1
Yasu Masih khodayas khoshanias shurug.
2
Kia ki Yasaya paygumbaras kitab una niweshi shiaw ki.
Jaga a tan paygumber mimi ruaw hutum dai.
Kura ki mimi hatya phond tayar kariw.
3
Beyaban una khundiawaw as awaz iw dai ki. Khodayas phond tayar kara. Tasa phond ujak sawzaa.
4
Yuhana aw phato se beyaban una baptisma diman zhe gunahan pi muahas bati thobas baptisma diman ais.
5
Yahudas mulkani saw moc zhe Yaroshelum una saw apaw diaw nehi tasa tada paron zha te tan gunah mani o Yardanas babayuk una tasa pi baptisma agrihan.
6
Yuhana Utas c`awaran peran sambi zhe postas dakai bonuni tan dak una boniman ais zhe goik phawatik zhe mac`i zuiman ais.
7
Se Shehen` maiman ais ki mai pistaw o shase moc ikas thi au kura ki mai pi takatwar. A tung dai tasa kirmec`an ban bec`arikas laiq asta ne.
8
A ta mimi ughas thara baptisma pra magam se o mimi Pak Arwahas thara baptisma del.
9
Phato shatara wat una shehen` hawaw ki Yasu Galil Nasrataw ita Yardan una Yuhana pi baptisma agriaw.
10
Phato se ugh aini nehi buc`um aw e to ek dam se d`i utrukikwew zhe Arwah kohawas raw thi tan thara uc`undikwew apashaw.
11
To d`i aini awaz aw ki tu mai sheshoyak putr. Tai pi a khoshan am.
12
Phato shatara mi Arwah to beyaban una ahutaw.
13
Se beyaban una du beshi bas zhe shaithanas pi azmaish agriaw zhe jangali haiwanan som apaw praw zhe pharishta tasa hatya khesmat aran.
14
Phato Yuhana griawaikas pistaw o Yasu Galil una ita Khodayas khoshani aini mondr praw.
15
Zhe amaw ki wat pura thi shiaw zhe khodayas bacai s`oi ita shiaw. Thoba kara zhe khodayas mondran thara Bhawar ona.
16
Galilas ughas awatikuna parikwew se Shamoon zha Shamon e bayas Indriyas ugh una jal histikwew apashaw koki te masi griaw aini.
17
Yasu tasi kai amaaw mai pistaw aw to a mimi moc` griaw sawzem.
18
Te ek dam jal histi tasa pistaw paron.
19
Tec`ak desha payo se Zabdi e putras Yakup zhe tasa bayas Yuhana kishti sawzaikwew apashaw.
20
Se tez te khundiaw phato te tan dadas Zabdi kishti una krom karaw mocan som histi tasa pistaw paron.
21
Phato te Kuphur Nahum jaiga una azhal`an phato se tez me Sabatas adua sual karikaina pai sabak dikas praw.
22
Zhe te moc tasa sabakas pe hairan hawan koki se te Phikian raw ne ek gaderakas raw kai sabak diman ais.
23
To Tara sual karikaina ek moc milaw hawaw tasa udremana shum Arwah aini. Se shehen` mai abayo praw.
24
Ki ay Yasu! homa tai som kia krom? Kia tu homa nashaika itas e? A tai jonim dai ki tu kura? Khodayas onjasta.
25
Yasu to tuki o amaaw c`up ha zhe isa pi nehi.
26
Phato se shum arwah tol` kai abayo dayo tas pi nihaw.
27
Saw moc hairan hawan zhe egoegin kai maikas pron ki ea kia? Ea ta no~a sabak! Se ta shum arwahan kai asta tan akhtiaras thara hokum del` dai zhe te o tasa hokum manin dai.
28
Phato bo tez tasa shemi mondr Galilas tara wa~ una har awata pregijion.
29
Se bo tez sual karikainaw nehi Yakup zhe Yuhana som Shamon zhe Indrias e dura paraw.
30
Shamon e ispresas andaw sati ashes zhe te o tez tasa khabar tasa kai pron.
31
Phato se tasa s`oi paio tasa baza gri to ustaw zhe pec`i tas pe khul` hawaw to se tasi hatya khesmat karikas praw.
32
C`akdekwew suri paraw e to moc saw l`ahaz zhe shate kas udreman ki shum Arwah aini tasa tada al`on.
33
Saw Shahar aini moc tara darwaza una sarini.
34
Phato se bo moc kas ki bo bo lahazi ashini prust araw zhe bo shum arwah asta nehaw zhe shum Arwahan o mondr diawan ne praw koki te to joniman aini.
35
Gheri ragesti adua hikas pi bo sumber se usti nehi ek beyaban jaiga una pai tara sual araw.
36
Shamoon zhe tasa malgiri tasa pistaw paron .
37
Se tasi som milaw hawaw e te tasa kai amaan saw moc tai khojin dai.
38
Se tasi kai amaaw andayaw abi warek kaway s`oi shaharai parik ki tara asta sabak dem koki a shehen` mi gho~i nehi am.
39
Phato se saw Galil una tasi sual karikainai pai sabak diman zhe shum Arwah nehaw .
40
To ek bec`ic`i satila istrizha tasa tada ita ishkal`i araw zhe tasa ruaw d~heik thai tasa kai amaaw tu pe ac`eti pe haw mai pak sapha karik bhas.
41
Se tasa thara wal` joshi baza ruaw araw zhe to c`uti tasa kai amaaw. A c`itim dai ki tu pak sapha ha.
42
Zhe ek dam tasa te bec`ic`i khul hawan se pak sapha hawaw.
43
Phato se tasa kai mondr dai o to ahutaw.
44
Tasa kai amaaw khabardar kas kai kia mo mas magam pai tan Kahin gaderakas pashai zhe tan pak sapha hikas bara una shate ishnayari kia ki Musa mai ais phawazhi ki tasa hatya guahi hiw.
45
Magam se bian payo prekin kai maikas praw zhe shato mondr shohon mashoor araw ki Yasu Shahar una gheri ik ne abhaw bian weran jagai apaw praw zhe moc saw c`aw awataw tasa tada iman aini.