1
۱۔ آن اُواں ݙ ینھاں میں ائیاں ہو۔ کہ قیصر اوگوستس رے پاخے خاں فرمان جاری ہو۔ کہ خارے جگ رےمنکھاں را ناں لکھیا جاوے۔
2
۲۔اے پہلی آدم شماری ھتی جیݙے کیرینس سُریا حاکم ہتو۔
3
۳۔پئے خجا منکھ آپرے آپرے شہر خاں ناں لکھوواڹگیا۔
4
۴۔آن یوسف وی گلیل رے شہر ناصرت خاں یہودیہ میں داود رے شہر نی گیو۔ جکو بیت لحم کہلاوی۔ائیے رے کرے کہ او داود رے گھرانے خاں ہتو۔
5
۵۔کہ آپری منگیتر مریم رے بھیݪو جکو کہ پیٹ بھریے خاں ہتی جا تے ناں لکھواوَے۔
6
۶۔ آن اُو جݙے اُوتے ہتا اوے رے ٻاݪ ہووڹ ری وقت آیو۔
7
۷۔آن اوُے رُو پہلکو ݙیکرو پیدا ہوو۔اُواں اُوے نا گابھہے میں بھیڑ رو چرنی میں راکھیو۔ ائیے رے خارو کے اُوتھے اُواں رِے خاروجگھا کونی ہتی۔
8
۸۔ اُوئے علاقے میں چرواہا ہتا جکو رات رومیدان میں رہتا آن آپرے مال ری راکھواݪی کرتا ۔
9
۹۔اِن جووہ یشور رو ہیک فرشتواُواں رِے کوڈھی آ اَبھیجیو۔ یشوَر ری رُوشنی اُوئاں رے چارے پاخے چمکݨ لاگی اَن او گھݨا ٻِہی گیا۔
10
۱۰۔ تو فرشتےاوُاں نا کَہیو، ” ٻِیہو نی ہُوں تھاں نا موٹی خُوشی ری خبر خُݨاوئیں، جکے خاں خارا مِنکھ گھݨا راضی ہوخے۔
11
۱۱۔ آج داؤد رے شہر بَیت لحم میں تھارے خارُو ہیک نجات ݙیوڹ آݪو پیدا ہووہ ہے، جکو مسیح ایِشور ہے۔
12
۱۲۔اَن ایئے بات رو تھارے خارُو ایہ نِشان ہے کہ تھے ہیکے ٻاݪ نا گھابھے میں بھٹیوڑو اِن چرنی میں پیوڑو پاخو۔
13
۱۳۔اِن اُوے گھڑی اُوے فرشتے رے بھیݪو اَکاشی فرشتاں رے ٹوݪو ری جماعت اِیشوَر ری بَݙائی کرتا اِیئاں کَہتا وا۔
14
۱۴۔اَکاش تے اِیشوَر ری بَݙائی ہو وے اَن دھرتی تے اُوئاں مِنکھاں میں خُلح ہوے جکاں خاں او رَاضی ہے۔
15
۱۵۔ جَݙے فرشتا اُوئے رے کوڈی خاں پاچھا اَکاش تے بُوہا گیا، تو چرواہا آپس میں کَہوݨ لاگا، ”ہالو، بَیت لحم شہر ݙِخا ہالاں اَن ایہ بات جکے ری ایشوَر ماں نا خبر ݙِنی ہے، اُوئے نا جوجے۔
16
۱۶۔پچھے اوجلدی خاں گیا مریم اَن یُوسف نا اَن ٻاݪ نا چرنی میں ݙِٹھو۔
17
۱۷۔ اَن جو رہ اُو بات کہی جکو او ٻاݪ رے حق میں اُواں خاں کہی۔
18
۱۸۔ان خیجا خنڹڹ آݪااوُاں باتاں تے حیران ہوا جݙے چرواہا اُواں نا کہیو۔
19
۱۹۔اِن مریم اِیئاں باتاں نا مَن میں راکھیے اَن اِیئاں ماتےغور کرتی رہی۔
