1
۱۔ میں ایہ باتاں تھاناں ایئے رے خارو کہے کہ تھیں تھوݙا نی کھاؤ۔
2
۲۔تھیں بھگتی گھر خاں کاڈھیا جاخو۔ بلکہ اُو وقت آخے کہ جکو تھاناں مارخے۔ اُو فخر کرخے کہ ہوں ایشور ری بھگتی کرئی۔
3
۳۔ آن اُو ایئے رے خارو ائیاں کرخے کہ اُوئاں نی ٻاپ نا جاݨیو نی مھناں۔
4
۴۔پݨ ہوں ایئے باتاں تھاں خاں ایئے رے خارو کرئی کہ جݙے اُوئاں رو ٹائم آوئے تو تھاناں یاد آوئے کہ میں ایہ تھاناں کہیو ہَتو۔
5
۵۔ آن میں شروع میں ایہ باتاں تھاناں ایئے رے خارو کونی کہے کیانکہ ہوں تھاں بھیݪو ہَتو۔ پݨ ہمیں اُوئے کوڈھیا جائی وو جکے مھناں بہیر کریو ہے۔ اَن تھاں میں خاں کوئی کونی پوچھتو کہ توں کیتھ جائی وو۔
6
۶۔بلکہ ایئے رے خارو ایہ باتاں تھاں نا کہیں تھارو دل ݙکھ خاں بھر گیو ۔
7
۷۔پݨ ہوں تھاں نا خچی کہیں کہ تھاں رے خارو مھارو جاوݨ بھلو ہوخے کیانکہ جے ہوں نی جاؤاں تو او وکیل تھاں کڈھے کونی آوئے۔
8
۸۔ اَن جݙے اُو آخے تو دنیا نا گناہ اَن راستبازی اَن عدالت رے بارے میں ݙُہاری منخے۔
9
۹۔گناہ رے بارے میں ایئے رے خارو کہ اُومھیں تے ایمان کونی راکھتا۔
10
۱۰۔خچائی رے بارے میں ایئے رے خارو کہ ہوں ٻاپ کڈھے جائی وو اَن تھاں مھنے بݪے کونی جو وو۔
11
۱۱۔عدالت رے بارے میں ایئے رے خارو کہ ایئے دنیا رو سردار ݙہاری منیو گیو ہے۔
12
۱۲۔ مھارے ٻجے وی گھݨے باتاں ہے کہ تھاناں کہاں۔ پݨ ہݨے تھاں اُو برداشت کونی کر خگو۔
13
۱۳۔پݨ جݙے پوتر آتماں آخے تو اُو خاری خچائی رے خارو تھاری مدد کرخے۔ کیانکہ اُو آپری طرف خاں کونی کہے پݨ جکو خُݨخے اُو جی کہخے۔ اَن تھاناں آوݨ ری خبر ݙخے۔
14
۱۴۔اُو مھاری بݙائی کرخے ایئے رے خارو کہ مھیں خاں خُݨ تے تھاناں خُݨاخے۔
15
۱۵۔جکو کچھ ٻاپ رو ہے اُو خارو مھارو ہے ایئے رے خارو مھیں کہیو کہ اُو میں خاں خُݨ تے تھاناں خُݨاخے۔
16
۱۶۔تھوڑی دیر خاں پچھے تھاں مناں کونی جو وو اَن پچھے تھوڑی دیر خاں بعد تھاں منے جو خو۔
17
۱۷۔ جݙے اُوئے را کہینک چیلا آپت میں ایہ کہیو ۔ جکو اُو آپاں خاں کہیں کہ تھوڑی دیر خاں پچھے تھاں منے کونی جو وو اَن بھݪے تھوڑی دیر خاں تھاں منے جوخو اَن ایہ کہ ہوں ٻاپ کڈھے جاوئی۔
18
۱۸۔پݨ اُوئاں کہیو کہ تھوڑی دیر خاں بعد جکو اُو کہی۔ ایئے رو کی مطلب ہے۔ مھاں کونی جاݨتا کہ اُو کی کہئی۔
19
