^{1 2} Pawanda wulya Yesu wafumile mung'anda nukuyayikala mumbali muli yemba . Iwumba ilikulu lyakongine ukumuliwilizga , winjile muwato nukwikala mukasi pano iwumba lyimilile pambali pali yemba . ³ Apano Yesu wavwanzile ivivule ivinji kuli woliwo muvwili. Watile , '' Muchenjele, kalima wayile pakukomela imbezu . ⁴ Lino akukomela imbezu yimwi yaponile pamusewu , nga ivyunyi vyizile nukusompha . ⁵ Imbezu yimwi yaponyile pamawe, pani yitalinji nivu ilinji. Mkasita kanono yizile yuma umulandu patali ivu ilivule . ⁶ Nga lino ilanzi lyakwera, yizile yafoka umulandu yitali nimisisi, nga yizile yuma . ⁷ Imbezu yimwi yaponile pamyunga . imyunga yakuzile nukuputa imbezu. ⁸ Imbezu yimwi yaponile pamuvundo nukuseka , yimwi nukuseka umwanda wonga nukupitilira , yimwi amakumu yasano nalyonga , nga nayimwi amakumi yatatu. ⁹ Wino ali namakutwi mulekini awuvwe.'' ¹⁰ Ayalondezi yizile nga yatile kuli Yesu, '' Icani chino ukuvwanga kwiwumba muvili?'' ¹¹ Yesu waswike nga witile kuli woliwo , '' Mwapelwa ulongo ulwakuvwa ivwankhama ivyawumwene wakupela , kweni kuli woliwo chitapelwa. ¹² Muno wensi wino alinavyo alipelwa ivinji, nga aliya nivivule . Kweni wensi wino ataya navyo, navino alinavyo vilisendwa ukufuma kuli weliwe. ¹³ Ali chino nkhuvwanga kuli woliwo muvwili : Nachino wuli yakulola , yasilola ; nachino wuli yakuvwa, yasikuvwa, nanthiukuvwichisya . ¹⁴ kuli woliwo vino wachimole Yesaya vwakwaniliswa, vino vikuti, 'Pano mukuvwa muluvwa, kweni munzila yonsi mutaluvwichisya; pano mukulola mulilola , kweni munzila yonsi mutaluvwichisya . ¹⁵ Muno imyenzo yayanthu yano iyikome , nga yatange yuvwe, nga yaziyite aminso yawo, nga achino yatange yalole naminso yawo, nanthi nukuvwa namakutwi yawo , nanthi ukuvwichisya numyenzi yawo , nga achino yalisenuka kapya , nga ndiwapozga .' ¹⁶ Kweni alongo aminso yinu, muno yakulola ; namakutwi yinu, muno yakuvwa. ¹⁷ Umolimo nkhuvwanga kuli mwemwe ayanchimi nayalungamane yakalonda ukuti yangalola ivinthu vino mukavilola kweni yatavilola . Yalondanga ukuti yanguvwa ivinthu vino mukawuvwa nga yatavyuvwa . ¹⁸ Wuvwini nomba kuchili chakwe kalima wino wasunvile imbezu zgakwe. ¹⁹ Nanthi wensi akuvwa izwi ilya umwene kweni atakulyuvwichisya , umuyipe akayiza nukupoka vino vwakomelwa mumwenzo wakwe. Yii ali mbezu yino yasunvilwe pamusewo. ²⁰ Yino yasunvilwe pamusili wamawe umunthu wino akawuvwa nganapapokwene akalipochelera nukusechera , ²¹ pano asi nimisisi muli weliwe , nga akajimba pakansita kanono . Nanthi ukuyimba nukupingulwa kwatalika umulandu wizwi , akapona zuwazuwa. ²² Yino yasumbilwe pa myunga , wi ali munthu wino akawuvwa izwi , kweni akayika amano kuvinthu vwansi nga nga nukuyipa kwa vyuma vukakoma izwi, nga akaya uwambula ukukoma ivikomwa . ²³ Imbezu zino zgaponyile pamusili wamuvundo , wi ali munthu wino akawuvwa izwi nukulyuvwichisya . Akakoma ivikomwa nukufumya imbezu, ukugowola nu mwanda , muli vimwi amakumi yasano nalyonga , muli vimwi imakumi yatatu ngati muno wakomelire. '' ²⁴ Yesu wavwanzile ichili chuze kuli woliwo. Watili, '' Umwene wakupela wuli ngati umunthu wino wasumba imbezu yakwe iyisuma muchalo chakwe. ²⁵ Kweni pano ayanthu yalazile , ayalwani yakwe yizile nukukomela imbezu injipe mwenemo nga nukupita . ²⁶ Kweni lino imbeziu yilya yamela nga nukuseka , nganimbezu injipe nayo yalolike . ²⁷ Ayancthito yamwenecho wacvhalo yizile nukuti kuliweliwe, ' Mukalamba , utasunvile imbezu insuma muchalo chako? Ichani chino nomba muli imbezu injipe ?' '' ²⁸ Watili kuli woliwo , ' Umulwani awino awonvile chino .' ''Ayantchito yatili kuli weliwe , ' Mukulonda akuno tuye nukuvifumya mwenemo?' ²⁹ '' Umwenecho wachalo, 'Awe. Umulandu pano mukunyunkhula ivimele iviyipe, unganyunkhulila ponga navino wakomela. ³⁰ Visyini