Genesis 30

Genesis 30:3

Unsa man ang gibuhat ni Raquel aron nga makabaton siya ug anak?

Gipadulog ni Raquel ang iyang sulugoon nga si Bilha aron nga makabaton siya ug anak alang kang Raquel.

Genesis 30:5

Nganong nagsulti man si Raquel nga nagmadaugon siya batok sa iyang igsoon nga si Lea?

Nag-ingon si Raquel nga nagmadaugon siya tungod kay gipakatawo sa iyang sulugoon nga si Bilha ang duha ka batang lalaki alang kang Jacob.

Genesis 30:7

Nganong misulti man si Raquel nga nagmadaugon siya batok sa iyang igsoon nga si Lea?

Nag-ingon si Raquel nga nagmadaugon siya tungod kay gipakatawo sa iyang sulugoon nga si Bilha ang duha ka batang lalaki alang kang Jacob.

Genesis 30:9

Unsa man ang gibuhat ni Lea sa dihang nakita niya nga dili na siya makaanak?

Gipadulog ni Lea ang iyang sulugoon nga si Zilpa ngadto kang Jacob aron nga makabaton siya ug anak alang kang Lea.

Genesis 30:14

Unsa man ang hinungdan nga nakasulti man si Lea nga bulahan siya ug malipayon?

Miingon si Lea nga bulahan siya ug malipayon tungod kay gipakatawo sa iyang sulugoon nga si Zilpa ang duha ka batang lalaki alang kang Jacob.

Unsa man ang gihanyag ni Raquel kang Lea nga baylo sa mandragora sa iyang anak?

Ingon nga baylo sa mandragora ni Ruben, gihanyagan ni Raquel si Lea nga makigdulog kang Jacob nianang gabhiona.

Genesis 30:16

Unsa man ang nakuha ni Lea sa pakigbaylo sa mandragora sa iyang anak?

Isip baylo sa mandragora sa iyang anak, nakigdulog si Jacob kang Lea nianang gabhiona.

Genesis 30:25

Unsa man ang gipangayo ni Jacob kang Laban human gianak si Jose?

Gipangayo ni Jacob kang Laban nga tugotan siya nga molakaw kauban ang iyang pamilya balik sa ilang kaugalingong pinuy-anan ug sa ilang nasod.

Genesis 30:27

Nganong wala man tugoti ni Laban si Jacob nga molakaw?

Si Laban adunay panagna nga gipanalanginan siya ni Yahweh tungod kang Jacob.

Genesis 30:35

Giunsa man paglingla ni Laban si Jacob mahitungod sa bayad?

Gibalhin ni Laban ang mga kahayopan nga pagadad-on ni Jacob, sa wala pa niya gihatag ang panon sa kahayopan ngadto sa pag-atiman ni Jacob.

Genesis 30:37

Giunsa man ni Jacob pagkaangkon ang mga adunay badlis, kabang, ug puntik-puntik nga mga nating kahayopan alang kaniya?

Mikuha si Jacob ug bag-ong putol nga mga sanga ug gipanitan niya kini gibadlisan nga makita ang puti nga sulod sa kahoy, ug gibutang niya sa atubangan sa panon sa mga kahayopan, diin misangpot nga ang panon sa kahayopan nanganak ug adunay badlis, puntik-puntik ug kabang nga mga nati.

Unsa man nga matang sa kahoy ang gipanitan ni Jacob aron mogawas ang puti nga badlis niini?

Gipanitan ni Jacob ug puti nga badlis ang mga bag-ong sanga sa poplar, almona, ug palano nga kahoy.

Genesis 30:39

Giunsa man ni Jacob pagbaton ug mga badlis-badlis, puntik-puntik, ug kabang nga mga kahayopan alang sa iyang kaugalingon?

Nagkuha si Jacob ug bag-ong putol nga mga sanga ug gipanitan ug gibadlisan kini, ug gibutang sa atubangan sa panon sa kahayopan, diin misangpot nga ang panon sa kahayopan nanganak ug adunay badlis, puntik-puntik, ug kabang nga mga nati.

Unsa man ang nahitabo sa dihang ang panon sa kahayopan mag-upahay atubangan sa tugsok nga gipanitan?

Kung ang panon sa kahayopan mag-upahay sa atubangan sa kahoy nga gipanitan makaliwat sila ug adunay badlis, puntik-puntik, ug kabang nga mga nati.

Genesis 30:43

Unsa man ang resulta sa pagpaupa ni Jacob sa mga kahayopan?

Miresulta nga ang panon sa kahayopan ni Laban luyahon, ug ang panon sa kahayopan ni Jacob himsog ug nagkadaghan.