1
Du bas pis`t`aw o Phasa zha Eid-e-Fatir ashes zhe Sardar Kahin zhe Phiki moc muka khojiman aini ki Isaa phan dai grio to nashek.
2
koki maiman aini ki Eid uno ne. shehen` mo hiw aria ki moc alagul pashen.
3
Se Baithani gromai Shamoon noman ek lahaz mocas dura au zhuika nesaw e to ek istrizha bo kimati ga~ndurak tew aonaw zhe to tewani buthal bishaio tasa s`isuna ritaaw.
4
Magam ade o tan hardiay kahari thi amaan shama tew ko abas aran?
5
Koki shama wor tew kematuna bri~nki o gariban dek hiu zhe te tasa hatya kahari hawan.
6
Yasu amaaw ala lasa. Abi asa ko gudas dia dai. Asa mai som prusti kai aw.
7
koki garib moc ta mimi som hamisha an. Abi kai asta tasi madad karik bhaa magam a mimi som hamisha ne apaw dem.
8
Kia ki asa karik baiman ais araw. Asa mai kabaruna uc`undaikas bati mai jhanduna awel` mina wor tew praw.
9
A mimi kai ujak mam dai ki pura duniauna kawa kagal`akseshesa kitapas barauna mondr hiu shama asta kia ki she istrizha araw isa kardu asta man pariw.
10
Phato Yahudaiskaryodi kura ki tasi dash zhe duin mocaw ais Sadar Kahin e tada paraw ki to tasi hawala kariw.
11
Te shehen` sangaio khoshan hawan zhe tasa paisa dek gho~i wada aran zhe te to griawaikas moka khojikas pron.
12
Eid e Phitiras awelo adua kai ki te mes` mari c`apoc kariman aini tasa shagetan tasa kai amaan ki tu kawa khoshas dai ki abi pai tai hatya Fasahpac`aikas tayari karik?
13
Se tan shagetan mocaw du ahutaw zhe tasi kai amaaw Shahar hatya para. Ek moc t`unjuna kai ugh gri mimi d`huk hiu tasa pis`t`aw para.
14
Zhe kawa ki se atiw tara duraw gaderakas kai maa Ustaz maaw dai ki mai mehnuan kamra kawa ki a tan shagetan som Phasah zhum se kawa shiaw?
15
Se tan mimi ek ghona tayar kamra pashel shatara mi mai hatya tayari kara.
16
Phato Shagat paron zhe Shahar unai ta khen~ ki se mai ais te tasa kai amaan shehen` mi sapran zhe Fasah tayar aran.
17
Rat hawaw e se tasi dash zhe duin som aw.
18
Zhe te nesi zuiman aini e to Isaa amaaw A mimi kai ujak mam dai ki mimi mocaw ek kura ki mai som zhuw dai mai griawaw.
19
Te bo pareshan thi bari bariuna tasa kai maikas pron ki kia se a e?
20
Se tasi kai amaaw ki se dash zhe duin mocaw ek aw kura ki mai som thi khuiuna baza jel dai.
21
Koki Adaamas putr ta kia ki tasa hakuna niweshi shiaw pariw magam shatasa mocas thara afsos kas wajen dai ki Adamas putr griwan pariw! Shase moc ne pe ubujaw tasa hatya prust ashes.
22
Zhe te zhuiman mi aini e se ek au agrriaw zhe barkat dayo ac`inaw zhe tasi praw zhe amaaw Awic`a ea mai jhan.
23
Phato se pial`a grio shukur araw zhe tasi praw zhe te saw tal`el`a apian.
24
Zhe se tasi kai amaaw ia mai shase wada aini l`ui kia kisawin bati drasniu.
25
A mimi kai ujak mam dai ki drac`as sharbat gheri kaio ne bata pim shatara watuna zhe ki khodayas bac`ai una no~a lai ne pim.
26
Phato gho~ jayo bian Zaitoonas dhen~ta una paron.
27
Yasu tasi kai amaaw Abi saw shurua koki niweshi shiaw ki a walmocas tem zhe am`eon rhom o het` thi parin.
28
Magam a tan gheri ustikani pistaw o mimi pi sumber Galil hatya parim.
29
Patras tasa kai amaw ki saw shuruan magam ao ne.
30
Yasu tasa kai amaaw ki a tai kai ujak mondr dem dai ki to onja mi ratkakawakas du tem bashikas pi sumber tre bar mai inkar karis.
31
Magam se bo zor jaiyo amaaw tai som mai nasheli asta hawaw peo to asta a tai inkar ne karim.
Shehen` mi saw amaan.
32
Phato te ek jaiga una on kas nom ki Gutsamni ashes zhe se tan shagetan kai amaaw A sual karim shohon aya apaw det.
33
Zhe Patras zhe Yakup zhe Yuhana tan som gri bo hairan zhe parishan hawaw.
34
Zhe tasi kai maw ki mai hardi bo pareshan hiu dai. Shaya zhe ki nashekas thi am. Abi aya a~nga thi apaw det.
35
Zhe se adhek ruaw paraw zhe c`omuna shuruio sual karikas praw ki mumkin pe hiw shia shum wat mai pe desha pariw aria.
36
Phato se amaaw Ay Dada! Tai pi saw kia hiu. Shama pial`a mai pe desha kari wadiasta kia ki a c`itim dai se o ne baliki tu kia c`it is dai o se mi hiu aria.
