1
۱۔اے بےحیا قوم خامݨے آ خامݨے آ۔
2
۲۔ایئے خاں پہل کہ تھاں بھُو آݪی کار تھی جاؤ ایئے خاں پہل کہ پرمیشور رو گھݨو قہر تھاں ماتھے آوئے۔ ائیے خاں پہلی کہ پرمیشور ری ریخ آݪو ݙن تھاں ماتھے آ پُگے۔
3
۳۔ ائے دھرتی رے خارے بھلے منکھاں پرمیشور را طلب رہو۔ تھاں جکو اُوئے رے مارگ تے بہئیی خچائی ناجووو اَن رحم دلی نا لابھو۔ متاں پرمیشور آپرے رئیخ آݪے ݙن تھاں تے رحم کرے رو۔
4
۴۔ ہاوئے غزہ نا چھوڑیو جاخے اَن اشقلون اُجڑ جاخے رو اَن اشدُود ݙیپار رو کاڈھیو جاخے اَن عقرو مُنݙ خاں کاڈھیو جاخے۔
5
۵۔ تھاں ماتھے ݙکھ دریا تے رہݨ آݪا اے کریتیاں ری قوم پرمیشور رو وچن تھارے خلاف ہے۔ اے کنعان اے فلسطینیاں ری دھرتی ہوں تناں تبھا کرئیخ ری اتری تک کہ کوئی رہوݨ آݪو باقی کونی رہوئے۔
6
۶۔اَن کریت رو کنارے ہریاول ہوخے جکے میں اُو ہریاول رے جھونپڑے اَن بھیݙَاں باڑے ہوخے۔
7
۷۔اوجی کنارو یہودا رے گھراݨے رے باقیاں رے خارو ہوخے او اُتھ چراخے اَن شام ری بݪہ اشقلون رے گھراں میں آرام کرخے کیان٘کے پرمیشور اُوئاں رو ایشور سزاݙیوݨ رے باد اُوئاں ری قسمت بدلخے۔
8
۸۔ میں موآب ری ملامت کی اَن بنی عمون ری چخلی خُݨی ہے۔ اُوئاں مھاری قوم ری ملامت کی ہے اَن اُوئاں ری حداں نا کھوخیا را۔
9
۹۔ ایئے رے خارو مھاری زندگی رو خانخ قدرت آݪے ایشور رو کہیݨ ہے کہ موآب سدُوم آݪی کار ہوخے، اَن بنی عمون عُمورہ آݪی کار ہوخے او خارستان اَن لُوݨ ری کھاݨ اَن خداں رے خارو پدھر تھی جاخے۔مھاری قوم را باقی اُوئاں نا لوٹخے۔ مھاری قوم را باقی اُوئاں را مالک ہوخے۔
10
۱۰۔ ایہ خارو اُوئاں ری بݙائی رو صلو ہے ایئے رے خارو کہ اُوئاں قدرت آݪے ایشور ری قوم ری ملامت کی ہے اَن اُوئاں خاں بݙائی خاں پیش آیا ہے۔
11
۱۱۔ پرمیشور اُوئاں رے خارو کاݪ آݪو ہوخے اَن دھرتی رے خارے بھگواناں نا تباہ کرخے را۔ اَن قوماں رے گاواں را خارا منکھ آپ آپ ری جگہ میں اُوئے نا سجدہ کرخے۔
12
۱۲۔اَن تھاں وی ائیے کُوشیاں مھاری تلوار خاں مَر جاخو۔
13
۱۳۔ اَن اُو آپرو ہاتھ ݙکھݨ آݪے پاخے بدھاخے اَن اشور نا تباہ کر ݙخے رو اَن نینوا نا اجاڑ اَن پدھر آݪی کار خُکو ݙخے۔
14
۱۴۔ اُوئے میں خاراں جناور رہخے۔ اَن حواصل اَن خار پشت اُوئے رے تھانبھا آݪی کار رہخے۔ کوچری دَری میں اَن ہاݙو دَر تے ٻولخے۔ کیان٘کے دیودار رو چھلڑ اُتاریو گیو ہے۔
15
۱۵۔ ایہ او مبارک شہار ہے جکو سکون میں ہَتو۔ جکو آپرے من میں کہتو ہَتو کہ ہوں جی ہاں میں خاں ٹاݪ کوئی کونی ۔ اُو کہڑو اُجڑ گیو رو۔ جناوراں رے ٻیخݨ ری جگہ جکو وی کوئی اُوئے رے کݙھے خاں لنگھخے آپرےناک نا جھال جاخے۔