1
۱۔ تبِریُس قَیصِر رِی حُکومت رے پندرھویں برخ خاں جݙے پُنِطسُ پیِلاطُس یہُودا رو ملک ہو تو آن ہیروِدیس گِلیل رو حاکم ہتو۔ آن اُوے رو بھائی فلپُس توریہ آن ترخونیِس رِے علاقے رو حاکم ہتو۔آن لِسانیاں اَبلِینے رو حاکم ہتو۔
2
۲۔کاہن اِعظم حناہ آن کائفِا رِے وقت ایِشور رو پوتر شِاستر خُنُخاں میں زکرَیا رِے ݙیکرے یوحنا تے نازل ہوو۔
3
۳۔ آن او اِردن رِے چِود ھاری جا تے گناہواں ری معافی رِے خاروں توبہ رِے بپتسمہ رو پرچار کرڹ لاگو۔
4
۴۔ جیکڹ یِسعَیاہ خنت رِی کتاب میں لکھیوڑو ہے۔ ٻوݪن آݪے رِی آواز خُنخُاں میں اِیشور رو مارگ تیار کرو۔ آوے رو مارگ خیدھو بڹاو۔
5
۵۔ ہر ایک گھٹی بھر ݙینہی جاوے آن ہر ایک پہاڑ تے ٹیلہ ہیٹھا کریا جاوے۔ جکو آنٹو ہے او خِدھو ہوو آن جکو مارگ ٹھیک کونی او کریو جاخے۔
6
۶۔آن ہر منکھ اِیشور رِی مُگتی جوخے۔
7
۷۔پڹ او منکھ اُوے خاں بپتِسمہ لیوڹ نخر آتا۔آن او اُواں نا کہتو اِے لنُڈ رِی اُولاد تھا ناں کہ کہیو کہ آوڹ آݪے ݙکھ خاں بِھجُو۔
8
۸۔ پڹ تَوبہ رِے مُطابق پھݪ لاو آن اِے کہوڹ رِی ہمت نی کرو کہ ابَراہم مھارو ٻَا پ ہے۔ کیاں کہ ہوں تھاں خاں کہیں پیو کہ اِیشور ابرَاہم رِے خاروں ایے پتھراں خاں اوُلاد پیدا کر خگئی۔
9
۹۔ ہمیں تو بڹ اں رِی جڑتے کوہاڑی راکھا پڹ جوکو بڹ پھل کونی لاتو اُو نا باڈہو رو باخڈھے میں ناخیو جاخے۔
10
۱۰۔ منکھاں اُوے خاں پوچھ تے کہیوپِچھے مھیں کی کر جے؟
11
۱۱۔اُوے جواَب میں اُواں خاں کہیوکہ جکے کو ڈھیا ٻے چوݪہ ہوئے اُو اوُے ناں ݙے جکے کُوڈھیا کونی اُو جکے کُوڈھیا کھِاون رِی چیز ہوئے اُوبھی اِیاں کرے۔
12
۱۲۔ آن چُونگی آݪہ وِی بپتسمہ لݪ آیا آن اُواں کہیو کہ گرُو مھیں کی کرجے۔
13
۱۳۔اُوے اوُاں خاں کہیو۔جکو تھا رِے خاروں مقرر ہے اُوے خاں گھنڑو نی لو۔
14
۱۴۔ آن خیُپایاں وی اُوے خاں پوچھیو کہ مھیں کی کر جے۔ اُوے اُواں نا کہیو کہ نی کہیں تے کاہر نی کہیں خاں ناحق کرو۔آن آپری تنُخواہ تے گزارو کرو۔
15
۱۵۔ آن جݙے لوُکاں ناں موٹی اُمید ہون لاگی آن خارا آپ رِے دل میں یوُحنا رِے بارے میں خُوچن لاگا کہ شایِد اِے ہی مِسیح ہے۔
16
۱۶۔تو یوُحنا جواب میں اوُاں خاں کہیو کہ ہوں تھانا پاڹی خاں بیِتسمہ ݙہی پڹ میں خاں وِی ایک طاقت آݪو ہے۔ جکے رِی جوتی رِی ہوں تخُمو کُھولڹ رِے بھی لایق کونی۔او تھاناں پوتر آتما خاں بیتِسمہ ݙخے۔
17
۱۷۔ اُوے رو چھاجڑو اِوے رِے ہاتھ میں ہے۔آن او آپ رِی زمین ناں بھَلی تر خان آچھو کرے آن کڹ ک آپ رِی زمین میں بھیݪی کر خے آن بھوخے نہ اُوے ٻاخݙے میں خاڑخے جکو ٻجتھی کونی۔
18
۱۸۔ آن اُوخمبھاوڹ رِے گھڑ ے باتاں کرتے منکھاں ناں خوشی کی خٻرݙ تو رہو۔