۱۹۔ یسوع نا اے ٹھاہ ہَتی کہ اُو مھیں خاں خوال کرݨ چاہوئی اَن اُوئے اُوئاں نا کہیو کہ کی تھاں آپت میں مھارے ایئے باتاں ری وجہ پوچھئی کہ تھوڑی دیر بعد تھاں مناں جوخو اَن تھوڑی دیر خاں بعد کونی جووو۔
20
۲۰۔ہوں تھاناں خچی خچی کہیں کہ تھاں روخو اَن پٹخو پݨ دنیا خوشی کرخے تھاں پریشان تو ہوخو پݨ تھارو ݙکھ جی خوشی میں بدل جاخے۔
21
۲۱۔جݙے لُگائی نا ݙوکھن لاگئی تو اُو پریشان ہووئی ایئے رے خارو کہ اُوئے ری گھڑی بھریج جاوئی۔ پݨ جݙے ٻاݪ پیدا تھیئی تو اُوئے ری خوشی ری وجہ خاں کہ ہیک منکھ پیدا تھی تے دنیا میں آوئی تو اُوئے ݙوکھن نا بݪے یاد کونی کرتی۔
22
۲۲۔ پݨ ہݨے تھاں پریشان ہو۔ ہوں تھاناں بݪے جوئیخ اَن تھارو من خوش ہو جاخے۔ اَن تھاری خوشی کوئی کھوخ کونی خگئی۔
23
۲۳۔اَن اُوئے ݙن تھاں میں خاں کوئی خوال کونی کرو۔ ہوں تھاناں خچی خچی کہیں جکو وی تھاں مھارے ٻاپ خاں مھارے ناں خاں مانگخو تھاناں ݙیخے۔
24
۲۴۔حالی تک تھاں مھارے ناں خاں کئی کونی مانگیو۔ مانگخو تو تھاناں جُڑخے تاکہ تھاری خوشی پوری ہوئے۔
25
۲۵۔ میں ایہ باتاں مثالاں میں تھاناں کہہ۔ اُو گھڑی آخے کہ ہوں مثالاں بݪے کونی کہاں بلکہ ٻاپ ری خبر تھاناں صاف صاف کہیخ۔
26
۲۶۔اُوئے ݙن تھاں مھارے ناں خاں مانگخو۔ اَن ہوں تھاناں ایہ کونی کہتو کہ ہوں ٻاپ نا تھارے بارے میں درخواست کریخ۔
27
۲۷۔ایئے خارو کہ ٻاپ تو آپ جی تھاناں پیدا کرئی۔ کیانکہ تھاں میں خاں پیار کرئی۔ اَن ایمان لے آیا کہ ہوں ایشور خاں نخریو ہاں۔
28
۲۸۔ہوں ٻاپ خاں نخریو ہا اَن دنیا میں آیو ہا بݪے دنیا نا چھوڑ تے ٻاپ کڈھے جائیخ۔
29
۲۹۔ اُوئے رے چیلاں اُوئے نا کہیو جو تو ہمے صاف صاف کہیں اَن مثال میں کونی کہتو۔
30
۳۰۔ہمے مھیں جاݨئی کہ تو خارو کچھ جاݨئی اَن تو اُوئے رو محتاج کونی کہ کوئی تیں خاں خوال کرے ایئے وجہ خاں مھاں ایمان لے آوئی کہ تو ایشور خاں نخریو ہے۔
31
۳۱۔یسوع اُوئاں نا بݪتی ݙنی کہ ہمے تھاں ایمان لایا ہو۔
32
۳۲۔ جووو اُو بݪہ آخے ری بلکہ آئی ری کہ تھیں خارا آپ آپ رو مارگ لے تے گندا ہوا اَن تھاں منے ہیکھلو چھوڑخو ݙخو۔ تو وی ہوں ہیکھلو کونی کیانکہ ٻاپ میں بھیݪو ہے۔
33
۳۳۔میں ایہ باتاں تھاناں ایئے رے خارو کہیں کہ تھاں میں خاں سلامتی لابھو۔ تھاں دنیا میں ݙکھ تو اُکھݨئی پݨ حوصلو راکھو میں دنیا نا ہرایو ہا۔