¹ Muwakumbusye pakuvwila ya kateka na yansambu, pakuwuvwila, nukuyisenganya kumulimo wonsi uwuzima, ² yatayewa nanthi wumwi, ukuti yatakunda ukulwa, nu kuya nu wunthu, ukulanjizya ukufwasa ku munthu wensi. ³ Pakuti ndi naswekwene twali sweyakunthelenganya nu kunthuvwila. Twaponzile nukuya ayazya ya kukumbuchila ivinthu ivivule ni vyakutangwanisya. Twikalile muluyembu nu wuzuwa. ayapatwe nukupatana. ⁴ Kwene lino uwila wakwe Leza umupususi witu nu8 lukundo lwakwe kuyanthu lwalolechile, ⁵ yitali imilimo ya wulungamane yino twachisile, kwene ukupitila muluse lwakwe amuno watupususizizye, ukupitila mukufula kwa kupapa kupya nukupangwa ayapya numupasi uwutiswe, ⁶ wuno Leza witile pali sweswe ukupitila mumupususi witu Yesu Kilisitu, ⁷ umwakuti twatulwa mu wila wakwe, ukuti tungaya sweyakupyana ukukwata itayilo ilyawumi wamuyaya. ⁸ Amazwi aa ayasuwilwe. Nkhulonda wewe usimichizye pavinthu vikwene, alikuti wonsi yano yasuwile muli Leza yachenjele pakuomba imilimo iyisuma. Ivinthu vino ivisuma nivyakwavwa kumunthu wensi. ⁹ Kwene ukane imivwango iyiyipe nukusenula nukukupusana nukulwana mumsunde ivinthu vii visi nintchito nupya ivyasilesile. ¹⁰ Umukane wino akupanjisya ivyakupaunkhana pali mwemwe, ukuyana nukuchenjezya lyonga pamwi kayili, ¹¹ ukumanya pakuti umunthu wamusango wuno afumile munzila iyisuma nukuti akuyembuka nukuisula wenga. ¹² Lino natuma Atemasi pamwi Tayichukasi kuli mwemwe, mwize zuwazuwa kuli nene kunikolasi, kuno mphekinye ukuti nimalimuka ichisiku. ¹³ Wombini vyonsi vino mungakwanisya pakuwatumizya ya Zenasi simasunde Apolosi, ukuti yatasowelwa chimwi. ¹⁴ Ayanthu yitu yalingine ukusambilili ukwomba imilimo iyisuma yino yikwavwilizya kuli vino vikulondekwa zuwa, nukuti yataula ivipasi. ¹⁵ Mwensi mweyano tuliponga yakuwalamuka. Lamukini yano yatukunda mwisuwilo. Inkhumbu ziye namwe mwensi.