1
۱۔ شروع شروع میں شبد ہَتو شبد ایشور بھیݪو ہَتو اَن شبد ایشور ہَتو۔
2
۲۔ایے جی شروعار میں ایشور بھیݪو ہَتو۔
3
۳۔ایئے خاں جی خارو کچھ بݨیو اَن کوئی وی چیز ایئے خاں ٹاݪ کونی بݨی۔
4
۴۔اُوے میں جی جیون ہَتو اَن جیون منکھاں رے خارو اُجاݪو ہتو۔
5
۵۔اَن اجاݪو اندھارے میں چمکئی اَن اندھارو اُوے نا ہرا کونی خگیو۔
6
۶۔ ہیک منکھ آیو جکو ایشور ری طرف خاں میلیو گیو جکے رو ناں یوحنا ہَتو۔
7
۷۔ایہ گواہی رے خارو آیو کہ اجاݪے ری گواہی ݙیوے تاکہ اوے رے وسیلہ خاں ایمان لے آوے۔
8
۸۔اُو آپ تو اجاݪو کونی ہَتو پݨ اوجاݪے ری گواہی ݙیوݨ آیو ہَتو۔
9
۹۔ او خچواجݪو جکو ہر کئی تے اُجیخ کرئی جگت میں آوݨ آݪو ہَتو۔
10
۱۰۔ او جگت میں ہَتو جگت اوے رے وسیلے خاں بݨیو پݨ منکھاں اوے نا کونی اوݪکھیو۔
11
۱۱۔او آپراں میں آیوپݨ اوے رے آپراں اوے نا قبول کونی کریو۔
12
۱۲۔ پݨ جتراں وی اوے نا قبول کریو اُوے اُواں نا حق ݙنو کہ او ایشور را ٻاݪ بݨے پݨ اُواں نا جکو اوے رے ناں تے ایمان لے آیا۔
13
۱۳۔او لوہی خاں کونی نی مانخ ری مرضی خاں اَن نی جی منکھ ری مرضی خاں پݨ ایشور اُواں نا بݨایا۔
14
۱۴۔ شٻد انسان رے روپ میں آیو اَن آپاں بھیݪو رہیو اَن مھاں اُوے رو جلال ݙٹھو ٻاٻ رے مونبھی رو جلال کرپا اَن خچائی خاں بھریوڑو ہَتو۔
15
۱۵۔یوحنا اُوے ری جی گواہی ݙنی اَن اونچی آواز خاں کہیو ایہ او جی ہے جکے رے بارے میں کہیو ہَتو۔ کہ جکو مھیں خاں پچھے آوݨ آݪو ہے۔ او میں خاں موٹو ہے کیانکے او میں خاں وی پہل ہَتو۔
16
۱۶۔ اوے ری حضوری میں مھاں خارا لیو یعنی فضل تے فضل۔
17
۱۷۔کیانکے ایے شریعت موسٰی رے وسیلے ݙنی گی پݨ فضل اَن خچائی یسوع مسیح خاں لابھی۔
18
۱۸۔ایشور نا کݙے کئی کونی ݙٹھو پݨ ہیک ݙیکرو جکو اُوے بھیݪو ٻیٹھو ہے اُویج ایشور بتایو۔
19
۱۹۔ یوحنا ری گواہی ایہ ہے کہ جݙے یہودیاں یروشلیم خاں کاہن آن لاوی اُوے کݙھے ایہ پوچھݨ بہیر کریو کہ تو کُݨ ہے۔
20
۲۰۔تو اوے اقرار کیو اَن مکریو کونی بلکہ اوے کہیو ہوں تو المسیح کونی ۔
21
۲۱۔پچھے اُواں بھݪے پوچھیو پچھے تو کُݨ ہے کی توں ایلیاہ نبی ہے۔ یوحنا بݪتی ݙنی نا ہوں او کونی کی تو نبی ہے اوے جواب ݙنو کونی۔
22
۲۲۔پچھے اُواں او نا بݪے کہیو تو توں ہے کُݨ ؟ کیانکے مھاں اوئاں نا بݪتی ݙیوݨی ہے۔ جکے مھاناں میلیو ہے توں آپرے بارے میں کی کہی؟
23
۲۳۔پچھے اوے کہیو جاں یسعیاہ نبی ری او بات خݨائی ہوں او ہاں جکو بیابان میں پرچار کرئیں کہ پرمیشور رے خارو مارگ خدھو کرو۔
24
۲۴۔ میلیوڑے منکھاں میں خاں کئیں فریسی آݪا ہَتا۔
25
۲۵۔اَن اُوںاں اُوے خاں سوال کریو۔ جے تو نی مسیح ہے نی ایلیاہ ہے اَن نی جی او نبی ہے تو پچھے تو کیا بپتسموں ݙئی۔
26
۲۶۔ یوحنا اُوںاں نا بݪتی ݙنی ہوں تو چھڑو پاݨی خاں بپتسموں ݙئیں پݨ تھارے بچ میں ہیک ایہڑو منکھ ابھو ہے جکے نا تھے کونی اُݪکھتا۔
27
۲۷۔ایہ او جی ہے جکو میں خاں پچھے آوݨ آݪو ہے۔ ان ہوں ایئے لائق کونی کہ اوے ری جُتی ری تݨے کھولاں۔
28
۲۸۔ایہ خارے باتاں یردن دریا رے پار بیت عنیاہ میں رے گاں میں ہوئے۔ جیتھ یوحنا بپتسموں ݙتو ہَتو۔
