1
۱۔اُوے نافرمان اَن پلیت اَن ظُلمی شہر تے ݙکھ۔
2
۲۔اُوے کہیو کونی منیو۔اَن عزت نا کونی منیو۔اَن پرمیشور تے بھروسو کونی کریو اَن آپ رے ایشور رے نیڑہ کونی آیا۔
3
۳۔اُوے را موٹڑاہ اُوے میں گجعن آݪا شیر ہے۔اُوے را پنچ آتھن ری نکلن آݪے نہاراں آݪی کر ہے جکو خاکلے تک کئی کونی راکھتا۔
4
۴۔اُوے را سنت کُوڑا اِن دا خور ہے۔ اُوے را پُوجاری پویتر نا ناپویتر کری اِن دھرم نا بٹ ڈیوی۔
5
۵۔ اُوا میں پرمیشور ائ خچو ہے۔ اُو بُرائی کونی کرتو۔ اُو خاکلے ری آپ ری قدرت بتالی اِن کڈے وی دیر کونی کرتو اُوے میں کوئی بُرائی کونی۔
6
۶۔ ہوں قوماں نا تباہ کریو رو ۔ اُوئاں را قلعہ تباہ کریا گیا ہے۔ہوں اُوئاں رے شہراں نا اُوجاڑیا را ۔ اتی تک کہ اُوتھے خاں کوئی کونی لنگھتو۔ اُوئاں را شہر اُجڑیا را اُوئاں میں نی کوئی منکھ ہے، اَن نی جی کوئی رہوتو رئی۔
7
۷۔میں کہیو کہ متاں تو میں خاں ٻہیہے اَن علم حاصل کرے تُو اُوئاں آری کر جکو میں اوئاں رے خارو راکھیو ہتو اُوئاں ری جگہ کھوخی کونی جاوے پڹ اُوئاں اُٻھال کر تے آپ رو مارگ خراب کر ݙنو۔
8
۸۔ہمے مھارے انتظار میں رہو۔پرمیشور رو کہیڹ ہے اُوئے ݙن تک ہوں گواہی رے خارو اُٹھیخ کیانکہ مھاری گلتی ایہ ہے کہ ہوں قوماں ںا بھیݪہ کراں اَن مُالکھاں نا ݙاں ایئے رے خارو کہ آپرو کاݪ نا پوری شدت خاں اُوئاں تے نازل کراں، کیانکہ مھاری عبرت ری باخݙے خاری دھرتی نا کھا جاخے ری۔
9
۹۔ عتبار کرو اُوئے ݙن ہوں قوم را ہوٹھ پویتر کر ݙائیخ، ایئے رے خارو کہ اُو خارا را خارا پرمیشور رو ناں لیے۔ اَن ہیک تھی تے اُوئے رے بھگتی کریے۔
10
۱۰۔ کوش ری نہرں رے پار خاں مانجے عابد یعانی مانجی روڑاڹ ارای قوم مانجے خارو ہدیو لاخے۔
11
۱۱۔اُوئے ݙن تناں کئی وی ایڑھے کام رے کرے جکے خاں تو شرمندہ نی ہووڹو پڑخے کیانکے ہوں اُوئے گھڑی تھاں میں خاں پھُلکاں نا کاڈھ ݙئیخ۔ اَن تو پچھے مھارے مقدس پہاڑ تے ماڹ کونی کرے۔
12
۱۲۔ہوں تھاں میں چھڑو غریب اَن شریف منکھاں نا جی رہڹ ݙئیخ۔
13
۱۳۔ اَن اسرائیل را باقی پرمیشور رے ناں تے وشواس راکھخے۔ اَن اُوئے خاں پچھے او بُرائی کونی کرے۔ اَن نی جی کُوٹ ٻولخے، اَن نی جی اُوئے رے مھانݙے میں کوئی بُرائی ہوخے۔ نی کھاخے چھڑو خوتا جی رہیخے اَن کوئی کونی ہووے جکو اُوئاں نا ٻہاݪے۔
14
۱۴۔اے ݙیکری صیہون گیت گا۔
اے اسرائیل تُو ڑڑے کر۔
اے ݙیکری یروشلم آپ رے خارے دل خا خُوشی کر اَن جھومراں رُم۔
15
۱۵۔ پرمیشور تہ تے آون آݪے ݙُکھ نا ٹاݪیو رو۔
اُوے تاجے دُشمن نا کاݙھیو رو ۔
پرمیشور اسرائیل رو بادشاہ تے بھیݪو ہے
تُو بݪے ݙُکھ نا کونی جووے۔
16
۱۶۔ اُوے ݙن یروشلم نا کہیو جا خے۔
کہ اے صیہون ٻیہی نی ۔
تاجا ہاتھ ݙھیلا نی ہو وے۔
17
۱۷۔پرمیشور تاجو ایشور تے بھیݪو ہے۔
اَن اُوئے میں طاقت ہے کہ مگتی ݙے۔
او تے خاں راجی ہو اَن رَڑے کرخے۔
او چُپکے چُپکے پریم کرخے۔
اُو عید آݪے ݙن راجی ہو اَن تے خارو جھومراں رُمئخے ۔
18
۱۸۔جکو تنا نقصان ݙیتا ہتا ہوں اُواں نا تے خاں دُور کریخ۔
اُو تے ماتھے وزن اَن بےعزتی آݪا ہتا۔
19
۱۹۔جو جکو تے ماتھے ظلم کرتا ہتا ۔
ایے ݙن ہوں اُواں خاراں نا تباہ کریخ رو۔
ہوں اُواں نا جکو منڈکاتی ہتی بچایخ ۔
ہوں اُواں نا جکو لُوکائے گئے ہتے خامنے لائخ
اَن جتھے کھتے جگ میں بے عزتے ہوئے ہتے۔
ہوں اُواں نا عزت آݪے اَن موٹے ناں آݪے کریخ۔
20
۲۰۔ اُوے بݪا ہوں تھاناں خمجھائیخ۔
اُوے بݪا ہوں تھاناں ݙئیخ ۔
کیانکہ جڈے ہوں تھارے جووتے جووتے تھاری قسمت بدل ݙیخ رو۔
تو تھاناں قوماں رے جگ میں ناں آݪا اَن عزت آݪا بنائیخ۔
پرمیشور رو کہون ہے۔