vyonsi vikulile ponga mpaka pano tuligowolanga . Pansita yakugowola ndivwanga kuli yano yaligowolanga , ''Mutalichile munyunkhule iviyipe nukuvinyepa ponga ukuti muvipembe , kweni mukonganite tiligu munkhuma .'''''' ³¹ Apano Yesu wavwanzile ichili chuze kuli woliwo. Watile, '' Uwumwene wakupela wuli ngati akambezu kakwe mupilu kano umunthu wasenzile nukusumba muchalo chakwe . ³² Imbezu yi iyinono sana ukulusya imbezu zyonsi. Kweni nanthi kakula , ichikalamba ukulusya vino vili muchalo. Chikaya ichimutwe, muno ivyunyi vyamupela vikayiza nukwanza munsamba zgakwe.'' ³³ Yesu apano wavwanzile kuli woliwo ichili chuze.'' Umwene wakupela wuli ngati ayisiti wino umwanachi wasenzile nukusanzya na vipimo vitatu ivyawusu mphaka pano umunya wonsi watutumwike.'' ³⁴ Ivinthu vyonsi vino Yesu wavwanzile kwiwumba muvwili; nga atavwanzile nachimwi kuli woliwo uwambula ichili. ³⁵ Chi chalinji ukuti vino vwanzilwe ukupitila munchimi viye umolimo, pano watili, '' Ndiyula umulomo wane muvili. Ndivwanga ivinthu vyavwamile ukufuma kukutalichila kwansi.'' ³⁶ Apano Yesu wasile iwumba nukuya mung'anda . Alondezi yakwe yizile kuli weliwwe nukuti , '' Tunene ivili vyavimele iviyipe ivyamuchalo.'' ³⁷ Yesu waswike nukuti ,'' Wino akukomela imbezu iyisuma umwana wa munthu . ³⁸ Ichalo insi; nga imbezu insuma , ya ali yana ya umwene. Imbezu injipe ali yana ya muyipe, ³⁹ na yalwani yano yavisunvile asatana. Ukugowola ali wumalilo wa nkulo, nga nakagowola ayangeli. ⁴⁰ Apano , ivimele iviyipe vwawunganikwa nukupembwa numoto, amuno chiliyela pawumalilo wankhulo. ⁴¹ Umwana wa munthu alituma ayangeli yakwe, nga yalikonganika ivyawumwene ivinthu vino vikapanjisya uwuyipe nga nayano yakapanga uwuchende. ⁴² Yaliwasumbila muchiwina cha moto, kuno kuliya ukupuputa imisinzi nukusyeta amino. ⁴³ Apano ayalungamane yaliwala ngati ilanzi muwumwene wakwe tata wawo. Wino ali namakutwi, musyini awuvwe. ⁴⁴ Umwene wakwiyulu wayana nichuma chino chifisime muchalo. Umunthu wachizanyile nukuchifisa. Musansa zgakwe wapisile, nukuyakazga vyonsi vino wali navyo, nukukala ichalo chilya . ⁴⁵ Nupya, uwumwene wakwiyulu wuli ngati umunthu wino umukankhala wino akulonga uwukasi uwapapela. ⁴⁶ Nanthi wazana uwukasi wonga uwamphiya izivule , wapisile nukukazga vyonsi vino wali navyo nukuwukala uwukasi wulya. ⁴⁷ '''Kupya umwene wakupela walingana nuwukonde wuno yasumbile muliyemba , nga wakonginye akawomi konsi. ⁴⁸ Lino wazula , yakaswera yawukwemile pamulundu wakwe yemba . Alino yikazile pansi nga yakonganike ivisuma vyonsi muvitundu, kweni ivyawula inchito vyonsi yavisunvile . ⁴⁹ Chiliya vikwene pawumalilo wankhulo. Ayangelo yaliza nukupawula ayayipe kuli yano ayalungamane . ⁵⁰ Yaliwasumbila muchiwina chamoto, kuno yalalila nusyekula amino. ⁵¹ ''Muvwichisya ivinthu vyonsi vino?'' Ayalondezi yatile kuli weliwe, ''Umolimo. '' ⁵² Alino Yesu watili kuli woliwo, '' Achino wensi wino wakonkha ukuya umuwonvi wakwe Leza ali ngati umunthu wino umwenecho wang'anda, wino akasenda ivikali nivipya ukufuma muli vino wasengula .'' ⁵³ Apano chizile chaya ukuti lino Yesu wamala ivyili, wafumilepo pano yali . ⁵⁴ Apano Yesu winjile mumusumba wakwe nga wasambilizge ayanthu muma Sinagogi yawo . Ichakukonkha chali ichakuti yazungwike nukuti yatile , '' Akwinye kuno umunthu wino akusenda amano yakwene nivwakuzungusya vino ? ⁵⁵ Umunthu wino sumwana wakwe kapala wamatabwa? Mama wakwe sawino yakamwama Mary? Sayato yakwe ya Yakobo, Yosefe , Simon na Yuda ? ⁵⁶ Sayanyina yakwe wonsi yano tuli nawo? Wasenzile kwinye ivinthu vwonsi vino?'' ⁵⁷ Yasosile umulandu wakwe weliwe. Kweni Yesu watili kuli woliwo, '' Inchimi yisiya numuchinzi mjnsi yakwe nanthi umung'anda yakwe.'' ⁵⁸ Atawovwile ivyakuzungusya ivinji kuku umulandu yatamusuwile .