¹ Achino musinulutetelo, mwe yantu, mwe yano mukupingula, amuno chino ulupingula kumuzo ukuyisusya wenga amuno we muntu ukupingula ukuwomba ivili vyonga. ² Kwene tukumanya ukuti uwupinguzi wakwe Leza ukuyana nu chumi kuli yano yakuwomba ivintu vikwene. ³ Kwene uchelenganye chii, we muntu, we wino ukupingiula kuli yano yakuwomba ivintu vikwene napanoukuviwomba ivilivimwi. ⁴ Uzye ukwelenganya panono ivya chuma vino vili umuwila wakwe, nukuchelwa kwakwe kwakufundwa, nu kutontelelakwakwe? Uzye mutamanyile ukuti uwila wakwe ikukutwala wewe ukulapa? ⁵ Kwene ichakulusya ichakukonka nukwawula ukusenuka umwenzo wako vino wasunga wewe wenga apawanda wa wukali, alikuti, pawanda uwawumbula utele wakwe Leza apawupinguzi. ⁶ Alilipila ku muntu wensi ukuyana nimilimo yakwe: ⁷ Kuli yalya yano ukujimbilila kwa ntchito zyakwe insuma nukwelenganya uchindame, umuchinzi, nukwambula amaweko apano alaweapela uwumi wa penape. ⁸ Kwene kuno yalya yano yakulonda ivyawo wonga, yano yatakuvwila ichumi loli yakuvwila chino chisi ichitele, ukali nukutinya ukwakusoka viliza. ⁹ Leza alaleta intazi inkulu nivitima apa wumi wa muntu wensi wino wachitanga uyipe, ukualika ukumayuda alino lyene ukumugiliki. ¹⁰ Kwene uchindame, muchinzi, nu mutende uliza apa muntu wenga wino akuwomba usuma, ukutalika ukumuyuda, apano lyene ukumugiliki. ¹¹ Pakuti kutaya ukupusana na Leza. ¹² Ngati muno avule yayembwike chisita isunde apano nawo yali lowa chisita isunde, ngalino muno avule yayembwike chisita isunde apano yatalalowa ni sunde, ngalino avule yayembwike nukuchindika isunde yalapingulwa ni sunde. ¹³ munoyatali ukuvwila isunde lino itele kuli Leza, kwene yano yakuwombela isunde ayano yalaya asuma. ¹⁴ Lino aluko luze, yano yatali ni sunde, yawombelangamu myata ya vintu vyamwisunde, ayano isunde kuli woliwo wonga, napano kwene yatali ni sunde. ¹⁵ Pali chikwene yakulanjizya muntchito zyawo zino zikulondwa umwisunde vyawalikwa umumyenzo yawo. Apano ukuchintuchila kwawo kukusimichizya kuli woliwo, nu mumelenganyo yawo nsita zimwi zikuwasusya pamwi vikuwimila muli woliwo wonga. ¹⁶ Nukuti Leza. Vino vilaloleka apawanda wuno alipingula ivya nkama ku yantu wonsi , ukuyana nizwi lyane, ukupitila muli Yesu Kilisitu. ¹⁷ Kwene nanti ukuyama kuno we muyuda nu nukupuza mwisunde nukuyitutumula muli Leza, ¹⁸ nukumanya chino akulonda nukuzumilizya chino ichakulusya pamulandu vyalandwa mwisunde; ¹⁹ Napano wazumilizya wewe wenga ukuya we wakukolela kuli ya ntonko ukuya utiswe kuli yalya yano yali umumfinzi, ²⁰ Kakolela wa mpungani, kasambilizya uwa yana anche, nukuya mwisunde nukumanya chino icha chumi, uzye chikupanjisya ichani umu kwikala kwa wumi wako? ²¹ We wino nkusambilizya awuzo usikuyisambilizya we mwenecho? Wewe wemuntu nkukosola ivya wupupu, uzye ukayiya? ²² Wewe wino ukati wumwi atati achendeka, uzye wewe ukachendeka?Wewe wemuntu wapata yangoza, uzye ukayiya ivya mutempeli? ²³ Wewe we wino ukayikwezya mumasunde, ka ukamuchindika Leza apakuleka ukuvwila amasunde? ²⁴ Apakuti ''izina lyakwe Leza yakulituka na nduko zimwi umusango wakwe mwemwe, '' ngati avino chalembwa. ²⁵ Apakuti ukulembululwa ukuzima kuli wewe nanti ukuyachindika amasunde, kwene nanti we usiwuvwila amasunde, ukulembululwa kwako kukuya usi kwakulembulukwa. ²⁶ Nanti apano, umuntu wino atalembulwa akusunjilila ukulondwa kwisundwe, ukwambula ukulembululwa kwakwe ali yana ngati walembululwa? ²⁷ Apano asi wenga wino kufuma ku mpapwa atalembululwa wino akukulonga nanti akukwanilisya isunde? Chi achino tuli na mawaliko ya masunde nu kulembululwa, pano ukuchindika ama sunde! ²⁸ Apano asi umuyuda wino kakalolechela kwakwe ngati umuyuda umwenecho; pamwi ukulembululwa kwenecho asi akalolechele nakwe ako nu mwili. ²⁹ Kweni wino umuyuda wino awenga mukalolechele, nukulembululwa ukulya ukwa mu mwenzo nu mupasi, mumawaliko pole. ukusalifya uwa muntu wiyo kuti tile ku muntu kweni kuli Leza.