Genesis 31

Genesis 31:1

Asa man gikan ang tanan nga katigayonan nga gituohan ni Laban ug sa iyang mga anak nga lalaki nga gikuha ni Jacob?

Nagtuo si Laban ug ang iyang mga anak nga gikuha ni Jacob ang tanan niyang katigayonan gikan sa mga gipanag-iyahan ni Laban.

Genesis 31:12

Giunsa man pagkuha sa Dios ang mga mananap ni Laban aron ihatag ngadto kang Jacob?

Gihimo sa Dios nga manganak ang mga mananap nga adunay badlis, mga kabang ug puntikpontikon aron mahimong suhol kang Jacob.

Genesis 31:14

Giunsa man pagtagad si Raquel ug si Lea sa ilang amahan nga si Laban?

Miingon si Raquel ug si Lea nga gitagad sila sa ilang amahan nga si Laban daw sama sa langyaw ug gihurot ug gasto ang ilang salapi.

Genesis 31:19

Unsa man ang gibuhat ni Raquel sa wala pa siya milakaw kuyog ni Jacob?

Gikawat niya ang mga diosdios sa iyang amahan nga si Laban.

Genesis 31:22

Unsa man ang gibuhat ni Laban sa dihang gisultihan siya nga mikalagiw na si Jacob?

Gikuyog ni Laban ang iyang mga paryente ug giapas si Jacob ug naapsan nila siya sulod sa pito ka adlaw.

Genesis 31:24

Unsa man ang gisulti sa Dios kang Laban sa usa ka damgo?

Gisultihan sa Dios si Laban sa dili pagsulti ug maayo o daotan kang Jacob.

Genesis 31:31

Nganong nakasulti man si Jacob nga mikalagiw siya gikan kang Laban sa tago?

Miingon si Jacob nga mikalagiw siya tungod kay nahadlok siya nga basin pugson pagkuha ni Laban ang iyang mga anak gikan kaniya.

Genesis 31:34

Nganong wala man makit-i ni Laban ang iyang mga diosdios sa mga gipanag-iyahan ni Jacob?

Wala makit-i ni Laban ang iyang mga diosdios tungod kay gilingkoran kini ni Raquel ug unya miingon siya nga dili siya mahimong motindog tungod kay gidugo siya.

Genesis 31:38

Unsa man kadugay nga nagtrabaho si Jacob alang kang Laban, ug pila man ka higayon nga ginausab ni Laban ang iyang mga suhol?

Nagtrabaho si Jacob sulod sa 20 ka tuig ug napulo ka higayon nga ginausab ni Laban ang iyang mga suhol.

Genesis 31:43

Giunsa pagpakita ni Laban nga naghunahuna gihapon siya nga ang gipanag-iyahan ni Jacob iyaha?

Miingon si Laban nga ang tanan nga iyang nakita nga gipanag-iyahan ni Jacob iyaha.

Genesis 31:51

Para asa man ang gipatongpatong nga mga bato ug haligi?

Ang gipatongpatong nga mga bato ug haligi mga saksi sa kasabotan nga nag-ingon nga walay bisan kinsa sa ila ni Laban o ni Jacob ang molatas sa gipatongpatong o sa haligi aron pagbuhat ug daotan sa matag-usa.

Genesis 31:54

Unsa man ang gibuhat ni Jacob nga nagpakita nga miuyon siya sa kasabotan?

Nanaad si Jacob sa Dios ni Abraham, naghalad siya ug sakripisyo ngadto sa bukid, ug gidapit ang iyang mga paryente sa pagpangaon.