1
Shatara mi ragesti hik zhe sardar Kahin azhe akhabiran zhe Phiki zhe saw sardar zhe adalataw moc ek thi Isaa bonawaini zhe to ni Pilatus e hawala aran.
2
Pilatus tasa pi aphucaw ki kia tu Yahudian S`a e?
Se jawab una tas akai amaaw tu tan maas dai.
3
Sardar Kahin tasa thara barauna bo pron.
4
Pilatus tasa pi gheri phucio amaaw ki tu kia jawab ne des dai? Jagai shemi tai khilapuna kimon ilzam Karin dai?
5
Yasu wadiasta kia jawap ne praw shaya zhe ki Pilatus bo hairan hawaw.
6
Se Eid una ek kaidi kia ki moc tasa kai maiman aini tasa khateran lasaiman ais.
7
Zhe Barabar noman ek moc tara bandi ais kura ki gaderakan khilapuna moc nashai aini.
8
Zhe mocbi thara pali tasa kai amaan ki tai kia dastur o to homa hatya kari.
9
Pilatus tasi kai shehen` jawab praw . kia tu c`it is dai e ki a tai khater una Yahudi S`a lasem e?
10
Koki se joniman ais ki Sardar Kahin ama pre~njaio mai hawala kai an.
11
Magam sardar Kahin mocbi tasa khilpuna aran ki Pilatus tasa khateran Baraba mi Lasel.
12
Pilatus gheri tasi kai amaaw dhoyo kas kai ki abi Yahudian S`a gho~i maa dai tasa som a kia karim?
13
Te gheri tol` kai amaan ki al`a phansi kara.
14
Zhe Pilatus tasi kai amaaw ko asa kia shumi kai aw?
Te ade asta abayo pron ki al`a phansi kara.
15
Pilatus mocbi khoshan karikas bati tasa hatya Baraba azad araw zhe Yasu e t`iawayo hawala araw ki ama phansi kara.
16
Zhe sipahi to tara mukhenuna anian kas kai ki Praituran gho~i man daizhe saw payradaran asta khundian.
17
Zhe te tasa susani ragan shukha sambian zhe ac`ank shong gri tasa tac` sawzai tasa sambian.
18
Te tasa kai ishpata dai amaan Ay Yahudian S`a Ishpata!
19
Zhe te tasa s`is una gundik gri tayo tasa thara thok ahistan zhe d`haink thara tung dai to ishtikhan.
20
Zhe te tasa thara Mazak karikani pistaw o te tasa to susani shukha nejayo tasa mi to peran tasa sambian. Phato tasa phanasi dikas bati to bian anian.
21
Zhe Shamoon noman ek Kurini moc Sikandar zhe Ruphas e dadas gromaw ikwew tara dai pariman aini. Te barnaka tasa satawai Isaa silip griawaini.
22
Te to Gulgata wa~una al`on isa matlab s`is` khamalan jaiga.
23
Zhe Murh meshari kada D`a tasa pron magam se to ne agriaw.
24
Zhe te to silip una pron zhe tas peran una c`et ahistan ki kas hatya kia mailaw hiu to phato te aphazhan.
25
Adua thi ashes e te tasa silip pron.
26
Zhe tasa ilzam niweshi tasa thara s`atan ki Yahudian S`a.
27
Zhe te tasa som du ahairu ek tasa drac`ui zhe ek o tasa khawi gehenaw silip una lapan.
28
to tasa barauna niweshil`as matlap ki se gunah Garawan mocai iw pura hawaw.
29
Zhe phonduna pariaw s`is` dangai dangai katriman pariman aini zhe maiman aini ki wah! Tu shase han prec`ai o tre basan sawzawaw.
30
Silip aini uc`undi tan bac kari.
31
Shehen` mi Sardar Kahin Phiki mocan som thi tasa Mazak kariman aman Asa warek ta bac` araw magam tan soro o bac karik ne abhaaw.
32
Israilas S`a Masih ajo silipaini uc`undi ie ki abi jagayo Bhawar onik Zhr kura ki tasa som phansi dai aini te tasa kai kia asta maikas pron.
33
Hul`ukuno saw mulkuna tramasung hawaw zhe tre ghanta zhe thaw hawaw.
34
Zhe tre ghanta pis`t`aw o Isaa tol` kai abayo praw ki ELOI ELOI LAMASHABKATATKI? Kas matlab ki Ay mai Khoday ! Ay mai Khoday! Tu mai ko ahisti?
35
Kura ki tada c`isti ainital`el`a moca adeo shehen` sangaio amaan jaga asa Alia khundiel dai.
36
Zhe ek adai purum d`a mocai jai gundik thara kai oni tasa c`usan zhe amaan ki c`sta. Jagek na Alia al`a uc`undaika iw e ne?
37
Phato Yasu tol` kai abayao daio anashaw.
38
Khodayas onjasta parda hal`ai gri ogala zhe du c`el`ak hawaw.
39
Zhe kura subedar tasa tada c`isti ais se to shehen` nashikwew pashio amaaw Ea mi khodayas putr.
40
Zhe adhe istrizha desha c`isti jagaiman aini tal`ai mocai Mariam Magdalini zhe c`utak Yakup zhe Yusas e ayas Mariam zhe Salomi asta aini.
41
Se Galil ais e emi tasi pistaw pariman aini zhe tasa hatya kismet kariman aini zhe ade asata bo istrizha aini kura ki tasa som Yaroshelum ita aini.
42
C`ak praw e to tayarias adua ashes kia ki Sabatas ek adua sumber hiw dai.
43
Armatiah wa~aini apaw diaw Yusup aw se bo izat wala wazir ais zhe tan asta khodayas bacaias intizaruna ais zhe se ne bihi Pilatus e tada pai Isaa to jhan agataw.
44
Zhe Pilatus hairan hawaw ki se shohon` gas` anashaw se subadar khundiayo tasi pi aphuc`aw ki Yasu nashi bo wat hawaw e?
45
To payradaran pi saw halat phucio to Isaa jhan Yusup e praw.
46
Se ek c`adar agraw zhe jhan uc`undayo to c`adar una pal`motiaw zhe ek qaburas udremankia ki ek dhen~ta una koc`I ashes tara athan zhe qaburas ashuno ek ghona bat c`istan.
47
Zhe Mariam Magdalini zhe Yusus e ayas Mariam jagaiman aini ki to kawa then dai.