¹ Naih ah tauh Pha-li-si munh, bux hipđ ayx Ni-cô-đem, Nănh six ah tauh ayx lub nyăngz Yiu-tai munh.” ² Naih ah munf nănh taih lov Zâu Yê-su coong, “Stênz-stengb lex, Yaz pâyz tuz Tênb-Hungh paiđ mâyh taih ayx Stênz-stengb, Năngđ coong max zâyf naih Tênb-Hungh cloon mâyh yămz têx, Mâyh max hayh ayx tuz lâyc đomc jix-caox njingf nyăngz dlayc nâyx đêh.” ³ Zâu Yê-su tauz, “Yaz coong seenz bux mâyh, Toix laiv max săngb yungf quaix têx, Six max hayh tuz nzac Tênb-Hungh nyăngz côkz đêh.” ⁴ Ni-cô-đem, Tăngx măkx songđ naic, “ha munh côx nzuf nzof ayx laix năngx hayh stengb săngb nyăngz? Ha six năngx zuc nzac nzif nyăngz nyâuđ njaf ninyh stengb tah nyâyc hâyc timb mah? ⁵ Zâu Yê-su tauz, “Yaz coong seenz bux mâyh, Toix laiv tauh max stengb stâyv yămz womz cloon Singx-lingh, Six max tuz nzac Tênb-toongh côkz.” ⁶ Bamh munh yungf six stynb a, Singx-lingh yungf six mengc hoonh.” ⁷ Nyâuh max nongc nyâyh ganc yaz coong six zuc stengb yungf nâyx đomc woac. ⁸ Nzaox oix sâyb laiv yâuc tuz, Mâyh numđ nzaox stingb buib six max pâyz tuz nzaox tăng laiv tix taih, Yâuc oix ninyh laiv tix, Singx-lingh oix phunz toix laiv tauh stengb yungf six năngđ nâyx gôh. ⁹ Ni-cô-đem naic nănh, Nâyx đomc dlayc ayx laix hayh seetb taih tuz?” ¹⁰ Zâu Yê-su tauz, Mâyh six ah tauh ayx I-sa-la-ên Munh nyăngz Stênz-stengb, mâyh lauf max zengx pâyz nâyx đomc dlayc mah?” ¹¹ Yaz coong seenz bux mâyh, Pănh phătc quaix laiv hungđ, Pănh lănv laiv hungđ, Six nyâuh max zeen yaz lănv zanyx manyf nyăngz woac. ¹² Six coong yaz lănv bamh canz nyăngz jau, nyâuh lenf lôx max zeen yaz nzof, naih dlih yaz lănv tauv Tênb-toongh côkz, nyâuh ayx laix hayh zeen yaz?” ¹³ Max zengx naih toix laiv tauh tuz staox quaix Tênb-toongh côkz, seetb nzuf yaz bamh munh nyăngz toonz.” Tăng woa Tênb-toongh nzac taih woax tauh. ¹⁴ Lôx noib Mô-sê yămz woa Stâyz-phangz blănf, Zoz tongh nangz ănz woa tongc njăpf staox sjăngđ, Yaz bamh munh nyăngz toonz, lauf zuc munh njăpf staox njăngđ năngđ woa nâyx gôh.” ¹⁵ Phunz laiv tauh zeen couv nănh songđ tuz stâyv quâyx nyăngz Mengc.” ¹⁶ Tênb-Hungh tăng laiv stăngz Gungh đi munh songđ zoz nănh nyăngz ah tauh toonz sađ phunz nănh stiz, “Phunz toix laiv lanh zeen couv nănh nyăngz toonz songđ max zuc mêtc, Six tuz stâyv quâyx nyăngz Mengc. ¹⁷ Tênb-Hungh paiđ nănh nyăngz toonz nzac taih tauv nây bamh canz, Max zâyf tingc bamh munh nyăngz Stoif đêh, Cungb phunz bamh munh tuz Njâuv cungv.” ¹⁸ Toix laiv tauh zeen couv Tênb-Hungh nyăngz toonz woax tauh max zuc tingc Stoif, Toix laiv tauh max zeen couv Tênb-Hungh nyăngz toonz woax tauh songđ zuc tingc Stoif, wâyc zuc nănh max zeenz couv Tênb-Hungh nyăngz toonz.” ¹⁹ Nănh stiz zuc stămc Stoif nyăngz coonz