاہن سن۔ تے شوشا کاتِب سی۔
17
- تے یویاداو دا پُتر بنایاہ کریتیاں تے فلِستیاں ؔاُتے سی۔تے داؤد دے پُتر بادشاہ دے کول وڈے منصب دا ر سن۔