¹ Achaleka, wakundwe wane wamunyina wano nkuvwambilizya ichimwmemwe chane nimpumpu, munzila yoo umusimpe mu Mfumu, wachiwuza awakundikwe. ² Nkulambilizya ne Yudiya, nga nkulambilizya ne Sayinteke, wani namelenganio ayaliyonga mu Mfumu. ³ molimo, nkuwalenga wachiwuza wane awachine, pakwavwa wamama waa wawobesizye nanene muku lambilizya ilandwe, ponga ne Clementi nawa wonvi awanji wano wasyala, wano amazina yawo yali mwi buku lyawumi. ⁴ Zewelanji mu Mfumu penyee. Swinyanye nditi, zewelanji. ⁵ Lekani ukufwasa kwinu kumanyikwe ku wantu wonsi. Imfumu yapalamila. ⁶ mutati muloletele pakwe chimwi. Lelo fwandi, mwakwe chonsi ni pepo nukuelnga nukusalifya, lekani ivyakulenga vyinu vimanyikwe kwe Leza, ⁷ nu mutende we Leza, wuno wukutozola uwumanye wonsi, wuli chinjilizya imyenzo yinu namelenganio yinu mwe Kilisitu Yesu. ⁸ Pawumalilo, wamunyina, pakwe vintu vyonsi vino avya chisinka, pa vintu vyonsi ivichindikwe, pa vintu vyonsi ivilungamane, pa vintu vyonsi ivitele, pa vintu vyonsi ivikundikwe, pavintu vili ni landwe zima, ndi pali chimwi ichizima nkani, ndi pali chimwi icha kulumbula, yelengania ku vintu vyoo. ⁹ Ku vintu vino wati usambilila nukupochelela nukwivwa nukulola mwakwe nene, wombanji vyo ivintu, ne Leza wamutende aliwa namwe. ¹⁰ Nkuzewela nkaninye mu Mfumu umulandu kanonzi pawumalilo mwayania ukukwamfika kwinu umulandu na nene. Nakawuzyenye mwalinji nuku kwamfika umulandu nanene lyokutani, kweni kutalinji ulongo kwakwe mwemwe ukunjavwa. ¹¹ Ntakuvwanga choo umulandu nsowezilwe. Amuno nati nsambilila ukwikuta mumiwele yonsi. ¹² Imanyile chino chingawa achisaluke, manyile swinya ukuwa navyonsi. Munzila iyiliyonsi namu vintu vyonsi nati nsambilila inkama muno ningalila ichete pamwi ukuwa ni nzala, namuno ningawela ni vivule pamwi pakuwa mukusowelwa. ¹³ Ningawomba ivintu vyonsi mwakwe weliwe wino akumbomya. ¹⁴ Chingatengawuli, mwawonvile ichete pakwankana nanene muwutale. ¹⁵ Mwemwe wafilipu mumanyile kuno mukutalika kwi landwe, pano nafumile ku Makedonia, pasi nanti akeleziya yino yanjavwizye mwi lyasi lya kupa nuku pochelela ukufumyako mwemwe mwenga. ¹⁶ Naponye pano nalinji mu Tessalonika, mwatumile ukwavwa pamulandu nusowelwa kwane ukuchila pe lyonga. ¹⁷ Asakuti Nkuvwamba ichawila. Nkano fwendi, Nkuvwamba ichikomwa chino chikuvulilila kuwuzima winu. ¹⁸ Napochelela chonsi umwa kukwana, nukulusya. nati impewa ichete kanonzi pano nati mpochelela Epafuloditusi ivintu vino mwatumile. Avya kununchila ichete, inzuwi yakuzumilizwa ni yakusechelezya Leza. ¹⁹ Leza wane aliwapa vyonsi vvino mukusowelwa ukulingana naku nsawu zyakwe mwu chindami mwe Kilisitu Yesu. ²⁰ Kanonzi kwe Leza witu ne Tata kuwe uwuchindami umuyaya napenye. Ameni ²¹ Vwanzya awantu we Leza wonsi awatele mwe Kilisitu Yesu. Wamunyina wano wali nani wawalamuka. ²² Awantu watele wonsi awa kwe Leza wano wali koo wawalamuka, nkaninkani wawo wano awa ng'anda ye Kesale. ²³ Inkumbu zya Mfumu Yesu Kilisitu ziwe nu muzimu winu