ພຣະເຈົ້າໄດ້ບອກອັບຣາຮາມໃຫ້ໄປທີ່ແຜ່ນດິນໂມຣິຢາ ແລະ ຖວາຍອີຊາກເປັນເຄື່ອງເຜົາບູຊາ.
ອັບຣາຮາມໄດ້ລຸກແຕ່ເຊົ້າ ແລະ ເດີນທາງໄປບ່ອນທີ່ພຣະເຈົ້າໄດ້ບອກລາວ.
ອັບຣາຮາມໄດ້ບອກຊາຍຫນຸ່ມສອງຄົນຂອງລາວວ່າລາວ ແລະ ອີຊາກຈະໄປນະມັດສະການ ແລະຫລັງຈາກນັ້ນລາວກໍ່ຈະກັບມາ.
ອີຊາກຖາມອັບຣາຮາມວ່າ: “ລູກແກະສຳລັບເຄື່ອງເຜົາບູຊາຢູ່ໃສ”?
ອັບຣາຮາມໄດ້ກ່າວວ່າພຣະເຈົ້າເອງຈະຈັດຫາລູກແກະສຳລັບເຄື່ອງເຜົາບູຊາ.
ອັບຣາຮາມໄດ້ກຽມອີຊາກເປັນເຄື່ອງເຜົາບູຊາໂດຍການມັດລາວ ແລະ ວາງມັນໄວ້ເທິງແທ່ນບູຊາ.
ທູດສະຫວັນຂອງພຣະຢາເວໄດ້ບອກອັບຣາຮາມວ່າຢ່າທຳຮ້າຍອີຊາກ.
ທູດສະຫວັນກ່າວວ່າຕອນນີ້ລາວຮູ້ວ່າອັບຣາຮາມຢຳເກງພຣະເຈົ້າ.
ຂ້າງຫລັງເພິ່ນມີແກະໂຕຜູ້ໂຕຫນຶ່ງ ເຂົາຂອງມັນຄາຢູ່ໃນພຸ່ມໄມ້, ເຊິ່ງອັບຣາຮາມໄດ້ໃຊ້ເປັນເຄື່ອງເຜົາບູຊາ.
ອັບຣາຮາມໄດ້ເອີ້ນສະຖານທີ່ວ່າ, "ພຣະຢາເວຊົງຈັດຕຽມ".
ທູດສະຫວັນຂອງພຣະຢາເວກ່າວວ່າລາວຈະອວຍພອນອັບຣາຮາມເພາະວ່າອັບຣາຮາມບໍ່ໄດ້ຫວງຫ້າມລູກຊາຍຄົນດຽວຂອງລາວ.
ໂດຍຜ່ານລູກຫລານຂອງອັບຣາຮາມທຸກໆປະຊາຊາດໃນໂລກໄດ້ຮັບພອນ, ເພາະວ່າອັບຣາຮາມໄດ້ເຊື່ອຟັງສຽງຂອງທູດສະຫວັນຂອງພຣະຢາເວ.