Genesis 42

Genesis 42:1

Kinsa man ang gipalugsong ni Jacob sa Ehipto aron sa pagpalit ug pagkaon?

Ang napulo ka mga igsoon ni Jose, apan wala mikuyog si Benjamin pag-adto sa Ehipto aron sa pagpalit ug pagkaon.

Genesis 42:7

Unsa man ang gibuhat ni Jose sa dihang nailhan niya ang iyang mga igsoon?

Nagpakaaron-ingnon si Jose nga wala makaila kanila ug maisogon nga nakigsulti sa iyang mga igsoon.

Genesis 42:9

Unsa man ang gipasangil ni Jose batok sa iyang mga igsoon?

Gipasanginlan ni Jose ang iyang mga igsoon nga sila mga espiya.

Genesis 42:18

Unsa man ang giingon ni Jose sa iyang mga igsoon nga angay nilang buhaton aron sila mabuhi?

Giingnan sila ni Jose nga prisohon ang usa sa ilang mga igsoon, samtang ang uban kanila mopauli sa Canaan dala ang pagkaon ug dad-on ang ilang kamanghorang igsoon sa pagbalik.

Genesis 42:21

Unsa man ang hinungdan nganong gituohan man sa mga igsoon ni Jose nga midangat kanila ang kasamok?

Tungod kay nagtuo sila nga ang dugo ni Jose naningil kanila tungod sa ilang nabuhat kang kaniya.

Genesis 42:35

Unsa man ang nasayran sa mga managsoon ug ni Jacob sa dihang ilang giablihan ang tanan nilang mga sako?

Nasayran nila nga ang matag kwarta nila anaa ra sa ilang mga sako.

Genesis 42:37

Unsa man ang gihimo nga panumpa ni Ruben ngadto kang Jacob?

Nanumpa si Ruben nga dad-on niya pagbalik si Benjamin ngadto kang Jacob gikan sa Ehipto; kondili ang duha ka mga anak ni Ruben pagapatyon.