tay six năngđ nâyx, Gwăngz nzac bamh canz taih. Bamh munh max oix nongc gwăngz, Cungb oix nongc nzămc cungv, wâyc zuc nănh stiz ayx nyăngz dlayc six nzămc nzongf.” ²⁰ Toix laiv tauh ayx huđ dlayc woax tauh hănđ Gwăngz, Yâuc max oix ninyh lov Gwăngz. Cungb woangb nănh stiz ayx nyăngz huđ dlayc hayh hynđ yangh seetb taih.” ²¹ Six toix tauh âyz seenz gâyf ayx woax tauh taih lov gwăngz. gwăngz songđ oix yeenv nănh ayx nyăngz dlayc couv Tênb-Hungh ayx.” ²² Blătc woa Zâu Yê-su cloon Nănh nyăngz Stâyb-sây buz ninyh Yu-đê Stengv yămz woa ah dlapc stăngc munh ayx quaix womz nyăngz gâyf. ²³ woax zanyf Giăng lauf yămz woa Ê-Nôn Muôngc stăngc munh ayx quaix womz nyăngz gâyf, Gâyh Sai-lim Muôngc max côz, Yămz woa naih womz đungx, Munh đungx songđ tinyh ênz ninyh woa ayx quaix womz nyăngz Gâyf.” ²⁴ Woax zanyf Giăng max zengx zuc yămz nzauh.” ²⁵ Naih đomc Giăng nyăngz stâyb-sây buz cloon tauh Yiu-tai munh nzengz stav wâyx nyăngz Gâyf. ²⁶ Woax đomc Stâyb-sây buz ninyh bux Giăng coong, “Stâyb-Pha lex, Mâyh săngx tuz lôx noib cloon pănh yămz woa jo-đen coiđ tongz phanx ayx zanyx manyf bux pănh woax tauh, Nâyx zanyf nănh stăngc munh ayx quaix womz nyăngz Gâyf, Songx munh toix laiv tauh yâuc cungb oix ninyh lov nănh.” ²⁷ Giăng tauz, năngđ max zâyf Tênb-Hungh phunz taih têx, Max naih mănv hayh ayx tuz laiv hungđ đêh.” ²⁸ nyâuh songđ cănh stăngc yaz ayx zanyx manyf pâyz tuz yaz coong nyăngz woac. Yaz pâyz tuz sên taih woax tauh đêh, Yaz cungb tuz paiđ taih đangc bênc jau phunz nănh lêđ đêh. ²⁹ Nongc săngb langh woax tauh zah loongh taih, Zu mungv numđ săngb langh nyăngz stingb, Zah-loongh seenz numđ nyađ nzongf, hănđ nâyx zanyf yaz lauf numđ nyađ năngđ ha.” ³⁰ Nănh tuz ayx lub staox, Yaz zuc ayx jeenz nzac.” ³¹ Tăng Tênb-toongh taih woax tauh ayx năngx lub quaix yeetx stong, “Yămz bamh canz taih woax tauh six săngh bamh canz nyăngz munh. yâuc cungb coong bamh canz nyăngz jau cungv. Six yămz Tênb-toongh taih woax tauh, ayx năngx lub quaix yeetx stong.” ³² Nănh ayx zanyx manyf coong, “Nănh phătc quaix numđ quaix nyăngz dlayc, Six max naih laiv tauh stipx nănh nyăngz woac.” ³³ Laiv tauh stipx nănh nyăngz woac, Six năngđ tăpb yeenx nâyx, ayx zanyx manyf phunz Tênb-Hungh six seenz nyăngz.” ³⁴ Tênb-Hungh paiđ taih woax tauh six coong Tênb-Hungh nyăngz woac. wâyc zuc Tênb-Hungh sađ singx-lingh phunz Nănh pong câuv.” ³⁵ Nzangc Pha stăngz nănh nyăngz toonz, Songđ zoz muif hungđ jaoz phunz yămz nyăngz toonz puf đi.” ³⁶ Laiv tauh zeen couv Tênb-Hungh nyăngz toonz, woax tauh naih stâyv quâyx nyăngz Mengc. Six laiv lanh max mungv Tênb-Hungh nyăngz woac têx, Six max hayh tuz stâyv quâyx nyăngz Mengc yâuc zuc Tênb-Hungh tingc nănh nyăngz Stoif.”