¹ -تے فلِستیاں ؔنے اسرائیل نال جنگ کیتی ۔تے اسرائیلؔ دے بندے فلِستیاں دے اَگے نسے۔جلبوعؔ دے پہاڑ وچ قتل ہو کے ڈِگے۔ ² -تے فلِستیاں ؔنے ساؤل دے پُتراں یوناتان تے ابی ناداب تے مُلکی شوع نوں قتل کیتا۔ ³ -تے لڑائی دا وادھا ساؤل تے آن ڈِگا۔ تاں تیر چلاؤن والیاں نے اوہنوں جا پھڑیا ۔تے تیراں نال اوہنوں پھٹڑ کر دِتا۔ ⁴ -تد ساؤل نے اپنے جنگی جون نوں آکھیا پئی اپنی تلوار کِھچ تے مینوںونھ چھڈ ۔تاں جو ایہہ نا ہووے پئی ایہہ نا مختون آؤن تے مینوں قتل کرن ۔تے مینوں میہنا مار کے چھڈ کرن ۔پر او سجنگی جوان نے ناں کر دِتی ۔کیوں جو اوہ ڈاہڈا ڈر گیا سی۔تد ساؤل نے اپنی تلوار پھڑی تے اوہدے آُتے ڈِگ پیا ۔ ⁵ -جد اوہدے جنگی جوان نے ویکھیا پئی ساؤل مر گیا ،تاں اوہ وی اپنی تلوار تے ڈِگ پیا تے اوہدے نال ای مر گیا۔ ⁶ -اینج ساؤل تے اوہدے تَرے پُتر اپنےسبھے گھرانے سنہے مر گئے۔ ⁷ -تے اسرائیلؔ دے سبھے بندیاں تے جیہڑے وادی وچ سن،ویکھیاپئی اوہ نس گئے ،تے پئی ساؤل تے اوہدے پُتر مر گئے تاں اوہناں نے اپنے شہراں نوں خالی کیتا تے نس وگے۔تد فلِستی آئے تے اوہناں وچ وس گئے ۔ ⁸ -تے دوجے دیہاڑ ے فلؐستیؔ موئیاں نُوں لُٹن آئے ۔تاں اوہناں نے ساؤل تے پُتراں نوں جلبوع ؔ دے دیہاڑے تے پئے ویکھیا۔ ⁹ -تاں اوہناں نے اوہنوں لُٹیاتے اوہدا سِر وڈ کے اوہدے ہتھیار پھڑ لئے تے اوہناں نوں فلِستیاں ؔ دے دیس وچ گھلا دِتا ۔تاں جو ہر اِک پاسے اوہناں دے بُتاں دے منداراں وچ تے لوکاں وچ خوشی دی خبر دِتی جاوے ۔ ¹⁰ - تے اوہنان نے اوہدے ہتھیاران نوں اپنے معبوداں دے مندر وچ چھڑھایا تے اوہدا سِر دجونؔدے مندر وِچ لمکا دِتا ¹¹ -جدؔیا بلیشؔ جلعاد دے رہن والیاں نے اوہ سبھ کجھ سُنیا جیہڑا فلِستیاں نے ساؤل نال کیتا ۔ ¹² -تاں سبھے بہادر بندے اُٹھ کھلوتے تے ساؤل دی لاش تے اوہدے پُتراں دی لاشاں چُکیاں تے اوہناں نوں یا بیش وچ لیائے۔تے اوہناں دِیاں ہڈیان نوں بلوط ؔدے تھلے یا بیش وچ دبیا ۔تے سَت دیہاڑے روزہ رکھیا۔ ¹³ -تے ساؤل اپنے گناہ دے پاروں مر گیا ،جیہڑا اوہنے خداوند دے برخلاف تے خداوند دے کلام دے برخلاف کیتا سی جنہوں اوہنے ناں منیا ۔تے ایس لئی وی پئی اوہنے اِک جادو گیرنی نُون لبھیا۔ ¹⁴ -تے خداوندکولوں مدد نا لئی ۔تاں اپنے اوہنوں جانوں ماریا ۔تے شاہی یسیؔ دے پُتر دے ہتھ حوالے کیتی۔