29
۲۹۔ ٻجے ݙن اوے یسوع نا آپ ݙخا آوتے جو اَن کہیو ایہ ایشور رو گھیٹو(برہ) ہے جکو دنیا رے منکھاں را پاپ اُکھݨ لے جاخے۔
30
۳۰۔ایہ او جی ہے جکے رے بارے میں مھیں کہیو ہَتو میں خاں پچھے ہیک ایہڑو منکھ آوݨ آݪو ہے جکو میں خاں گھݨی عزت آݪو ہے کیانکہ او میں خاں پہلی ہَتو۔
31
۳۱۔ہوں وی اُوے نا کونی اوݪکھتو ہَتو۔ پݨ ایے خارو ہوں پاݨی خاں بپتسمو ݙئی کہ او اسرائیل تے ظاہر ہو جاوئے۔
32
۳۲۔ اَن یوحنا گواہی ݙے اَن کہیو میں روح نا کبوتر آݪی کر آسمان خاں اُترتے جویو ہا اَن او اوے تے ٻیختے جویو۔
33
۳۳۔ہوں اُوئے نا کونی اݪکھتو ہَتو۔ پݨ جکے مناں بہیر کریو کہ پاݨی خاں بپتسمو ݙا اُوے مناں کہیو کہ جکے تے تو روح نا اترتے اَن ٻیختے جووئے اُو او جی ہوخے جکو روح القدس خاں بپتسمو ݙئی۔
34
۳۴۔ہمے میں ݙٹھو اَن گواہی ݙئی کہ ایہ ایشور رو ݙیکرو ہے۔
35
۳۵۔ٻجے ݙن یوحنا بھݪے آپرے ٻے چیلاں بھݪو ابھو ہَتو۔
36
۳۶۔اُوے یسوع ݙخا جو اَن کہیوجو جاوتو وو جووو ایہ ایشور رو برو ہے۔
37
۳۷۔اَن اوے رے ٻے چیلاں اُوے رے ایہ بات خُݨی اَن یسوع رے لاریاں بوہا گیا۔
38
۳۸۔یسوع اُواں نا لارے آوتا جو اَن اُواں نا کہیو تھاں کی لابھئی ووا۔ اُواں کہیو اے استاد توں کیتھ رئی۔
39
۳۹۔اُوے اُواں نا کہیو آو تھاں جوخو رو اَن اُواں جویو جیتھ او رہتو ہَتو۔ اَن اوے ݙن خاں او اُوے بھیݪا رہیا اَن ایہ ݙخوئے گھنٹے رے نیٹو ہَتو۔
40
۴۰۔ اُواں ٻہیاں میں خاں جکو یوحنا ری ایہ بات خݨ تے اُوے رے لارے بوہا ہیک شمعون پطرس رو بھائی اندریاس ہَتو۔
41
۴۱۔اُو پہل آپرے بھائی شمعون نا ٹکریو اَن اوے نا کہیو کہ مھاناں مسیح لابھو رو۔
42
۴۲۔پچھے او اُوے نا یسوع کݙے لایا اَن یسوع اُوے نا جو اَن کہیو کہ تو یوحنا رو ݙیکرو شمعون ہے پݨ آج خاں تو کیفا (جکے رو مطلب پطرس) خݙئجخ۔
43
۴۳۔ٻجے ݙن اُو گلیل جاوݨو چاہتو ہَتو۔ آن فلپس نا ٹکریو۔ اَن یسوع اوے نا کہیو مھارے لارے بوہو آ۔
44
۴۴۔فلپس اندیاس اَن پطرس رے شہر بیت صیدا رو ہَتو۔
45
۴۵۔فلپس نا نتن ایل ٹکریو اَن اُوے اُوے نا کہیو کہ جکے رو ذکر موسٰی تورات میں اَن نبیاں وی کہیو مھاں اُوے نا لابھو رو اُو یوسف رو ݙیکرو یسوع ناصری ہے۔
46
۴۶۔ نتن ایل اُوے نا کہیو کی ناصرت خاں کوئی بھلی چیز نکݪ خگئی فلپس اُوے نا کہیو آ جو رو۔
47
۴۷۔یسوع نتن ایل نا آپ ݙخا آوتو جو رو اَن کہیو جوو ایہ اصلی اسرائیلی ہے ایے میں مکر کونی۔
48
۴۸۔نتن ایل اوے نا کہیو تو منے کیکر اوݪکھئی یسوع بݪتی میں کہیو ایے خاں پہل کہ فلپس تناں ٻُلایو تو انجیر رے بݨ رے نیچا ہَتو۔ میں تنے جویو ہَتو۔
49
۴۹۔ نتن ایل اوے نا بݪتی ݙنی کہ اے گرو تو ایشور رو ݙیکرو تو اسرائیل رو باچھا ہے۔
50
۵۰۔یسوع اوے نا بݪتی ݙنی کی تو ایے خارو ایمان لایو ہے کہ میں تناں کہیو کہ میں تنے انجیر رے بݨ رے ہینٹھا جویو تو ایے خاں وی موٹا موٹا کام جوئخ۔
51
۵۱۔پچھے اوے اُواں نا کہیو کہ ہوں تھاناں خچی خچی کہئی کہ تھاں آسمان نا کھُلیوڑو اَن ایشور رے فرشتاں نا اُنچا جاوتا اَن ابنِ آدم تے اترتا جوخو۔