20
۲۰۔ان چرواہا ائیاں خیجے باتاں رِے خارو ایشور ری بݙائی ان حمد کرتا ہوا پاچھا گیا جیکو اوُاں خاں کہیو گیو تو اُواں اَیاں جی ݙیٹھو ان خُوݪایو۔
21
۲۱۔آن جٻڑے اُوے روختنہ کروڹ رے خاروں آٹھ ڈھن پورا ھوا تو اوُےروناں یسوع راکھیوگیو جیکو فرشتے اوُے رِے رحم میں پڑڹ خاں پہلی راکھیوھتو۔
22
۲۲۔ آن جٻڑے موسی رِی شرِیعت رِے مطابق او رِےچھیلے را ڈھڹ پورا ہو گیاتو اِوے ناں یروشیلم مھیں لے آیا۔ایے رِے کرے کہ اُوےناں ایشور رِے آگیاں حاضر کرے۔
23
۲۳۔جیکر کے ایِشور رِی شرِیعت میں لکھِو ڑو ھے۔کہ ہر ھیک موبھی ڈیکروایِشور رِے خارُوں مخصُوص کرے۔
24
۲۴۔اِن چڑاوہ لایئں یعنی کہ قمریوں رو ھیک جوڑویا کبوتر را ٻہہ ٻچا۔جیکر اِیشور رِی شرِیعت مھیں لکِھیو ڑھے۔
25
۲۵۔ آن جووہ یروشلم مھیں شعُمِون ناں رُو ھیک منکھ ہتو۔آن اُو راستباز آن دَیندار آن اِسراِیئل رِی تغلی رِی آخسں ہتی آن پوترآتماں اُوے تے ھتی۔
26
۲۶۔اُوے ناں پوتر آتماں خاں آگاہی ہوئی تی۔کہ جیتی تک توں ایِشور رِے ڈیکرےناں جوہ نہیں لےتو موت ناں کونی جووہ۔
27
۲۷۔ پوتر آتماں رِی ہدایت خاں ہیکل مھیں آیو جیکے بھیݪا ماں ٻاپ او ٻاݪ یسوع ناں اندر لے آیا۔اِے رِے کرے کہ اُو رے خاروں شرِعی قانون ادا کریں۔
28
۲۸۔تو اِوے ناں گود مھیں نی لیوآن ایِشور رِی حمد کرتے کہیو۔
29
۲۹۔اِے مالک توں آپرے قُول رِےمطابق ہڹا آپرے بندےناں اِمن خا بہیر کر۔
30
۳۰۔ ایے رِے کرے کہ مانجی آنکھیاں تاجی نجات جووہ لینہی ھے۔
31
۳۱۔جیکوتیاں خاری اُمتوں رِے رُوبرو تیار کری ھے۔
32
۳۲۔غیر قوماں رِے خاروں موٹو نور آن آپری اُمت اِسرائِیل رُو جلال۔
33
۳۳۔آن اُوے رو ٻاپ آن اُوے رِی ماں ائیاں باتاں تے خوچھتیی رہی۔جیکو اُو رِے حق مھیں کہیاں جاوتھیں۔
34
۳۴۔ آن شُعمون اُوئیاں رِے خاروں برکت چاہئی آن اُوے رِی ماں مریم خاں کہیو۔جوہ اِے اِسراِئیل مھیں گھیڹا رے کھدڹ آن اُوٹھڹرِے کرے آن ایٹرو نخِان ھووڹ رِے خاروں مقرر کییو گیو ھے۔جیکے رِے خلاف کہیو جا وِے۔
35
۳۵۔آن تھاجی آپری جان رِے اندر خاں تلوار گزار ری جاوے۔ایےرِے کرِے کہ گھڹا رِے دِل را خیال کھُل جاوَے۔
36