19
۱۹۔پِچھے ہیِرودیس ریئس رُبح آپ رِے بھائی رِی لوگائی ہُیرویاس رِی وجہ خاں آن خا رِے برائیاں رِی وجہ خاں جو ہیُرودیس گریے تے یُوحنا خاں ملامِت کریی۔
20
۲۰۔خارا خاں گھڑو اِے بھی کہ اُوے یُوحنا نہ ڈھکوایو گیو۔
21
۲۱۔ آن جݙے خارامنِکھ بپتسِمہ لیتاتھا آن یِسوع وی بیتِسمہ لے رو دعا کرتوپیو تو آسمان کھُل گیو۔
22
۲۲۔آن پُوتر آتما جسمانی خَیکل میں کبُوتر آݪی کر اُوے تے یو۔آن آسمان خاں آواز آئی۔کہ تو مانجو پیارو ݙیکرو ہے تے ہوں تے خاں رَاضی ہاں۔
23
۲۳۔ آن جݙے یِسوع خود کلام کرڹ لاگو تو اولِگ بھَگ تیِس برخ رو ہو تو آن مِنکھ رو ݙیکرو یوُسف رو ڈیکر وعیلی۔
24
۲۴۔ݙیکرو متَستات رو لاوی ݙیکرو ملکی رو ینا ݙیکرو یُوسُف رو۔
25
۲۵۔ متت یاہ ݙیکرو عامُوس رو عامُوس ݙیکرو نُحوم رو نُحوم ݙیکرو اسلیاہَ رو اسلیاہَ ݙیکرو نوگہ۔
26
۲۶۔نوگہ ݙیکرو ماعَت رو ماعَت ݙیکرو مِتتَ رو مِتتَ ݙیکرو شِمعی رو شِمعی ݙیکرو یوسنح رو یوسنح ݙیکرو یودُاہ رو۔
27
۲۷۔ یودُاہ ݙیکرو یوُحنا رو یوُحنا ݙیکرو ریِسا رو ریِسا ݙیکرو زرُبابِل رو زرُبابِل ݙیکرو شالتی ایل رو شالتی ایل ݙیکرو نیَری رو۔
28
۲۸۔نیرَی ݙیکرو ملکی رو ملکی ݙیکرو اَدی رو َادی ݙیکرو قوسُام رو قوسُام ݙیکرو اِلمودَام رو اِلمودَام ݙیکرو عیر رو۔
29
۲۹۔عیر ݙیکرو یشُوع وو یشُوع ݙیکرو الِیعز رو الیِعز ݙیکرو یِوراِم رو یِوراِم ݙیکرو مُتات رو مُتات ݙیکرو لاوی رو۔
30
۳۰۔ لاوی ݙیکرو شُمعون رو شمُعون ݙیکرو یہُوداہ رو یُہوداہ رو ݙیکرو یُوسِف رو یُوسِف ݙیکرو یونان رو یونان ݙیکرو الیاقِیم رو۔
31
۳۱۔الیاقِیم ݙیکرو ملےآہ رو ملےآہ ݙیکرو مِناہ رو مِناہ ݙیکرو متُتا رو متُتا ݙیکرو ناتن رو ناتن ݙیکرو داوُد رو۔
32
۳۲۔داوُد ݙیکرو یسِی رو یِسی ݙیکرو عوبید رو عوبید ݙیکرو بوغر روبوغر ݙیکرو سلُمون رو سلُمون ݙیکرو نحسون رو۔
33
۳۳۔نحسون ݙیکرو عمَینداب رو عمیَنداب ݙیکرو ارِنی رو ارِنی ݙیکرو حصرون رو حصرون ݙیکرو فارص رو فارص ݙیکرو یہُوداہ رو۔
34
۳۴۔ یہُوداہ رو ݙیکرو یعُقوب رو یعُقوب ݙیکرو اسحاق رو اصِحاق ݙیکرو ابرِاہم رو ابِراہم ݙیکرو تارہ رو تارہ ݙیکرو ناحُور رو۔
35
۳۵۔ناحوُر ݙیکرو سرُوج رو سُروج ݙیکرو رعُو رو رعُو ݙیکرو فلج رو فلج ݙیکرو عبِر رو عبِر ݙیکرو سلح رو۔
36
۳۶۔ سلح ݙیکرو قینان رو قینان ݙیکرو اَرفکسد رو اَرفکسد ݙیکرو سِم رو سِم ݙیکرو نُوح رو نُوح ݙیکرو لَمک رو۔
37
۳۷۔لَمک ݙیکرو مُتوسِلح رو مُتوسِلح ݙیکرو حَنوُک رو حِنوُک ݙیکرو یارِد رو یارِد ݙیکرو مَہلل ایل رو مہَلل ایل ݙیکرو قِینان رو۔
38
۳۸۔قیِنان ݙیکرو انوش رو انوش ݙیکرو سیت رو سیت ݙیکرو آدِم رو آن آدِم ݙیکرو ایِشور رو۔