1
۔تے اسرائیل ؔ نے حبرون ؔ چہ داؤُؔد دے کول کٹھیاں ہو کےآکھیا ۔ ویکھ ! میں تیرا گوشت تے تیری ہڈی آں ۔
2
۔ کل دے دیہاڑے تے اوہدوں جیدوں ساؤل ؔ بادشاہ سی ۔ تے تُوں ای اسرائیلؔ نوں بنّے کھڑدا تے اندر لیاؤندا سی ۔ تے خداوند تیرے خدا ے تینوں فرمایا ۔ پئی تُوں سدی قوم اسرائیلؔ نُوں چاریں گا ۔ تے تُوں ساڈی قوم اسرائیلؔ دا حاکم ہوویں گا ۔
3
۔ تے اسرائیل ؔ سبھے وڈے وڈیرے بادشاہ دے کول حبرون ؔ چہ آئے تے داؤُدؔ نے حبرونؔ چہ خداوند دے نال عہد کیتا ۔ تے اوہناں نے داؤُدؔ مسّح کرکے اسرائیلؔ دا بادشاہ بنایا ۔ تے خُداوند دے قول دے مطابق جیہڑا اوہنے سیموئیل ؔ دی زبانی فرمایا سی ۔
4
۔ تے داؤُدؔ نے اوہدے سبھے ساتھی یروشلیم ؔ نوں گئے ۔ جیدھا ناں یبوسیؔ سی ۔ جِتھوں دے یبوسیؔ اوس دیس دے رہن والے سَن ۔
5
۔ تے یبوسی ؔ دے رہن والیاں نے داؤُد ؔ آکھیا پئی تُوں ایتھے وڑھ نئیں سکدا ۔ تدھ داؤُدؔ نے صیونؔ دا قلعہ کھولیا تے اوہو ای داؤُد ؔ دا شہر اے ۔
6
۔ تے داؤُدؔ نے آکھیا ! جیہڑا وی یبوسیاں ؔ نوں قتل کرے گا اوہو سردار حاکم ہووے گا ۔ تدھ پہلاں مروکہ ؔ دےپُتر یوآبؔ نے چڑھائی کیتی تے سردار ہوئیا ۔
7
۔ تے داؤُدؔ قلعے چہ رہن لگ پیا ۔ تے ایس پاروں اوہدا ناں داؤُدؔ دا شہر پے گیا۔
8
۔ تے اوہنے شہر دے دوالے شہر بنایا ۔ ملوؔ توں لے کے جیہڑا دوالے آ۔ تے یوآبؔ نے باقی شہر دی مرمت کیتی ۔
9
۔ تے داؤُدؔ دی وڈیائی وودھی گئی ۔ تے فوجاں دا ربّ اوہدے نال سی ۔
10
۔ تے شہہ زور سردار داؤُؔد وَل سَن ۔ ایہہ نے ،جیہناں نے بادشاہی دے پاروں تمام اسرائیل ؔ تے نال اوہدا ہَتھ ونڈایا ۔ تان جو اوہنوں بادشاہ بنان ۔ اوس کلام دے مطابق جیہڑا خُداوند نے اسرائیلؔ دے حق چہ فرمایا سی ۔
11
۔ تے داؤُؔد دے شہہ زوراں دا ویر وا ایہہ اے ۔ حَکمُونی ؔ دے پُتر یسبعام ؔ تِن سپہ سالاراں چوں پہلا ۔ اوہنے تِن سو تے نیزہ چلایا تے اِک ای حملے چہ اوہناں نوں قتل کیتا ۔
12
۔ اوہدے مگروں دو دو احوحی ؔ دا پُتر الیعزر ؔ جیہڑا تِن شہہ زوران وچوں اِک سی ۔
13
۔ اوہو داؤُؔد دے نال فِس دمیم ؔ چہ سی ۔ جیہدوں اوتھے فلستی ؔلڑائی لئی کٹھے ہوئے سَن۔ تے اوتھے اِک پَیلی دے ٹوٹے چہ جیہڑا جَو دا مال بھریا سی ۔ تے لوک فلستیاں دے اَگے لگ کے بھجے سَن ۔
14
۔ تے اوہ پَیلی چہ کھلوتا تے اوہدی راکھی کیتی ۔ تے فلستیان نُوں ماریا تے خُداوند نے اوہنون بڑی قیِمت بخشی ۔
15
۔ تے تریاں چوں تِن وڈے رُتبے والے چٹان دے وَلّ دے کول عدامؔ دی لِتھائی چہ گئے ۔ تے فلستیاں ؔ دے اِک ٹولے نے رفائیم ؔ دی وادی چہ ڈیرہ لایا ہویا سی ۔
16
۔ تے داوُدؔ اوس ویلے قِلعے چہ سی ۔ تے فلستیاں دی چوکی بیت لحم ؔ چہ سی ۔
17
۔ تے داؤُؔد نے خواہش کیتی پئی بیت لحمؔ دے اوس کھوہ توں جیہڑا پھاتک دے کول اے مینون پانی پیا ئے ۔
18