37
Phato se aw zhe te dudikwew pashio Patras e kai amaaw Ay Shamoon tu dudis dai e? Kia tu ek ghanta asta a~nga ne apaw dek abhai e?
38
Usti zhe sual kari ki azmaish una ne pal`a. Rukh ta tayar aw magam jhan o kamzor shiaw.
39
Se phato paraw zhe shate mi mondr dai sual araw. Zhe phato ita te gheri dudi apashaw koki tasi echai isprap ashini zhe te ne joniman aini ki tasa kia jawap dek.
4041
Phato troyo tem ito tasi kai amaw ajo dudi apaw det zhe aram kara. Bas wat zhal`i shiaw. Jagaa Adamas putr gunahgaran muc`a hiw.
42
Usta parik. Jagaa mai griawaw s`oi zhal`i aw.
43
Se shehen` maiman mi ais e ki shatara mi Yahuda kura ki tasi dash zhe duin mocaw ais zhe tasi som bo mocbi khan~gar zhe gundik gri sardar Kahin zhe Phiki zhe akhabir mocbi tara azhal`an.
44
Zhe to griawaw tasa shehen` nisan dai ais ki kas ki a ishpadem semi se hiw. To gri prust kai nia.
45
Se ita shatara mi tasa tada paraw zhe amaaw ki Ay ustaz! Zhe to ispadaw.
46
Te phato Yasu gri dang kai abonan.
47
Tal`el`a mocaw kura ki s`oi c`isti aini ek khan~gar nehayo Sardar e nokaras tai tasa ko~ ac`inaw.
48
Yasu tasi kai amaaw kia abi khan~gar zhe gudik gri ahiruan raw mai grika nehi aa e?
49
A har hamesh mimi tada handuna sabak dem dai zhe abi mai ne agril`i. magam ia shehen` gho~i hawaw ki shase niwesheila pura hiw.
50
Phato saw shaget to histi pal`ai paron.
51
Magam ek juwan tan shruki jhand una c`adar pal`mothi tasa pistaw paraw. To moc agrian.
52
Magam se c`adar histi shruki thi palai paraw.
53
Phato te Isaa Sardar Kahin e tada anian zhe saw sardar Kahin Zhe akhabiran zhe Phiki moc tara sarini.
54
Zhe Patras tasa pistaw desha desha sardar Kahin e mukhenuna udreman paraw zhe payradaran som nesi an~gar tapikas praw.
55
Zhe Sardar Kahin zhe saw Adalat aini moc Yasu nashaikas bati tasa khilpauna guahi khojikas pron magam ne sapran.
56
Koki bo mocbi tasa thara l`awai guahi ta pron magam tasi guahi kubul karik bas` ne ashini.
57
Phato ade moc usti tasa thara shehen` galat guahi pron ki.
58
Abi ala shehen` maikwew sangai aik ki a shal`a onjasta kia ki bazas thara sawzai shiaw c`inim zhe tre bas pis`t`aw o gheri sawzem se o baza thara ne sawzala hiw.
59
Magam isa thara asta tasi guahi kubuk karik bas ne ashes.
60
Phato Sardar Kahin mocuna c`isti Yasu pe aphuc`aw ki tu kia jawap ne des dai e? emi tai khilapuna kia guahi den dai?
61
Magam Yasu c`im c`il`it apaw praw zhe kia jawap ne praw. Sardar Kahin tasi pi gheri aphucaw zhe amaaw ki to shatasa Satuda e putr Masih e?
62
Yasu amaaw ha a am zhe tu Adamas putr khodayas drac`ui gehen nesikwew zhe D`i aini menjas som ikwew pashis.
63
Sardar Kahin tan peran utraki o amaaw ajo homa guahan kia zaroorat?
64
Abi isa mondr sangail`I e? Abi kia maa dai? Te saw amaan ki ala nashaa.
65
Phato ade tasa thara t`hok ahistan zhe tasa ru l`awaio zhe tasa mustiaka p`on zhe tasa kai maikas pron ki nabuatas mondr de! Zhe pairadaran tasa kal`ipara dai to bhoni anian.
66
Patras no~aw mukhenuna ais e to sardar Kahinas krom garaw istrizhon mocaw ek tara aw.
67
Zhe Patras an~gar tapikwew pashio tasa kai amaaw tu asta asa Isaa som ai.
68
Se inkar araw zhe amaaw ki a ta ne jhonim dai ki tu kia mas dai. Phato se bian paraw zhe kakawak abashaw.
69
Se istrizha to jagaio shatasi kai kura ki tasi som c`isti aini phato maikas praw ki ea tasi mocaw aw.
70
Magam se o gheri inkar araw. Zhe adek wat pistaw kura ki tasa tada c`isti aini Patras e kai gheri amaan ki tutasi mi mocaw as koki tu Galili.
71
Magam se l`anat kariman s`hat ac`awaw ki a al`a moc kas barauna ki abi maa dai ne jonim dai.
72
Zhe shatara mi kakawak juo tem ghri abashaw. Patras eshase mondr kia ki Isaa tasa kai dai ais yadi aw ki kakawak e du tem bashikani pistaw tut re tem mai inkar karis phato shato mondr yadi kaio atroaw.