۳۶۔ آن آشیر رِے قبیلے مھیں خاں خنہ قنُوایل رِی ڈیکری ھیک نبیہ ھتی۔اُو گھڹی موٹی عمر رِی ھتی۔آنااُو آپرے کنوارپن خاں پاچھے خات برس تک آپرے ݙنٹی بھیݪی رہی۔
37
۳۷۔ائیڹا اور راڹݙ میر چوراسی برس رِی ہتی آن ہیکل خاں جدُا کونی ہو ئی تھی پڹ اُو رُوزاں آن نمازاں رِے بھیݪو رات ڈھڹ بھگتی کرتی رہتی ھتی۔
38
۳۸۔آن اُوے وِی اُوے گھِڑی اِیشور رِی حمد کری۔آن اُو رِے بارے میں ائیاں خیجا خاں باتاں کییاں جیکو یرُوشلِیم رِی نجات رُو آس وادھتا۔
39
۳۹۔ آن جٻڈِے اِو اِیشور رِی شرِیعت رِے مطُابق خیجو کچھ کر چکایا تو گلِیل مھیں آپرے شہر ناصرِت ناں پاچھا آیا۔
40
۴۰۔آن اُو ٻاݪ بد ھتو گیو آن مضبوط ہو تو گیو آن حکمت خاں بھرپوُر ھتو آن اِیشور رِی کرپا اوُے تے ھتی۔
41
۴۱۔ آن اُوے را ماں ٻاپ ہر خال عیِد فصح تے یرِوشلیِم نی جاتا کرتا ھتا۔
42
۴۲۔آن جٻڈِے اُو ٻارے برس رو ہوگیو تو اُو عید رِے دِستُور رِے مطابق یروشِلیم نی گیا۔
43
۴۳۔آن جٻڈِے اوُاں ڈھڹاں ناں پورُو کر رُو پاچھاآیا تواو چھُوکرو یسوع یرِوشلِیم مھیں رھے گیو۔پڹاو رِے ماں ٻاپ ناں کھٻر کونی ھتی۔
44
۴۴۔پڹ اوُ اِے خمجھ گیو کہ اُو قافلہ مھیں ھے۔ھیک منزل نکِل گیا آن اوُے آپرے رِشتہ دَارں آن جان پہیچان آ ݪا مھیں جووڹ لاگاں۔
45
۴۵۔ آن نی لا بھ رہو اُوے رِی تلِاش میں یرِوشلیِم ناں پاچھا گیا۔
46
۴۶۔آن اُواں تین ڈھڹ خاں بعد اُوے ناں ہِیکل مھیں اسُتادِاں رِے بچھ مھیں ٻٹھو اُواں رِی خڹ تو آن خوال کرتو پایو ۔
47
۴۷۔آن جتیرا اُوے رِی خمچھ اُوے رِے جواباں خاں حیران ھتا۔
48
۴۸۔ آن اُو اُوناں جوہ را حیران ھواہ۔آن اُوے رِی ماں اُوے خاں کہیو ڈیکرا تیں مھاں خاں ائیاں کیا کیو؟جوہ تا جو ٻاپ آن ھوں رُواتا ہوا تاناں لابھتاں واہ۔
49
۴۹۔اُوے اُواں نا کہیو کہ تھائیں مھناں کیا لابھتا واہ کی تھا ناں اِےخیال کونی ھتوکہ او ضرور آپرے ٻاپ رِے گھر میں ھو خئے۔
50
۵۰۔پڹجیکو بات اُوے اُواں نا کہیی اُو اُواں کونی خمجھی۔
51
۵۱۔ پاچھے اُو رُوانہ ھو اِن ناصرت میں آیا آن اُواں رِے تابع رہیو آن اُوے رِی ماں اِے خیجاں باتاں آپرے من میں رکھخیاں۔
52
۵۲۔آن یسوع حکمت اِن قدوقامت میں آن اِیشور آن منکھاں رِی مقبولیت میں ترقی کرتو گیو۔