۔ تدھ اوہناں تِن شہ زوراں نے فلستیاں ؔ دا گھیرا توڑیا تے بیت لحم ؔ اوس کھوہ توں پھاٹک دے کول اے پانی بھریا تے اوہنون لے کے داؤُدؔ کول آئے ۔ پر داؤُدؔ نے اوہنوں ناں پیتا ۔ سگوں اوہنون خُداوند دے لئی ڈول دِتا ۔
19
۔ تے آکھیا پئی ادھی جان دے مُل چہ پیاں ۔ کیوں جو اوہو جان دی بازی لا کے ایہہ لیائے نیں ۔ تے ایسلئی اوہنے اوہنوں پیِنا ناں چائیا۔ ایہہ اوہ کم نیں جیہڑے اوہناں تِناں شہہ زوراں نے کیِتے سَن۔
20
۔ فیر یوآبؔ دے بھرا ابی شےؔ تِناں دا سردار سی ۔ اوہنے تِن سو تے نیزہ چلایا تے اوہناں نوں قتل کیتا ۔ تے اوہو ایہنان تِناں چوں بُہتے ناں والا تے مشہور سی ۔
21
۔ اوہناں دا سردار ہویا ۔ ہر پہلے تِناں دے درجے تیِک ناں اپڑیا ۔
22
۔ فیر یہویدعؔ دا پُتر بنایاہؔ اِک قبضیلیؔ سُورمے دا پُتر سی ۔ جیہنے وڈے وڈے کم کیتے ۔ اوہنے اری ایل ؔ موآبیؔ دے دو پُتر مارے ۔ نالے برف دی رُت چی اِک شیر نُوں ماریا۔
23
۔ تے اوہنے اِک مِصریؔ نوں جانوں ماریا جیہڑا پنج ہَتھ لما سی ۔ تے مصریؔ ہَتھ وِچ اِک نیزہ جلاہیاں دی گیلی وانگر دا سی ۔ اوہو سوٹی لے کے اوہدے وَل ہویا تے مصریؔ دے ہتھوں نیزہ کھو لیا تے اوہدے نیزے نال ای اوہنوں جانوں مُکا دَتا ۔
24
۔ ایہہ اوہ کم نیں جیہڑے یہو یدعؔ دے پُتر بنایاہ ؔ نے کیتے تے اوہو تِناں سورمیاں چوں بُہتے ناں والا سی ۔
25
۔ اوہ اوہناں تِناں چوں ناں والا سی ۔ پر پہلے دے درجے تیِک ناں اَپڑیا تے داؤُدؔ نوں اوہنوں اپنے اُچیچے را کھیاں تے مُقرر کیتا ۔
26
۔ تے لشکراں دے سورما ایہہ سَن۔ یوآبؔ دا پُتر عساہیلؔ تے بیت لحمیؔ داؤُدؔ دا پُتر الحنان ؔ ۔
27
۔ تے سمّوتؔ ہروریؔ۔ خلس فلونی ؔ ۔
28
۔ تقوعی ؔ عقیس ؔ دا پُتر عیراؔ ۔ ابی عزر ؔ عنتُونی ۔
29
۔ سِبّکی ؔ خوسانی ۔ عیلیؔ اخوسی ؔ۔
30
۔ میری نطوفاتی ؔ ۔ بعنہ ؔ نطو فاتیؔ دا پُتر دَلدؔ ۔
31
۔ بنی بنیمینؔ دے جبعہؔ دے رَبیّ دا پُتر بنایاہ ؔ فرعاتونی ۔
32
۔ جعسیؔ دیان ندیاں دا رہن والا خوریؔ ۔ ابی ایل عربانی ؔ ۔
33
۔ عزماوت ؔ بحرومیؔ ۔ ؒالیحبا ؔ سعلبونی ؔ۔
34
۔ بنی ہشعیم خزونی ۔ ہراریؔ شحی ؔ دا پُتر یونتن ؔ۔
35
۔ تے ہراری ؔ سکار ؔ دا پُتر اخی آم ؔ ۔ اوُر ؔ دا پُتر اِلفال ؔ
36
۔ حفر میکرانی ؔ ۔ اَخیاہ فلونی ؔ
37
۔ ازبی ؔ دا پُتر حصرو کرملیؔ نفری ؔ
38
۔ ناتن ؔ دا بھریُوایل ؔ ۔ ہاجری ؔدا پُترمِخبار
39
۔ صِلقؔ عمونی ؔ ۔ نحری بیروتی ؔ جیہڑا ضرویاہ ؔ دے پُتر یُوآب ؔ دے ہتھیاراں دا راکھا سی ۔
40
۔ عیرا اِتری ؔ۔ جریب اِتری ۔
41
۔ اوریاہ حتی ؔ ۔ اِخلی دا پُتر زید ؔ
42
۔ سیزا ؔ روبینی ؔ دا پُتر ۔ عَدینہ ؔ روبینیاں ؔ دا اِک سردار جیہدے نال تیہہ جوان سَن ۔
43
۔ معکہؔ دا پُتر حنانؔ ۔ یُسفط ؔ مِتنی ۔
44
۔ عزیا ؔ عستاراتی ؔ ۔ خُوتام ؔ ۔عروعیریؔ دے پُتر سماعؔ تے یعی ایل ؔ ۔
45
۔ سمریؔ دا پُتر یدیع ایلؔ تے اوہدا بھرا یُوخا تیعی ؔ
46
۔ الی ایل محاویؔ تے اَلنعم ؔ دے پُتر یر یبی ؔ تے یو ساویاہ ؔ تے یتمہؔ موآبیؔ
47
۔ الی ایلؔ تے عوبیدؔ تے یعسی ایلؔ مضوبائی ؔ