¹ Nga fwandi tungalanda tuti uli? Uzye tungasyala umwi ifyo apakuti upolelelo wakwe uvulile kweneko? ² Awe foo. Swemo sweyana twafwa kuluyembu, uzye tungikalilamo nupya? ³ Uzye mutakumanaya kuno wonsi avule yano yawatiziwa muli Kristu Yesu yawatiziwa numumfwa yakwe? ⁴ Twazikwa, nupya, palipamwi nawe umukuwatizya umufwa. Chino cha chitikwe pamulandu ngati muno Yesu wazyukwikwe ukufuma kuyafwe namuwuchindame wakwe tata, kuno naswe tungapita muwumi wupya. ⁵ Ndimuno ngati twalemenkhani nawe ukuyana namufwa yakwe, tulalemenkana numukuzyukuka kwakwe. ⁶ Tumanyile chino, ukuti umuntu witu wa mpiti wakomwa naweliwe kuno umwili wa luyembu wononeke. Chino chachitikwe kuno tutaya nupya umuwuzya waluyembu. ⁷ Pano uwafwa ala wakululwa uku uzya uluyembu. ⁸ Lelo ndi twafwa pamwi na Kristu, tulasuwila kuno naswe tulikala ponga nawe. ⁹ Pano twamanya ukuti Kristu uwazyusile uku yafwe, atalafwa nupya awe; Imfwa itanaga imutonsye nakupya. ¹⁰ Ukuyana nimfwa yino wafwile kuluyembu, wafwille lyonga kuli vyansi. Kwene lino uwumi wuno akwikala, akwikala muli Leza. ¹¹ Umu musango uli umwi, namwe kwene mutezye ukuti mwafwa kuluyembu. Kwene swewumi muli Leza ukupitilila muli Kristu Yesu. ¹² Mutaleka ukuti uluyembu luteke imili inu lilafwa nu kulenhga ukuti mulondele ulunkumbwa lwakwe. ¹³ Mutatula ivipande vya miili inu uku maka uluyembu, uku kuya iviombelo vya kuchitika kweneko uwuyipe. Lelo mwaitula mweenecho kuli Leza ngati ayantu yano yafuma ukufwe ukuya kuwumi, nupya nukwitula mwemwe mwenga kuli Leza ngati iviwombelo kuwulungamane. ¹⁴ Mutize munzumilizye uluyembu wuwawonvye pali mwemwe. Pano munsi pasi pisundo kweni pansi paluse lwakwe. ¹⁵ Nga fwandi ichani? Uzye twayembuka muno tuli apansi pisunde, kweni pansi paluse? awe foo. ¹⁶ Ata musimanya kuno ndimwayipele mwemwe mwenga ukuya mweyazya, ukuya wemuzya kuli wino mukumuvwila? Limwi ungaya we muzya waluyembu, chino chingakusendela kumfwa, limwi ungawemuzya uwakuvwila, chino chingakusendela kuwumi usuma. ¹⁷ Kweni nkusalifya kuli Leza! Pano walinji we muzya waluyembu, kweni wuvwila ukufuma mumwenzo nu luyembu zya luyembu lizi zina ya kupile. ¹⁸ Waya wemusapulwe kuluyembu, nu kusenuka mwasenuka zya uku kuchita ivilungime. ¹⁹ Nkulonda vino antu yakalanda apa mulandu wa kutontenkana kwa untunze winu, ukuyana na kuno mwantumile ayamwiwungwe ukuya ayazya nukuntafulula nukunta konka isunde, nukonjelezya ukuchila amasundo, nukonjelezyapo ukuchila amasundo, munzila iliyimwi, Nomba natuma ayaombi ukuya ayazya kuwusuma nukwikutisika. ²⁰ Lino mwali azya yaluyembu, mwali weyasampuke kuvilungime. ²¹ Nga vino pansita yino, ivyani ivikomwa vino mwali navyo ni vintu vino nomba vikuwasozya insonyi? Nivyakufuma ukuyana ni vintu vivyo yaya imfwa. ²² Lelo nomba kuyana kuno wasapulwa kuluyembu nukuya umuwonvi wakwe Leza, muli nacho ichikomwa ichakwikutisiwa. Nuwumalilo wakwe uwumi wape nape. ²³ Pansi pano amalipilo yaluyembu imfwa, Lelo uwila wakwe Leza kwena ichaupe chakwe Leza uwumi wape nape muli Kristu Yesu mwene witu.